Osiya 13:15 - Baibo Busansulushi Bwa Libuku Ili

¹⁵ Ono nabi bene Isilaeli bakanooswitilila pakati ka bamakwabo bamwi, ndaakutuma muuwo ulungula kuswa kuluyanga. Muuwo uyo ulaakuyumya tuntupu alimwi amikalo yabo. Muuwo uyo ulaakunyonyoola shintu shoonse shamakwebo mushipinda shabo shakusungilamo buboni.

Osiya 13:15 ပူးပေါင်းရင်းမြစ်များ

Matalikilo 41:23

Lyalo amwi ali osanwe aobilo asapuka. Ono alo taakalinga aniini alimwi anyanite kumuuwo wa muluyanga.

Matalikilo 41:52

Lyalo alimwi wakaamba ayi, “Lesa wampa baana mucishi ca mapensho.” Aboobo mwanaakwe wabili wakamutumba ayi Efuleemu.

Matalikilo 41:6

Mpeeke amwi ali osanwe aobilo akasapuka. Ono alo ayo akalinga aniini alimwi anyanite kumuuwo wa muluyanga,

Matalikilo 48:19

Sombi baishi bakakaka akwaamba ayi, “Ndishi omwanaangu, ndishi. Alakwe ulaakuba mushobo alimwi alakwe ulaakuba muntu ulemekwa. Nakubi boobo, mwanike wakwe ulaakwiindaawo alimwi bamulunyungu lwakwe balaakuba likoto lya mishobo.”

Matalikilo 49:22

“Josefu uli anga ngumunyansa ucata shisepo abuumbi, ee munyansa uli kufwaafwi akantupu. Misampi ya nguwo ilatandabala kulubumbu.

Jobo 18:16

Miyanda ya buumi bwakwe ilaakuyuma. Ayalo misampi ilaakunyana akuyuma.

Kulumbaisha 1:4

Sombi kubeshikubisha tabwishi mbocibete ubo! Mukwiinga balo bali anga mbuungu ubo buyabo amuuwo.

Kulumbaisha 109:13

Bamulunyungu lwakwe boonse abamane kufwa, cakwaamba ayi kutakabi wiibaluka liina lyakwe mulishalane litoosa.

Isaya 14:21

Akubambwe musena wakucailaako bana bakwe basankwa! Batoocaikwa ceebo ca shibiibi sha bamashali babo bakulukulu. Taaku nabi womwi pakati kabo weelete kulela cishi. Taaku weelete kususha cishi ca panshi amandabala akwe anene.”

Isaya 17:13

Sombi nabi bayoome anga nciwuutila ca maaba ayoosha, baloondomokelabo kulaale na Lesa wabakalalila. Balayabo kulaale bweenka buungu mbobuululuka kumuuwo pakalundu, nabi anga mbwiisu mbobuya kukapupuulwa.

Isaya 27:8

Mwaami Lesa wakaanishabo bantu bakwe kwiinda mukubatuma mubusha. Wakabalekelela kwaamba ayi batolwe acipuupu cikali ciswa kwicwe.

Isaya 41:16

Lusuko ulo mulaakulutukwita mwiculu mumuuwo awalo muuwo ulaakulutola. Ncakwiila cipuupu cinene cilaakulupalanganya. Aboobo mwebo mulaakusangalala muli ndime neMwaami Lesa ee, mulaakunumbaisha nebo neUsalalite wa bene Isilaeli.

Jelemiya 20:5

Lyalo buboni boonse bwa mundabala iyi ndaakubwaaba kubalwani babo. Nkokwaamba ayi shoonse shiliimo kubikaawo ashintu sha makwebo shoonse abuboni boonse bwa bamaami ba bene Juda. Balaakushisaala akushitola kuBabiloni.

