Osiya 14:7 - Baibo Busansulushi Bwa Libuku Ili

⁷ Kutabililwa balaakunookucana kuli ndime alimwi. Balaakunookula anga nshili anga ngamaila Balaakunoosapuka maluba anga ngumunyansa. Balaakunoopukite anga nguwaini wa kuLebanoni.

Osiya 14:7 ပူးပေါင်းရင်းမြစ်များ

Kulumbaisha 138:7

Nabi ŋende pakati ka mapensho, mwebo mulalama buumi bwangu. Mulatandabika lyaansa lyanu kukasha bukali bwa balwani bangu. Ndushinisho mwebo mulamfuna alyaansa lyanu lyalulyo.

Kulumbaisha 85:6

Sa teshi mukatubooshele bwikaalo bwesu butaanshi kwaamba ayi bantu banu bakasangalale alimwi?

Kulumbaisha 91:1

Uyo woonse ukala muli Lesa wa kwiculu Wiindaawo ayi afunwe, uyo woonse uyuba mucimfule cakwe Lesa Shinkusu shoonse,

Lwiimbo lwakwe Solomoni 2:3

Pakati ka basankwa bamwi, usunikwi wangu uli anga ncisamu ca maapo cili mumusaansa. Ndanyumfwa kabotu kwikala mucimfule ca ncico, ashalo shisepo sha ncico shilambotela abuumbi.

Lwiimbo lwakwe Solomoni 4:11

Milomo yako ilicite mise anga mbuuci, onabwiinga wangu. Mulaka wako uliswitebo mukupa abuuci. Bweema bwa shakufwala shako buli anga mbweema bwa kuLebanoni.

Lwiimbo lwakwe Solomoni 6:11

Ndakaya kumuunda wa shisamu sha alumondi kuya mukubona lutundwa mucinyika, amukubona na minyansa yasonsa nabi mapomegilaneti aba amaluba.

Isaya 61:11

Ono bweenka bulongo mbobumenesha shishango, ee, bweenka muunda mbookusha shakashangwaamo, mbweeke ubo Mwaami Lesa Shinkusu shoonse mbweshi akaboneshe bululami abulemu bwakwe pameenso amishobo imwi yoonse.

Esekelo 17:23

Ee, ndaakuushanga peculu peene pakalundu ka Isilaeli keendaawo kulaampa. Ulaakuba amisampi, kucata shisepo akuba cisamu ca sida cinene. Bayuni ba mishobo yoonse balaakuyakamo shiinswa akucana shimfule kumisampi ya ncico.

Osiya 14:5

Kubene Isilaeli ndaakuba anga nimfula mucishi citacite maanshi. Balaakusapuka anga ngamaluba. Balaakutola miyanda panshi anga ncisamu ca sida ca kuLebanoni.

Osiya 2:21

“Pabushiku ubo ndaakukumbula kupaila kwako. Ndaakulengesha mfula kuloka pacishi ca panshi.

Osiya 2:22

Cishi ca panshi cilaakukusha shili anga ngamaila, waini upya alimwi amafuta a olifi. Shintu shoonse ishi shilaakuboneka muJesiliilu.

Osiya 6:2

Muciindi ciniinibo ulaakutubusha, ee, munshiku shobilo nabi shotatwe ulaakutubusha kwaamba ayi tube abuumi pameenso akwe.

Sekaliya 8:12

“Bantu abo balaakunooshanga shakulya muluumuno. Minyansa yabo ilaakucata shisepo, cishi cilaakukusha shishango alyalo liculu lilaakulosha mfula. Ncakwiila ndaakupa shoolwe shoonse ishi kubamumushobo uyu beshi bakacaaleewo.

Joni 11:25

Lyalo Jesu wakamwaambila ayi, “Ndime mbusha bantu kuswa kubafu alimwi ndime mpa buumi. Aboobo uyo woonse ushoma muli ndime ulaakuba abuumi nabi wafwa.

Joni 12:24

Ntoomulwiita calushinisho ayi luseke lwa maila, na lwabula kulokela mubulongo akufwa, inga kalulibo lomwi lyoonse, sombi na lwalokela mubulongo akufwa, lyalo inga lwashala ashimwi shiinji.