Osiya 13:9 - Baibo Busansulushi Bwa Libuku Ili

⁹ “Nobene Isilaeli, ndaakumunyonyoola ceebo mwabukila ndime neemucafwa.

Osiya 13:9 ပူးပေါင်းရင်းမြစ်များ

2 Makani 28:23

Wakabenga milambu kubalesa ba bene Damasikasi abo bakamukoma mukwiinga wakayeeya ayi, “Balesa ba bamaami bene Silya bacafwa bantu aba, aboobo ntoobenga milambu kuli mbabo kwaamba ayi anebo bancafweeko.” Sombi ici cakaleta mapensho pali nguwe apabene Isilaeli boonse.

Kulumbaisha 146:5

Ulicite coolwe muntu ucafwikwa kuMwaami Lesa wakwe Jakobo, ncakwiila muntu ucinkite manungo muMwaami Lesa, Lesa wakwe.

Kulumbaisha 33:20

Kulangila kwesu kuli muMwaami Lesa. Ngootucafwa alimwi ndyeliyawo lyesu.

Kulumbaisha 46:1

Lesa nceciyubilo cesu alimwi ngootupa nkusu, ulilibambite kutucafwa lyoonse ndituba mumapensho.

Tushimpi 6:32

Ono muntu ucita bulale taacitewo maano mukwiinga uyo ulalinyonyoolabo mwiine.

Tushimpi 8:36

Sombi uyo woonse utancaani, ulaliletela mapensho. Ncakwiila uyo woonse umpatite, ingayi ulisuni lufu.”

Isaya 3:11

Sombi mapensho kubamucita shibi! Balo balaakunyonyoolwa. Nshebakalinga kucita kubamwi, shilaakuboolela mbabo.

Isaya 3:9

Mbonekelo sha shiwa shabo shilabashinina. Balacita shibiibi cakutashisa bweenka bwakalinga kucita bene Sodoma. Ndushinisho balyeelete kunyonyooka alimwi kunyonyooka uko nkwakuliletela beene.

Jelemiya 2:17

Aya mapensho mwaliletelabo nobene ceebo cakusuula Mwaami Lesa, Lesa wanu uyo wakalinga kumutanjilila munshila shanu shoonse.

Jelemiya 2:19

Bubi bwanu nobeene butoomupa mulandu. Kumfutatila kwanu kutoomuletela bukali bwangu. Lyalo mulaakwishiba mbocibica alimwi mbocilubite kusuula ndime nebo neMwaami Lesa, Lesa wanu akucileka kushomeka kuli ndime. Nebo neMwaami Lesa, Lesa Shinkusu shoonse ndaamba.”

Jelemiya 4:18

“Bwikaalo bwanu amicito yanu nsheshamuletela mapensho aya. Mulandu uyu ngwakuliletela nobeene. Mapensho ngomwaliletela alalula abuumbi, ee, cakuyasabo akumyoyo yanu.”

Jelemiya 5:25

Micito yanu ibiibi njeyalengesha ayi shintu shoonse isho shicileeke kuboneka. Shibiibi shanu nsheshitookasha shintu shibotu isho kwisa kuli ndimwe.

Osiya 13:4

Mwaami Lesa waamba ayi, “Nebo ndime neMwaami Lesa, Lesa wanu nendakamukusha mucishi ca Ijipiti. Tamweelete kwishiba balesa bamwi kuleka ndime. Nebo neenka ndime Mupulushi wanu.

Osiya 14:1

Nobene Isilaeli, amusandukile kuMwaami Lesa, Lesa wanu. Shibiibi shanu nsheshamulengesha kuwa.

Osiya 7:14

Tabapaili kuli ndime cakushinisha, sombi balaya mukulilila pamalo abo bweenka bucita bakunsengwe. Balalinengoola ceebo cakuyandabo shakulya ashakunwa bweenka bucita bakunsengwe.

Osiya 7:15

Ndakabeeisha akubalengesha kuba ankusu, sombi balapinga kucita bubi mukundwana.

Malaki 1:12

Ono mwebo mulanyansha ndyemwaamba ayi cipaililo tacicite ncito, alimwi apakubenga milambu iteelete.

Malaki 1:13

Kuswawaawo, mulaamba ayi, ‘Wakomena mukuli uyu!’ akulansha nshono kuumbi. Na mwaleeta banyama bakeepwa, balema nabi balwashi ayi njimilambu, sa ndyeelete kwiitambula?

Malaki 1:9

“Ono nobapailishi mwebo, mulasenga kuli ndime neLesa ayi mupe coolwe. Na kamubenga milambu yambuli yeeyi, sa inga ndakumbula mupailo wanu?

Dutolonomi 33:26

Nobene Isilaeli, taaku lesa umwi uli anga nguLesa wanu, uyo weendeenda mwiculu mubulemu bwakwe, uleendeenda mumakumbi ayi amucaafwe.

Dutolonomi 33:29

Mulicite coolwe mwebo nobene Isilaeli! Taaku mushobo uli mbuli ndimwe nomwakafunwa aMwaami Lesa. Mwaami Lesa mwiine ndyeliyawo lyanu alimwi ngomupeeni wanu, uyo umufuna akulengesha ayi mukome. Balwani banu balaakwisa mukulibombya kuli ndimwe, nakubi boobo mulaakubalyatoola.”