Jelemiya 4:11

Paciindi ici bene Jelusalemu balaakwaambilwa ayi, “Muuwo ukasaala utoopupa kuswa patulundu tulaamfu tutacite bwiisu twa muluyanga kululama bantu bangu. Teshi muuwo wakupupulushishaako nabi kusalasha, sobwe.

Jelemiya 4:12

Sombi ngumuuwo wiindaawo nkusu uyo uswa kuli ndime. Nebo neMwaami Lesa ntoobapa milandu.”

Jelemiya 51:1

Mwaami Lesa waamba ayi, “Amubone, ndaakusonkomona mushimu wakwe shikunyonyoola uyo weshi akalwane cishi ca Babiloni abantu ba ncico.

Jelemiya 51:36

Paceebo ceeco, Mwaami Lesa waamba ayi, “Amubone, ndaakumwiimikanina mucikani canu akuboosha cishole kuli baabo batoomupensha. Ndaakuyumya maanshi a bene Babiloni akulengesha milonga yabo kuyuminina.

Esekelo 17:10

Nabi na calimbulwa, sa inga casonsa? Sa inga taciyumini limwi na capuupilwa muuwo wakwicwe? Sa inga taciyuminibo peenka apo mpweshi cikashangwe?’ ”

Esekelo 19:12

Nakubi boobo cakashulwa mubukali buyoosha alimwi akuciwishisha panshi. Awalo muuwo wakwicwe wakalengesha shisepo sha ncico kunyana. Misampi ya ncico yakayuma akumana kupya kumulilo.

Danyelo 11:8

Ulaakubwesa shikoshanyo sha balesa babo ashintu sha golodi asilifa shakabengwa kubalesa abo akushitola kucishi ca Ijipiti. Paakwiinda myaaka iinji ya luumuno,

Osiya 10:1

Bene Isilaeli bakalingabo anga ncisamu ca minyansa citookula kabotu alimwi cicatite minyansa iinji abuumbi. Bweenka buboni bwabo mbobwalinga kuya ciindaawo kufula, mbweeke ubo ashipaililo mboshakalinga kuya bufula. Bweenka cishi mbocakalinga kuya ciindaawo kusumpuka, mbweeke ubo abalo mbobakalinga kwiindaawo kubotesha mabwe abo asalalite ayo ngobakalinga kulambila.

Osiya 2:3

Na babule kucita boobo, ndaakubafuula akubashiyabo matakosha mbobakalinga pakushalwa. Ndaakubalengesha kuba anga nduyanga, ee, ndaakubasandula kuba anga ncishi citacite maanshi. Lyalo ndaakubacaya kunyotwa.

Osiya 4:19

Balaakubwesekwa anga ncintu catolwa akapupuulwa, milambu yabo njebabenga kubalesa bamwi ilaakubalengesha kusebaana.

Osiya 9:11

Bulemu bwa bene Isilaeli bulaakuluka anga nkayuni. Nkokwaamba ayi kutumbuka, kuba amafumo, ee, kumina mate shoonse shilaakumana.

Jona 4:8

Ono lisuba ndilyakatanta, Lesa wakatuma muuwo wakwicwe ulungula, alimwi lisuba lyakabalila pamutwi wakwe Jona, kaasuni kuwisuka. Aboobo wakalinga kuyanda kufwa. Mpeeke wakaamba ayi, “Ncibotu kwaamba ayi mfwe, kwiinda kunooli muumi!”

Naamu 2:9

Amusaale silifa! Amusaale golodi! Ncakwiila ndabala iyi iliswitebo buboni bwa makwebo alimwi tabumaani.

Dutolonomi 33:17

Josefu ulicite nkusu anga ngumucende alimwi ameeca ali anga nga nyaati. Meeca akwe mbamulunyungu lwakwe Manase abo bali shuulu ashuulu, abamulunyungu lwakwe Efuleemu abo bali shuulu likumi. Meeca aya ulayasishaako mishobo imwi akubashindikila kweela cishi ca panshi.”