Osiya 13:8 - Baibo Busansulushi Bwa Libuku Ili

⁸ Ndaakumulwana anga ngubeya utoolangoola mwanaakwe. Ndaakumukwamoona. Ndaakumunyonyoola mpomunyaawo anga ninkalamu itoolya munyama. Ncakwiila ndaakumukwamoona anga ngumunyama wa muluundu.

Osiya 13:8 ပူးပေါင်းရင်းမြစ်များ

2 Samwelo 17:8

Mwebo mulibeshi baishiwanu abashilumamba babo mbobabete. Mbeshi nkondo alimwi mbakali anga ngubeya wabweselwa baana. Kuteshibo boobo bweenka, baishiwanu mbantu bacishi kulwana abuumbi, alimwi mashiku tabooni pantu pomwi abashilumamba babo.

Kulumbaisha 50:22

“Amukutike ono mwebo nomumbikila minsuula, kwaamba ayi ntamunyonyooli, lyalo taaku eshi akamufune!

Kulumbaisha 80:13

Bakunsengwe banyonyoola cishi cabo. Ncakwiila baswamashi basaala bubile bwabo.

Tushimpi 17:12

Ncibotu kukumana abeya wabweselwa baana, kwiinda kucana muluya kaacita shabuluya.

Isaya 5:29

Bashilumamba abo balalilabo anga ninkalamu, ee, anga mbaana ba nkalamu abo babuluma na bacata munyama. Balamutolaanya cakubulaawo aukonsha kumufuna.

Isaya 56:9

Mwaami Lesa waambila baswamashi ayi, “Mwebo noonse nobanyama bamuluundu, ee, mwebo noonse nobanyama bamumusaansa! Kamwisa mucate bantu aba akubakwamoona.

Jelemiya 12:9

Bantu mbondakasala baba anga nkayuni kashingulukwa abacikupwi ayi bakalye. Koya ukabunganye banyama bamuluundu boonse ayi abalo bese balye.

Jelemiya 25:38

Mwaami Lesa ulaakushiyabo bantu bakwe bweenka nkalamu mboishiya cimfwengo ca njiyo. Cishi cabo cilaakuba matongo ceebo cakulwanikwa abaabo beshi kubalyatilila alimwi abukali buyoosha bwa Mwaami Lesa.

Osiya 2:12

Ndaakunyonyoola minyansa yabo ashisamu shabo sha nkuyu isho nshebakalinga kwaamba ayi ncilambu cabo kuswa kubasunikwi babo. Ndaakusandula myuunda yabo ya minyansa aya shisamu sha shisepo shimwi kuba luundu lushinkite alimwi banyama bamuluundu balaakwiinyonyoola.

Osiya 5:14

Ndaakulwana bene Isilaeli anga ninkalamu, ee, kulwana bene Juda anga ninkalamu icite nkusu abuumbi. Ndaakubakwamoona mutupanshapansha akuya. Ndaakubanyamuna akubatola kwakubula aubafunaako.