Osiya 2:13 - Baibo Busansulushi Bwa Libuku Ili

¹³ Ndaakubapa mulandu ceebo ca shiindi nshebakatentela Baali tununkila kabotu. Bakalifwalika ninga abulungu bwamakwebo akuya cikonkela basunikwi babo, sombi nebo bakandubaako. Nebo neMwaami Lesa ndaamba.

Osiya 2:13 ပူးပေါင်းရင်းမြစ်များ

2 Baami 1:2

Mwaami Aasiya wakaloka pambwelyo ya cipinda ca peculu ca ŋanda yakwe muSamaliya akulicisa abuumbi. Lyalo wakatuma beshinkombe kuya mukwiipusha Baali Sebubu lesa wa kuEkiloni ndabala inene ya bene Filisiti ayi na ulaakuba kabotu.

2 Baami 10:28

Munshila iyi Jewu mbwaakanyonyoola kulambila kwakwe Baali mucishi ca Isilaeli.

2 Baami 21:3

Wakayakulula misena yakulambililaako ya patulundu iyo yakanyonyoola Esekiya. Wakayaka ashipaililo shakulambililaawo Baali akubumba cikoshanyo cakwe Ashela lesa mwanakashi bweenka bwakalinga bwacita Aabu mwaami wa bene Isilaeli. Manase lakwe wakalinga kulambila anyenyeenshi.

Jobo 8:13

Mbweeke ubo mbocibete kubantu baluba Lesa. Mbweeke ubo kulangila kwa bantu bateshi Lesa mbokuloba.

Kulumbaisha 106:13

Nakubi boobo bakafwambaana kuluba shoonse nshaakacita, akutalindila ayi abalwiite nshebeelete kucita.

Kulumbaisha 106:21

Bakaluba Lesa uyo wakabafuna ndyaakacita shaankamiko mucishi ca Ijipiti.

Kulumbaisha 78:11

Bakaluba shoonse nshaakabacitila, shaankamiko nshaakacita mumeenso abo.

Kulonga 32:34

Ono koya, tanjilila bantu kuya kumusena uyo ngondakakulwiitaawo. Wiibaluke ayi munjelo wangu ulaakukutanjilila, sombi ciindi cilaakushikila ndyeshi nkape bantu mulandu pacibiibi cabo.”

Isaya 17:10

Nobene Isilaeli, ncakwiila mwaluba Lesa wanu uyo wakamufuna ee, mwaluba Mwaandami wanu umutabilila. Mulashanga amyuunda isalalite ayi munoolambililamo balesa banu. Paceebo ceeco nabi mukashange shishango shibotu buyani, ee, nabi mukashange minyansa yakuula kuswa kucishi cimwi,

Isaya 65:7

Ndaakuboosha cishole pabubi bwabo abwakacita bamashali babo bakulukulu. Mukwiinga bakalinga kubenga milambu pamisena yakulambililaawo ya patulundu akubisha liina lyangu patulundu uto, ndaakubapa mulandu, ee, mulandu weelete pashintu shoonse nshebakacita kale kale.” Mwaami Lesa waamba.

Jelemiya 11:13

Mwebo nobene Juda mulicite balesa banu baanji bweenka bubete mandabalaanu. Shipaililo nshemwakayaka shakutentelawo tununkila kabotu kuli Baali, lesa uyo ulensha bunya, nshiinji bweenka mbuli mikwakwa ya muJelusalemu.’

Jelemiya 18:15

Nakubi boobo bantu bangu nebo banduba. Balatentela shibumbwabumbwa shitacite ncito tununkila kabotu. Shibumbwabumbwa isho shakabalengesha kulisuntula munshila shabo akuleka kweendela munshila shikulukulu. Shalo shakabalengesha kweendela mutushilambali amunshila shitana kweepwa.

Jelemiya 2:32

Sa mooye inga waluba shakulibotesha shakwe? Sa nabwiinga inga walubako lilaaya lyakwe lya pabwiinga? Sombi nebo bantu bangu bakanduba kwa ciindi cilaamfu, ee, kwanshiku shitakoonshi kubelengekwa.

Jelemiya 23:2

Paceebo ceeco Mwaami Lesa, Lesa wa bene Isilaeli utookwaambila beembeshi abo beembela bantu bakwe ayi, “Ceebo mwakapalanganya litanga lyangu akulitanda, tamukwe kulilama, ndaakumupa mulandu ceebo ca bubi ubo mbomwakacita.

Jelemiya 7:34

Ndaakumanisha ciyobeyobe cakusangalala akukondwa kwabo aciyobeyobe cakusangalalila bwiinga mumandabala a muJuda amumikwakwa ya muJelusalemu ceebo cishi cilaakubula aukalaamo.”

Jelemiya 7:9

Mwebo muleepa, mulacaya bantu, mulacita bulale, mulabeca nabi mwashomesha cakulumbila, mulatentela Baali tununkila kabotu akulambila balesa abo mbomwatakalinga kwishiiwo.

Malilo 1:4

Mikwakwa iya kuSiyoni itoolila buumba, ceebo taaku nabi womwi uya kuŊanda yakwe Lesa mukusekelela panshiku shisalalite. Muminjililo yakwe yoonse taamu abantu baliimo. Bapailishi ba mumo batootongela, banakashi bakalinga kwiimbilaamo bapenga amyoyo. Paceebo ceeco ili mubuumba bunene abuumbi.

Malilo 5:14

Bamaloba bamana kuswaako kuminjililo ya ndabala. Abalo bacikula bwangu bacileka kwiimba nyimbo.

Esekelo 16:12

Ndakakufwalika ninga ya kunshono, masikiyo kumatwi amushini ubotu kumutwi wako.

