Osiya 13:14 - Baibo Busansulushi Bwa Libuku Ili

¹⁴ “Ndaakubapulusha kuswa kunkusu sha musena wa bafu. Ndaakubalubula kuswa munkusu sha lufu. Myaalu yako olufu ili kuli? Kunyonyoola kwako omusena wa bafu kuli kuli? “Teshi nkabeewo ankuumbu pabantu aba.

Osiya 13:14 ပူးပေါင်းရင်းမြစ်များ

Jobo 33:24

Munjelo uyu ulamufwita nkumbu akwaamba ayi, ‘Amumulekelele kwaamba ayi atayi kumusena wa bafu mukwiinga kulubulwa kwakwe ndakucana.’

Jobo 41:22

Nkusu shakwe shili kunshingo alimwi boonse bamukumanya balaloonda.

Kulumbaisha 16:10

Mukwiinga teshi mukandekeleshe ayi nkanoolibo mumusena wa bafu, nabi kulekelesha Usalalite wanu ayi abole.

Kulumbaisha 30:3

NoBaami baLesa mwakampulusha kuswa kucuumbwe. Mwakamfuna ayi ntayi kumusena wa bafu.

Kulumbaisha 49:15

Sombi Lesa nebo ulaakumpulusha kuswa munkusu sha lufu. Ncakwiila nebo ulaakutambula.

Kulumbaisha 49:16

Tamweelete kukankamana na muntu wabila. Ee, na buboni bwakwe bwafulilaako

Kulumbaisha 71:20

Mwakatuma makatasho amapensho pali ndime. Sombi ndishi kwaamba ayi mulaakumbooshamo nkusu. Ncakwiila mulaakumbusha alimwi kuswa kuunshi lya nshi.

Kulumbaisha 86:13

Lusuno lwanu lutamaani ndunene. Mwakamfuna ayi ntayi kumusena wa bafu.

Isaya 25:8

Ncakwiila Mwaami Lesa, ee, Mwaami Lesa Shinkusu shoonse ulaakulobya lufu kwamuyayaya! Ulaakukunkumuna minsonshi mumeenso a muntu woonse akumukusha musebaanyo uyo bantu bakwe ngobakalingaawo mucishi. Mwaami Lesa waamba!

Isaya 26:19

“Bantu banu bakafwa balaakubuka alimwi. Mibili yabo ilaakuba abuumi. Mwebo noonse nomuli mushuumbwe amubuke. Amubuke akwiimba cakusangalala. Bweenka mume mbootontosha inshi akubusha shishango, mbweeke ubo Mwaami Lesa mbweshi akabushe bakafwa kale kale.”

Jelemiya 15:6

Mwebo mwakankaka, ncakwiila mulicitekobo kuboola pesule. Aboobo ndaakumucata akumunyonyoola. Teshi nkamufwitewo nkumbu tubili.

Jelemiya 20:16

Muntu uyo aabe bweenka mbuli mandabala ayo Mwaami Lesa ngaakanyonyoola cakutaanyumfwila nkumbu. Aanyumfwe mibila macuunsacuunsa akooloma kwa nkondo lisuba ndyeliba pakati ka mutwi.

Jelemiya 31:35

Mwaami Lesa wakalenga lisuba ayi kalipa mumuni malumwi. Wakalenga mweenshi anyenyeenshi ayi kashipa mumuni mashiku. Lakwe ulafundoola lweenge akulengesha maaba kuyooma. Liina lyakwe nguMwaami Lesa Shinkusu shoonse. Mwaami Lesa uyo waamba ayi,

Esekelo 37:9

Mpeeke Mwaami Lesa Shinkusu shoonse wakandwiita ayi, “Webo omuntu, laluka kumuuwo akuwaambila ayi nebo neMwaami Lesa ndaamba ayi, ‘Webo omuuya, kwesa kuswa kumbasu shone shoonse sha cishi ca panshi unjile mubantu aba bakacaikwa kwaamba ayi babe abuumi.’ ”

Osiya 6:2

Muciindi ciniinibo ulaakutubusha, ee, munshiku shobilo nabi shotatwe ulaakutubusha kwaamba ayi tube abuumi pameenso akwe.

Osiya 7:10

Kulisumpula kwabo kulabashinina, ono nakubi boobo balo tabasandukili kuli ndime neMwaami Lesa, Lesa wabo, nabibo kunyandoola.

Malaki 3:6

“Nebo ndi Mwaami Lesa alimwi nshipilooki. Aboobo mwebo nobamulunyungu lwakwe Jakobo tamuna kunyonyookelabo limwi.

Shakubelenga 23:19

Lesa taabete anga mbantu abo babeshi. Taabete anga ngumuntu upilula miyeeyo yakwe. Coonse nceenga walasha, ulacicita alimwi na waamba, ncaamba cilacitwa.

Bene Loma 11:15

Ono Lesa ndyaakabakaka, wakalengesha ayi abantu bamwi boonse bamucishi babe beshicibusanyina. Mukwiinga na boonse bakatambulwe, cilaakubabo bweenka mbuli kubuka kuswa kubafu.

Bene Loma 11:29

Na Lesa wasala akupa coolwe muntu, taasanduki.

2 Bene Kolinto 5:4

Nditwikala munkunka iyi tulatongela mumapensho. Teshi kwaamba ayi tulisuni kufuula nkunka iyi, sombi tulisuni kwaamba ayi tufwalikwe ŋanda yesu ya kwiculu iyo kwaamba ayi ico cifwa cisandulwe akuba cabuumi butamaani.

Bene Filipi 3:21

Lakwe ulaakusandula mibili yesu ilefukite ya buntu kwaamba ayi ikabe mbuli mubili wakwe wa bulemu. Ulaakucita boobo munkusu shakwe isho shikoma shintu shoonse akushilela.

1 Bene Tesalonika 4:14

Tulashoma ayi Jesu wakafwa akubuka kuswa kubafu alimwi ayi abo bakafwa kabashoma muli Jesu, Lesa ulaakubabusha kuswa kubafu akubatola kwiculu pantu pomwi aJesu.

Jemusi 1:17

Shipo shoonse shibotu shitacite kampenda shilaswabo kwiculu kuli Lesa Mulengi wa mimuni yoonse ili mwiculu. NguLesa utapilooki mbuli shimfule shilongalonga.

Ciyubululo 20:13

Lweenge alwalo lwakakusha bafu bakalinga muli ndulo. Lufu alimwi amusena wa bafu ashalo shakakusha bafu bakalinga muli nshisho. Boonse bakoomboloshekwa kweelana amicito yabo.

Ciyubululo 21:4

Ulaakubakunkumuna minsonshi yoonse. Lufu teshi lukabeeko alimwi. Teshi kukabe buumba, kulila nabi kunyumfwa kucisa, mukwiinga shintu shikulukulu shoonse shashimingana.”

Ciyubululo 6:8

Ndindakalangilisha, ndakabona liaki litubulukite. Uyo wakalinga kutantiteewo liina lyakwe wakalinga Lufu. Lyalo musena wa bafu wakamukonkela pesule. Balo bakapekwa nkusu shakucaya cipansha comwi ca shone ca bantu boonse mucishi ca panshi. Nkusu shabo shakalinga shakucaya kwiinda munkondo, nsala, malwashi alimwi abanyama bakali ba muluundu.

1 Samwelo 15:29

Lesa uyo uli mboBulemu bwa cishi ca Isilaeli, taabeci nabi kuyeeya bumbi. Taabete mbuli muntu upilooka mukuyeeya.”