Osiya 14:4 - Baibo Busansulushi Bwa Libuku Ili

⁴ Mwaami Lesa waamba ayi, “Ndaakushilika bwaashu bwa bantu bangu akubasuna amoyo wangu woonse. Bukali bwangu pali mbabo bwamana.

Osiya 14:4 ပူးပေါင်းရင်းမြစ်များ

Kulumbaisha 10:14

Nakubi boobo mwebo nobaLesa mulabona mapensho amakatasho oonse. Lyoonse mulekala kamulibambite kucafwa. Bataaku mbobabete balalibika mumaansaanu, mukwiinga mwebo ndimwe mucafwa bapengete.

Kulumbaisha 20:8

Balo balaceeshekwa akukomwa, sombi swebo tulasumpuka akushimpa.

Kulumbaisha 78:38

Nakubi boobo lakwe wakalinga kubanyumfwila nkumbu, wakabalekelela shibiibi shabo alimwi taakwe kubanyonyoola. Liinji liinji wakalinga kukomenya moyo kwaamba ayi atabi abukali bwakubacaya.

Kulonga 15:26

Wakabaambila ayi, “Na munoonyumfwila amoyo woonse kwiinda mukucita nsheensuni alimwi akukonkela milawo amilasho yangu yoonse, teshi nkamuletelewo malwashi mbuli aayo ngondakaletela bene Ijipiti. Nebo ndime Mwaami Lesa uyo umushilika.”

Isaya 12:1

Pabushiku ubo mulaakwiimba ayi, “Ndanoomulumbaisha noBaami baLesa. Nabi mwakalinga kukalalite pali ndime, bukali bwanu sunu bwamana. Ono sunu mwankalika moyo.

Isaya 55:1

Mwaami Lesa waamba ayi, “Woonse uyo unyumfwite nyotwa eese kuno kuli maanshi. Amwebo nomutacite maali amwise muule shakulya mulye! Kamwisa muule waini amukupa, sombi tashicite mweelo nauceyi.

Isaya 57:18

Micito yabo ndakeebona, sombi ndaakubashilika. Ndaakubatanjilila akuboombulusha.

Jelemiya 14:7

“Bantu bangu batoondilila ayi ‘NoBaami baLesa, nabi shibiibi shesu shitootushinina, amutucafweeko ceebo ca liina lyanu. Twakamufutatila mankanda aanji, ncakwiila twakamubishisha abuumbi.

Jelemiya 17:14

Nobaami baLesa, amunshilike, ingaawo nshilikwe cancinencine. Amumpulushe, ingaawo mpuluke cancinencine ceebo mwebo nweenkabo ndimwe numbaisha.

Jelemiya 3:22

“Amupiluke mwebo nobantu batashomeki, nebo ndaakumushilika ayi mukanooshomeka.” Mpeeke balo bakakumbula ayi, “Ee, tutoosa kuli ndimwe, ceebo mwebo ndimwe Baami baLesa, baLesa besu.

Jelemiya 31:20

Sa Efuleemu teshi mwanaangu musankwa ngoonsuni abuumbi? Sa teshi ngomwaana unsangalasha? Nakubi kwaamba ayi ndamukalookila, sombi ndamuyeeya. Aboobo moyo wangu ulakumbwa kumubona. Ee, ndamwiibaluka akumufwita nkumbu abuumbi. Nebo neMwaami Lesa ndaamba.

Jelemiya 33:6

“ ‘Nakubi boobo, ndaakushilika ndabala inene ino abantu bekalaamo akubalengesha kuba abuumi bubotu alimwi. Ndaakubatondesha luumuno luunji akubalengesha kwikala cakubula kulisukama.

Jelemiya 5:6

Paceebo ceeco nkalamu ya muluundu ilaakubacaya. Baumpe bamuluyanga balaakumana kubasansoola. Shiluwe ulaakubabelamina pafwaafwi amandabalaabo ayi asutoole mutupanshapansha uyo woonse weshi aswite pansengwe mukwiinga bwaashu bwabo bwakomena alimwi akuboola pesule kwabo kwakomenesha.

Jelemiya 8:22

Sa taamu musamu wakushilikisha muGilyadi? Sa taaku shikushilika kulya? Ino ceebonshi shilonda sha bantu bangu tashitooshilikwa?

Esekelo 33:14

Inga ndaambila mucita shibi ayi, ‘Ndushinisho webo ulaakufwa,’ ono lakwe wasanduka kuswa kushibiibi shakwe akucita shintu shakutanyengelela alimwi shiluleme,

Esekelo 36:36

Lyalo mishobo imushingulukite iyo yeshi ikacaaleewo ilaakwishiba ayi nebo neMwaami Lesa ndime ndayakulula isho shakanyonyoolwa akushanga cipya umo mwakalinga mwaba matongo. Nebo neMwaami Lesa ndaamba alimwi ndaakushicita.’ ”

Osiya 11:7

Bantu bangu balishinishite kumfutatila. Paceebo ceeco balaakulila ceebo ca lijoko lili panshingo shabo, sombi taaku muntu weshi akabaangululeko lijoko ilyo.

Osiya 2:19

“Webo Isilaeli, ndaakukulengesha kuba mukaangu walyoonse alyoonse. Ndaakucita boobo mubululami alimwi cakushomeka. Ndaakunookutondesha lusuno akukunyumfwila nkumbu.

Osiya 6:1

Bantu batokwaamba ayi, “Atuboolele kuMwaami Lesa, watukwamoona mutupanshapansha, sombi ulaakutushilika alimwi. Ncakwiila watucisa, sombi ulaakwaanga nsalu pashilonda shesu alimwi.

Sefaniya 3:17

Mwaami Lesa, Lesa wako uli awebo. Ulicite nkusu shakukufuna. Ulaakukondwa abuumbi muli ndiwe. Ulaakukuletela buumi bupya mulusuno lwakwe. Ulaakusangalala pali ndiwe mukwiimba nyimbo

Shakubelenga 25:11

“Mukwiinga wa ceeco cacita Fineyasi mwanaakwe Eliyasa alimwi mushikulu wakwe Aloni mupailishi, bukali bwangu pabene Isilaeli bwamana. Lakwe taakwe kusuminisha muntu uli woonse kulambila Lesa umwi, sombibo ndime. Aboobo nceceeco ncentakwe kunyonyweeta bene Isilaeli ceebo ca bukali bwangu.

Shakubelenga 25:4

akwaambila Mose ayi, “Kwiinda mukunyumfwila ndime, nyamuna bamatanjilili boonse bene Isilaeli akubacaya lumwi lubala, lyalo bukali bwangu ndyeshi bumane pali mbabo.”

Bene Loma 3:24

Sombi Lesa kwiinda muluse lwakwe lwabupebo, ulalulamika bantu kwiinda muli Jesu Klistu uyo wakabaangulula.

Bene Efeso 1:6

Atulumbaishe Lesa ceebo ca luse lwakwe luteelekwi kucintu cimwi, ulo ndwaakatutondesha muMwanaakwe uyo ngwaasuni abuumbi.

2 Timoti 1:9

Wakatupulusha akutwiita ayi tube bantu bakwe basalalite, kuteshi ceebo ca ceeco ncetwakacita, sombi kwiinda mukuyanda kwakwe mwiine alimwi aluse lwakwe. Luse ulo wakabaalo pali ndiswe kwiinda muli Klistu Jesu ciindi kacitana kutalika.

Taitasi 3:4

Sombi nkumbu alusuno lwakwe Lesa Mupulushi wesu ndishakayubululwa,