Esekelo 16:17

Wakabwesa shakulibotesha sha silifa agolodi isho nshendakakupa, wapangaamo shibumbwabumbwa shisankwa isho nshewakatalika kulambila.

Esekelo 22:12

Muli ndiwe bamwi bantu balatambula makulo kwaamba ayi bacaye bantunyinaabo. Bamwi balasesa cinyona mucila pankongole nshebapa bene Isilaelinyinaabo. Bamwi balacana mpindu akubila ceebo cakucenjeeka babyaabo. Ncakwiila bantu abo banduba nebo neLesa. Nebo neMwaami Lesa Shinkusu shoonse ndaamba.

Esekelo 23:35

Mwaami Lesa Shinkusu shoonse waamba ayi, “Ono ceebo ca kundubaako akumfutatila ulaakupenga ceebo ca lunkumbwa abufuule bwako.”

Osiya 11:2

Sombi bweenka mankanda ngondakalinga kumwiita mbwaakalinga kuya cifula, mbweeke ubo alakwe mbwaakalinga kuya citalamuka kuswa kuli ndime. Bantu bangu bene Isilaeli bakalinga kubenga milambu kuli Baali akutenta tununkila kabotu kushibumbwabumbwa.

Osiya 13:1

Kalekale na bene Efuleemu baamba, bamumikowa imwi ya bene Isilaeli bakalinga kuloonda. Ncakwiila bene Efuleemu bakalinga kulemekwa pakati ka bene Isilaeli, sombi bakabisha kwiinda mukulambila Baali. Aboobo balaakumana kufwa.

Osiya 13:6

Ndindakamusanina mucishi cibotu mwakalinga kukuta. Ono ingayi mutalike kukuta mwakalisumpula. Lyalo nebo mwakandubaako.

Osiya 2:5

Banyinawanu tebakalinga kushomeka alimwi bakalinga kuliletela musebaanyo. Balo bakaamba ayi, ‘Ntooya kubasunikwi bangu, abo beshi bakampe shakulya, shakunwa, shakufwala sha booya bwa mbelele, nsalu shiteshimite, mafuta a olifi alimwi awaini.’

Osiya 2:7

Balaakunooya cikonkela basunikwi babo, sombi teshi bakabeensheewo. Balaakunooya cibayandoola, sombi teshi bakabacaneewo. Lyalo balaakwaamba ayi, ‘Ntooboolela kubeebaangu bataanshi ceebo kuli mbabo ndakalingako kabotu kwiinda mboombete bulya.’

Osiya 4:13

Balabenga milambu pansonga sha tulundu akutenta tununkila kabotu patulundu tuniini munshaashisamu shilaamfu shicite matewu aanji mukwiinga shilicite shimfule shibotu. Paceebo ceeco bana banu banakashi balaya cicita bufuule abalo bamalokashi banu balaya cicita bulale.

Osiya 4:6

Bantu bangu bamana kunyonyoolwa ceebo cakubula kwishiba ndime. Mwebo nobapailishi mwakaaka kwinshiba, aboobo ndamukaka kuba bapailishi bangu Ono ceebo cakwaamba ayi mwaluba milawo yangu anebo ndaakukaka bana banu basankwa kuba bapailishi.

Osiya 8:14

Bene Isilaeli bakaluba Mulengi wabo akuliyakila maanda a bwaami. Abalo bene Juda bakayaka mandabala aanji acite malinga. Sombi ndaakutuma mulilo pamandabala abo anene uyo weshi ukanyonyoole shiyubilo shabo.”

Osiya 9:7

Ciindi cakupekwa mulandu citoosa. Ncakwiila ciindi cakubooshelwa cishole cili pafwaafwi. Ciindi ico nobene Isilaeli mulaakucibona. Mwebo mulaamba mulaluki ayi, “Ngumuluya,” mulaamba muntu ucite Mushimu wakwe Lesa ayi, “Ngumushilu.” Mulaamba boobo ceebo ca shibiibi shanu kufula alimwi aceebo cakwaamba ayi lupato lwanu ndunene.

Amosi 8:10

Ndaakusandula nshiku shanu shakusekelela kuba shakulila. Ndaakusandula kwiimba kwanu kuba kulila. Ndaakulengesha ayi mukafwale masaka akucesa munkunyu mumitwi yanu. Kulila kwanu kulaakuba anga nkulila kwa bashali ba mwaana womwibo. Meelelesho a nkuko alaakuba anga mbushiku bwa mapensho.”

Dutolonomi 32:18

Bakakaka Mwaandami, Lesa uyo wakabalenga, Bakaluba Lesa wabo uyo wakabapa buumi.

Dutolonomi 6:12

mukacenjele kwaamba ayi mutakalubi Mwaami Lesa uyo wakamufuna mucishi ca Ijipiti, umo mumwakalinga basha.

Boomboloshi 10:6

Mpeeke bene Isilaeli bakabisha alimwi pameenso aMwaami Lesa ceebo bakatalika kusebensela baBaali aba Ashitaloti. Bakasebensela abalesa ba kuSilya, Sidoni, Moabu, Amoni alimwi aba kuFilisitiya. Bakafutatila Mwaami Lesa akucileka kumusebensela.

Boomboloshi 3:7

Anu bene Isilaeli bakabisha pameenso a Mwaami Lesa, Lesa wabo. Bakamulubaako akutalika kulambila baBaali abaAshela.

1 Samwelo 12:9

Sombi bantu bakaluba Mwaami Lesa wabo. Mpeeke wakasuminisha Sisela uyo wakalinga mutanjilili wa bashilumamba ba ndabala inene ya Asoli, bene Filisiti alimwi amwaami wa cishi ca Moabu kulwana bamashali banu bakulukulu akubakoma.