Osiya 2:20 - Baibo Busansulushi Bwa Libuku Ili

²⁰ Ndaakukweeba mukushomeka alimwi ulaakusumina ayi ndime Mwaami Lesa.

Osiya 2:20 ပူးပေါင်းရင်းမြစ်များ

Matalikilo 9:10

ashintu shimwi shoonse shiyoya. Nkokwaamba ayi bayuni abanyama nabi ayi shoonse nshemwakaswaasho mubwaato.

Isaya 2:4

Mwaami Lesa ulaakoombolosha mishobo akumana nkondo pakati ka bantu baanji. Mipeeni yabo balaakunoifula ayi shibe shakulimisha, aalo masumo abo ayi abe shakukwesoosha shisamu. Taaku mushobo weshi ukapililike mipeeni kuya mukulwana umwi, nabi weshi ukanooya mukwiiya shankondo.

Isaya 62:4

Teshi ukanoociitwa ayi, “Cishaale” nabi kwiita cishi cako ayi, “Matongo.” Sombi ulaakunokwiitwa ayi, “Efisiba,” nkokwaamba ayi usunikwi wangu uli muli nguwe. Acalo cishi cako cilaakunokwiitwa ayi, “Beula,” nkokwaamba ayi weebetwe, ceebo Mwaami Lesa ulaakunookusuni alimwi ngweshi akakweebe.

Jelemiya 24:7

Kuswawaawo ndaakubapa moyo wakunshiba ayi ndi Mwaami Lesa. Balaakuba bantu bangu, anebo ndaakuba Lesa wabo, ceebo balaakupilukila kuli ndime amyoyo yabo yoonse.

Jelemiya 30:10

“Aboobo mutaloondi nobamulunyungu lwakwe Jakobo, bantu bangu. Mutabi aboowa nobene Isilaeli. Ndushinisho ndaakumupulusha kuswa kucishi cakulaamfu, ee, bamulunyungu lwanu kuswa mucishi ca busha. Balaakucana luumuno akutabililwa cakwaamba ayi taakuuwo nabi womwi weshi akabaloondeshewo tubili.

Jelemiya 32:41

Anebo ndaakunoosangalete amoyo wangu woonse pakubacitila shintu shibotu akubekalika mucishi cino kwanshiku shoonse.”

Jelemiya 9:24

Sombi uyo woonse ulilumbaisha, aalilumbaishishe ceebo cakwaamba ayi wakanyumfwisha shapali ndime alimwi ulinshi. Ncakwiila kunshiba ayi ndime Mwaami Lesa utondesha nkumbu, woombolosha cakutanyengelela alimwi ucita bululami pacishi ca panshi. Ishi nsheshintu moonsangalalila. Nebo neMwaami Lesa ndaamba.”

Esekelo 16:62

Kuswawaawo ndaakupanga cipangano andiwe. Lyalo ndyeshi ukeshibe ayi nebo ndi Mwaami Lesa.

Esekelo 16:8

“ ‘Ndindakeendilako lwabili, ndakakulanga akubona ayi wakomena cakweelela kweebwa. Lyalo ndakafungulula cisani cangu nkocibetele kweela akukufweka ayi utanokweenda matakosha. Ndakashomesha cakulumbila kuli ndiwe akupanga cipangano andiwe. Kuswawaawo wakaba waangu. Nebo neMwaami Lesa Shinkusu shoonse ndaamba.

Esekelo 34:25

Kuswawaawo ndaakupanga cipangano ca luumuno a nshisho akukusha banyama ba muluundu mucishi kwaamba ayi shikekale muluyanga nabi mumusaansa kwakubula cakulisukama.

Esekelo 34:27

Shisamu sha mumyuunda yabo shilaakucata shisepo abwalo bulongo bulaakukusha shishango. Bantu balaakwikala kwakubula cakulisukama mucishi cabo. Ndaakutyola lijoko lyabo akubakusha mumaansa abaabo bakalinga babatola busha. Lyalo ndyeshi bakeshibe ayi nebo ndi Mwaami Lesa.

Esekelo 38:23

Mukucita boobo ndaakutondesha mishobo yoonse ayi ndalemekwa alimwi ayi ndisalalite pameenso abo. Lyalo ndyeshi bakeshibe ayi nebo ndi Mwaami Lesa.”

Osiya 13:4

Mwaami Lesa waamba ayi, “Nebo ndime neMwaami Lesa, Lesa wanu nendakamukusha mucishi ca Ijipiti. Tamweelete kwishiba balesa bamwi kuleka ndime. Nebo neenka ndime Mupulushi wanu.

Osiya 2:19

“Webo Isilaeli, ndaakukulengesha kuba mukaangu walyoonse alyoonse. Ndaakucita boobo mubululami alimwi cakushomeka. Ndaakunookutondesha lusuno akukunyumfwila nkumbu.

