Osiya 14:3 - Baibo Busansulushi Bwa Libuku Ili

³ Bene Asilya tabakoonshi kutupulusha. Maaki a nkondo taakoonshi kututabilila. Teshi tukaambewo tubili kusheesho shakapanga maanseesu ayi, ‘Balesa besu’ mukwiinga muli ndimwe bana banshiwa mobacana nkumbu.”

Osiya 14:3 ပူးပေါင်းရင်းမြစ်များ

2 Makani 16:7

Paciindi ico Anani mulaluki wakaya kumwaami Asa akumwaambila ayi, “Ono mukwiinga mwebo mwakacinka manungo mumwaami wa bene Silya pamusena wakucinka manungo muMwaami Lesa, Lesa wanu, bashilumamba bene Isilaeli boonse bamana kumuloboka.

Kulumbaisha 10:14

Nakubi boobo mwebo nobaLesa mulabona mapensho amakatasho oonse. Lyoonse mulekala kamulibambite kucafwa. Bataaku mbobabete balalibika mumaansaanu, mukwiinga mwebo ndimwe mucafwa bapengete.

Kulumbaisha 146:3

Mutaciinki manungo mubamaami, mbantubo tabakoonshi kumufuna.

Kulumbaisha 146:9

Mwaami Lesa ulalama baswamashi bekala pakati lyesu. Uleemikanina bamukalubinje abana banshiwa. Sombi ulapilinganya buumi bwa bamucita shibi.

Kulumbaisha 33:17

Liaki lya nkondo teshi lyakushoma ayi lilapulusha. Nabi lilicite nkusu shiinji, talikoonshi kupulusha.

Kulumbaisha 68:5

Ngumushali ulama bana banshiwa alimwi wiimikanina bamukalubinje. NguLesa uyo ukala mumusena wakwe usalalite.

Isaya 1:29

Cilaakukulensha nsoni kwaamba ayi wakalinga kulambila shisamu alimwi aceebo cakusala myuunda yakulambililamo balesa bamwi.

Isaya 2:20

Pabushiku ubo bantu balaakusowa shibumbwabumbwa shabo kumbeba atumpafwa. Balaakusowa shibumbwabumbwa shabo sha golodi asilifa isho nshebakalipangila ayi banoolambila.

Isaya 27:9

Ono shibiibi sha bene Isilaeli shilaakulekelelwabo na bakapwayoole mabwe a shipaililo sha bakunsengwe kushikila akabebo anga mbusu. Ee, cakutashiya shipaililo shakutentelaawo tununkila kabotu nabi cikoshanyo cakwe Ashela lesa mwanakashi.

Isaya 30:16

Mwebo mwakaamba ayi, ‘Sobwe. Swebo tulaakucica pamaaki esu.’ Anu ncibotu mulaakucica. Mwakaamba ayi, ‘Tulaakucica pamaaki esu eendaawo kucica.’ Sombi beshibakanooya cimutandaanya balaakumwiindaawo lubilo.

Isaya 30:2

Balaya kuIjipiti cakutanjipushaawo, kuya kuli Falawo mukusenga kutabililwa. Ee, kuya mukuyubila kushimfule sha mucishi ca Ijipiti.

Isaya 31:1

Maawe kuli baabo baya kucishi ca Ijipiti kwaamba ayi bacafwikwe, abo bacinkite manungo mumaaki, kufula kwa shikoci shabo ankusu shiinji isho shicite bantu babo beshikulwanina pamaaki. Maawe kubaabo bataciinki manungo muMwaami Lesa, Lesa Usalalite wa bene Isilaeli, nabi kusenga lucafwo kuli nguwe.

Isaya 31:3

Bene Ijipiti teshi balesa, mbantubo. Aalo Maaki abo taacite nkusu sha bulesa. Aboobo bushiku Mwaami Lesa aakutondesha bukali bwakwe mushobo uyumu ulaakunyonyoolwa akulobeshekwa pantu pomwi amushobo uyo ucafwikwa kuli nguwo.

Isaya 36:8

Kosa tunyumfwane muliina lya mwaami wa bene Asilya. Ntookupa maaki ali 2,000 na ucane bantu beenga baatanta!

