Osiya 12:11 - Baibo Busansulushi Bwa Libuku Ili

¹¹ Nakubi boobo shibumbwabumbwa shilalambilwa muGilyadi. Abo bashilambila balaakunyonyoolwa. Ndushinisho bacende balabengwa muGilugala. Shipaililo uko shilaakuba milwi ya mabwe mweela lya myuunda.

Osiya 12:11 ပူးပေါင်းရင်းမြစ်များ

1 Baami 17:1

Ono mulaluki wakalinga kwiitwa ayi Elija, wa mundabala ya Tishibe mucishi ca Gilyadi, wakaambila mwaami Aabu ayi, “Kweelana ambocibete lushinisho ayi Mwaami Lesa, Lesa wa bene Isilaeli uyo ngoonsebensela ngumuumi, ntoomwaambila ayi teshi kukabewo mume nabi mfula kwamyaaka ili yobilo nabi yotatwe kushikila nkaambe ayi kube boobo.”

2 Baami 17:13

Mwaami Lesa wakatuma beshinkombe abalaluki mukucenjesha bene Isilaeli abene Juda ayi, “Amusanduke kuswa kushibiibi shanu akunyumfwila milawo amilasho iyo icanwa muMilawo njindakapa bamashali banu bakulukulu kwiinda mubalaluki basebenshi bangu.”

Jelemiya 10:15

Taakuuwo mbobabete, balyeelete kusuulwa. Ciindi cakoomboloshekwa kwabo caakushikila, balaakumana kuloba.

Jelemiya 10:8

Boonse tabacite maano alimwi mbaluya. Anu inga beeyanshi kushibumbwabumbwa isho shakapangwabo kushisamu?

Jelemiya 2:20

Mwaami Lesa utokwaamba ayi, “Nobene Isilaeli mwakakakabo kale kale bweendeleshi bwangu. Mwakakaka kunyumfwila akunambila. Peculu lyatulundu tulaamfu amunshaashisamu shoonse shicite shimfule shibotu mwakalinga kucita bufuule mukulambila balesa bamwi.

Jelemiya 2:28

Ino ono balesa banu mbomwakalipangila bali kuli? Kabesa bamufuune na inga bacikonsha kumufuna ndyemuba amapensho. Sa te mwebo nobene Juda mulicitebo balesa baanji anga ngamandabala anu?”

Esekelo 17:2

“Webo omuntu, lwiita bene Isilaeli cikoshanyo

Osiya 10:1

Bene Isilaeli bakalingabo anga ncisamu ca minyansa citookula kabotu alimwi cicatite minyansa iinji abuumbi. Bweenka buboni bwabo mbobwalinga kuya ciindaawo kufula, mbweeke ubo ashipaililo mboshakalinga kuya bufula. Bweenka cishi mbocakalinga kuya ciindaawo kusumpuka, mbweeke ubo abalo mbobakalinga kwiindaawo kubotesha mabwe abo asalalite ayo ngobakalinga kulambila.

Osiya 10:2

Bantu aba bacite myoyo yabubeshi bulya balyeelete kupekwa mulandu kweelana akubisha kwabo. Mwaami Lesa utoomwayoola shipaililo shabo akunyonyoola mabwe asalalite ayo ngobalambila.

Osiya 4:15

“Nakubi kwaamba ayi bene Isilaeli tabashomeki kuli ndime, bene Juda balo batakaciti mulandu wa mushobo uyo. Tabeelete kuya mukulambilila kuGilugala nabi kuBeti Afeni alimwi tamweelete kushomesha cakulumbila uko ayi, ‘Kweelana ambocibete lushinisho ayi Mwaami Lesa ngumuumi!’

Osiya 6:8

Gilyadi nindabala umo muswitebo bamucita shibi, ee, iliswitebo bantu abo batila bulowa.

Osiya 8:11

Nakubi kwaamba ayi bene Isilaeli bakayaka shipaililo shiinji sha milambu yakulekelelwa shibiibi. Shipaililo isho shababo pakucitila shibiibi.

Osiya 9:15

Mwaami Lesa waamba ayi, “Kubisha kwabo kwakatalikila kuGilugala. Uko nkondakatalikila kubapata. Ono ceebo ca shibiibi shabo, ndaakubatandaanya kuswa mucishi cangu. Teshi nkabasuneewo tubili. Bamatanjilili babo boonse bakangashukila.

Amosi 4:4

Mwaami Lesa Shinkusu shoonse waamba ayi, “Ono kamuyabo kuBetelo mukubisha, muye kuGilugala akuya mukwiindaawo kubisha. Ee, kamutola milambu yanu macuunsa lyoonse akutola shalikumi shanu na nshiku shotatwe sheenda.

Amosi 5:5

Mutanoolangoola ndabala ya Betelo. Mutayi kundabala ya Gilugala. Mutayi lweendo kundabala ya Biyasheba mukwiinga ndabala ya Gilugala ilaakucatwa busha ayalo ndabala ya Betelo ilaakubabo matongo.”

Jona 2:8

“Abo balambila shibumbwabumbwa shitacite ncito, baleendwa nkumbu sheelete kuba shinebo.

Shakubelenga 12:6

Lyalo Mwaami Lesa wakaamba ayi, “Ono amunyumfwe nceshi ŋambe! Na pali mulaluki pakati kanu, ndaliyubulula kuli nguwe kwiinda mushili anga nshiloto alimwi akwaambaakwe mushiloto.