Osiya 6:6

Nebo ndisunishi nkumbu, kuteshi milambu. Ndisunishi bantu beshiba ayi ndime Lesa, kwiinda milambu yakutenta.

Bene Lefi 26:5

Shakulya shanu shilaakufula cakwaamba ayi paciindi cakuyapa minyansa, mwebo mulaakunoocitebula shili anga ngamaila, apalo paciindi cakushanga shakulya, mulaakunoocilongelabo minyansa. Mulaakuba ashakulya shoonse nshemusuni alimwi mulaakunokala kabotu mucishi canu ico.

Bene Lefi 26:6

“Ndaakumupa luumuno mucishi canu alimwi mulaakunokoona cakutaloonda muntu nabi womwi. Banyama boonse bakali ndaakubatandaamo, anu teshi mukabewo nkondo alimwi.

Mika 4:3

Mwaami Lesa ulaakoombolosha mishobo akumana nkondo pakati ka bantu baanji. Mipeeni yabo balaakunoifula ayi shibe shakulimisha, aalo masumo abo ayi abe shakukwesoosha shisamu. Taaku mushobo weshi ukapililike mipeeni kuya mukulwana umwi, nabi weshi ukanooya mukwiiya shankondo.

Sekaliya 9:10

Mwaami Lesa waamba ayi, “Ndaakukusha shikoci sha nkondo muEfuleemu akukusha maaki a nkondo muJelusalemu. Ncakwiila ndaakutyola mata a nkondo. Mwaami wanu ulaakuleta luumuno pakati ka mishobo. Cishi cakwe cilaakunooswa kulweenge kuya mukushika kulweenge. Cilaakunooswa kuMulonga wa Yufuletisi akuya mukushika kupilila lisuba.”

Mateyo 11:27

“BaTa bakabika shintu shoonse mumaansaangu. Taaku muntu ushi Mwaana, sombi baTa beenka. Taaku muntu ushi baTa, sombi Mwaana eenka alimwi awooyo Mwaana ngwaasala ayi ayubulwite.

Luka 10:22

“BaTa bakabika shintu shoonse mumaansaangu. Taaku muntu ushi Mwaana, sombi baTa beenka. Taaku muntu ushi baTa, sombi Mwaana eenka alimwi awooyo Mwaana ngwaasala ayi ayubulwite.”

Joni 17:3

Buumi butamaani ubu nkwishiba ndimwe nobaLesa bancinencine nweenkabo akwishiba Jesu Klistu uyo ngomwakatuma.

Joni 8:55

Nakubi kwaamba ayi mwebo tamumwishi, nebo ndimwishi alimwi na ndaamba ayi nshimwishi, nkokwaamba ayi ndaba mubeshi bweenka mbuli ndimwe. Ono nebo ndimwishi alimwi ndacita bwaamba liswi lyakwe.

2 Bene Kolinto 4:6

Ceebo Lesa wakaamba ayi, “Akube mumuni umunika kuswa mumunshinshe.” Lesa eenkabo uyo ngoolengesha mumuni kumunika mumyoyo yesu, kwaamba ayi twishibe bulemu bwakwe bumunika pameenso akwe Klistu.

Bene Filipi 3:8

Ncakwiila shintu shoonse ishi nshakusowabo tasheelani ampindu yakwishiba Klistu Jesu, Mwaami wangu. Ceebo ca nguwe shoonse ndashisowa. Ndayeeya ayi taaku mboshibete mukwaamba ayi ntambule Klistu

Bene Kolose 1:10

Lyalo mulaakwikala buumi busuni Mwaami akumusangalasha lyoonse. Kwiinda mukucita milimo ibotu ipusenepusene. Buumi bwanu bulaakubonesha shisepo shibotu alimwi lushibo lwanu lwa pali Lesa lulaakufulilaako.

2 Timoti 1:12

Nceceeco ncentoopengela bobulya. Nakubi boobo nshinyumfwi nsoni ceebo ndimwishi uyo ngoonshoma. Aboobo ndishinishite kwaamba ayi ulakonsha kusunga isho shoonse nshaakabika mumaansa angu ayi ndame kushikila bushiku bwakoombolosha.

Bene Ebulu 8:11

Taaku weshi akanokwiisha mubye nabi kwiisha mukwabo ayi eshibe nebo neMwaami Lesa mukwiinga boonse balaakunshiba, kuswa kumuniini kushika akumunene.

1 Joni 4:6

Sombi swebo tuli bakwe Lesa. Uyo woonse ushi Lesa ulatunyumfwila alimwi uyo woonse uteshi wakwe Lesa taatunyumfwili. Anu mboboobo mbotupusanya Mushimu wancinencine awa bubeshi.

1 Joni 5:20

Tulishi kwaamba ayi Mwanaakwe Lesa wakesa akutupa busongo ayi twishibe Lesa wancinencine. Tuli muli Lesa wancinencine ceebo tuli muli Jesu Klistu Mwanaakwe. Uyu ngoLesa wancinencine alimwi mbobuumi butamaani.