Jelemiya 49:11

Amushiye banabanshiwa banu, ndaakubalama. Bamukalubinje banu abalo balakonsha kucinka manungo muli ndime.”

Esekelo 36:25

Ndaakumusanseela maanshi asalalite mukusalasha kuswa kusheesho shoonse shakamubisha alimwi ashibumbwabumbwa shanu.

Esekelo 37:23

Teshi bakalibishewo tubili kushikoshanyo shabo, kushibumbwabumbwa shabo shilensha bunya nabi kushibiibi shabo shimwi shoonse. Ncakwiila ndaakubasalasha kuswa kushibiibi shabo shoonse. Balaakuba bantu bangu anebo ndaakuba Lesa wabo.

Osiya 12:1

Bene Isilaeli balatandaanya muuwo ee, batandaanya muuwo uswa kwicwe bushiku boonse. Bubeshi ashalunkutwe shilacanwabo pali poonse. Balapanga shipangano abene Asilya akutuma mafuta a olifi kucishi ca Ijipiti.”

Osiya 13:2

Ono batolelela kubisha kwiinda mukulipangila shibumbwabumbwa sha silifa. Shibumbwabumbwa isho shakabumbwa cabusongo alimwi shoonse shakabumbwa abacishi shakupangapanga. Bantu abo balaambwa ayi, “Balabenga bantu ayi njimilambu akunoofyonta shibumbwabumbwa sha bacende baana.”

Osiya 14:8

Bene Isilaeli teshi bakanoocibete lubasu kushibumbwabumbwa. Ndaakukumbula mipailo yabo akunoobalama. Nebo ndi anga ncisamu ca mapaini ico citaloshi matewu. Shoolwe shabo shoonse shilaswa kuli ndime.”

Osiya 2:17

Ndaakukusha liina lya Baali mumilomo yabo. Teshi bakasebenseshewo tubili meena abo pakupaila.

Osiya 4:12

Balasenga kuyubulwitwa shintu kucisamu. Lyalo kasamu kalabakumbula. Nebo banshiya anga ngumwanakashi mufuule. Ee, balyaaba kuli lesa mweensu anga ngumwanakashi mufuule.

Osiya 5:13

“Bene Isilaeli ndibakabona mbobakalinga kucisitwe, abalo bene Juda ndibakabona shilonda shabo, bene Isilaeli bakaya mukusenga lucafwo kumwaami wa bene Asilya. Sombi taakalinga kukonsha kubashilika nabi kushilika shilonda shabo.

Osiya 7:11

“Bene Isilaeli balibo anga nimpolobe iyo icenjeekwabo paniini alimwi itacite maano. Sunu inga baya mukusenga lucafwo kubene Ijipiti, sombi ciilo nkucicila kubene Asilya.

Osiya 8:6

Cibumbwabumbwa ico ngumwine Isilaeli wakacibumba. Aboobo teshi lesa, sobwe! Cibumbwabumbwa cine Samaliya ico cilaakupwayoolwa mutupanshapansha!

Osiya 8:9

Aba bantu mbaashubo anga nimbongolo ya muluundu. Baya kale kubene Asilya mukusenga lucafwo, ee, balipila mishobo imwi ayi inoobatabilila.

Jona 2:10

Mpomunyaawo Mwaami Lesa wakalwiita nswi ayi ishipile Jona kwitala.

Sekaliya 13:2

Bushiku ubo ndaakushiminganya meena a shibumbwabumbwa mucishi alimwi teshi shikayeeyekwewo tubili. Kuswawaawo ndaakukusha balaluki amushimu wakulambila shibumbwabumbwa mucishi.

Joni 14:18

“Teshi nkamushiye nweenka anga mbana banshiwa, ndaakwisa alimwi kuli ndimwe.

Dutolonomi 17:16

Mwaami uyo teelete kuba amaaki aanji a bashilumamba bakwe nabi kutuma bantu bakwe kuIjipiti ayi bakaletelewo amwi, mukwiinga Mwaami Lesa wakakasha bantu bakwe kuboola nkuko.