Osiya 11:8 - Baibo Busansulushi Bwa Libuku Ili

⁸ “Anu inga ndakukakilanshi Efuleemu? Anu inga ndakwaabilanshi Isilaeli? Sa inga ndakunyonyoola bweenka mbondakacita Adima? Anu inga ndacita buyani kuli ndiwe bweenka mbondakacita Seboimu? Moyo wangu tookoonshi kunsuminisha kucita boobo. Lusuno lwangu pali ndiwe ndunene abuumbi!

Osiya 11:8 ပူးပေါင်းရင်းမြစ်များ

Matalikilo 14:8

Mpeeke mwaami wa muSodoma, Gomola, Adima, Seboyimu alimwi awa muBela bakabunganya bashilumamba babo kwaamba ayi baye kunkondo mucinyika ca Sidimu akulwana

2 Samwelo 24:16

Mpeeke munjelo wakalinga kunyonyoola bantu ndyaakanyamuna lyaansa ayi anyonyoole Jelusalemu, Mwaami Lesa wakayeeya bumbi akukasha munjelo uyo ayi, “Mbubo ono! Cileke.” Lyalo wakacileka. Munjelo uyo wakalinga kwiimfwi palubansa lwakulupwitaawo lwakwe Alauna mwine Jebusi.

1 Baami 3:26

Nyina mwiine wakanyumfwa nkumbu abuumbi pamwanaakwe musankwa akwaambila mwaami ayi, “Nomulemekwa, ndaseenga mutacaayi mwaana uyu! Amumupebo walutundu uyu!” Sombi umwi lakwe wakaamba ayi, “Mutapi nabi womwi pakati kesu, amumutimbulebo pakati.”

2 Baami 13:23

Sombi Mwaami Lesa wakalinga kunyumfwila bene Isilaeli nkumbu aluse. Taakwe kusuminisha ayi banyonyoolwe, sombi wakalinga kubacafwa ceebo ca cipangano ico ncaakapanga aAbulaamu, Isaki alimwi aJakobo. Kushikila abobulya taakwe kulubaawo bantu bakwe napaceyi.

2 Makani 36:15

Mwaami Lesa, Lesa wa bamashali babo, wakatolelela kutuma balaluki kwaamba ayi bacenjeshe bantu bakwe. Wakacita boobo mukwiinga wakanyumfwila nkumbu bantu bakwe aŊanda yakwe.

Kulumbaisha 106:45

Mukubacafwa wakeebaluka cipangano cakwe, alimwi ceebo ca lusuno lwakwe lutamaani wakabooshaamo moyo.

Isaya 16:11

Ono moyo wangu wapenga abuumbi ceebo ca cishi ca Moabu. Buumba bwancata abuumbi ceebo ca ndabala ya Kili Aleseti.

Isaya 63:15

NoBaami baLesa, amutulangilishe kwiculu uko, ee, kumusena wanu usalalite alimwi kwabulemu uko. Ino ono kulama kwanu pali ndiswe kuli kuli? Ashalo nkusu shanu shili kuli? Lusuno lwanu ankuumbu mwashitalamusha kuswa kuli ndiswe.

Jelemiya 18:8

sombi pesule mushobo uyo ngondakacenjesha wasanduka kuswa kushibiibi sha nguwo, teshi nkacite shintu shibiibi nshendakaamba kucita kuli nguwo.

Jelemiya 3:12

Koya ukaambilishe makani aya kumatwa ayi, ‘Piluka Isilaeli webo nootashomeki, Teshi nkakulangewo tubili cakukushibuluka ceebo ndi muntu ucite nkumbu. Teshi nkakubikilewo mfundilishi kwamuyayaya, sobwe.

Jelemiya 31:20

Sa Efuleemu teshi mwanaangu musankwa ngoonsuni abuumbi? Sa teshi ngomwaana unsangalasha? Nakubi kwaamba ayi ndamukalookila, sombi ndamuyeeya. Aboobo moyo wangu ulakumbwa kumubona. Ee, ndamwiibaluka akumufwita nkumbu abuumbi. Nebo neMwaami Lesa ndaamba.

Jelemiya 42:10

‘Na mukekaale mucishi cino, Ndaakumuyaka, teshi nkamumwaaye, ndaakumushanga, teshi nkamutumune, sobwe. Ndoongumana abuumbi ceebo ca mapensho ngondakamuletela.

Jelemiya 9:6

Mulishiite pakati ka bubeshi. Mububeshi bwabo balakaka akunshiba, nebo neMwaami Lesa ndaamba.”

Jelemiya 9:7

Paceebo ceeco Mwaami Lesa Shinkusu shoonse waamba ayi, “Bona, ndaakubabotesha akubeelesha, mukwiinga taaku cimwi nceenga ndacita pashibiibi sha bantu bangu.

Malilo 1:20

“NoBaami baLesa amubone mapensho angu! Muuya wangu wapenshekwa abuumbi. Ndapeenga abuumbi mumoyo ceebo ca bwaashu bwangu butalifulili. Pansengwe lya maanda mumikwakwa ya ndabala, mupeeni uliciteko kucaya, amwalo mukati mumaanda muliswitebo bafu.

Malilo 3:32

Nakubi kwaamba ayi waleta mapensho, pesule ulaakufwa nkumbu ceebo lusuno lwakwe lutamaani ndunene.

Malilo 3:33

Mwaami Lesa taakoondwi kuleta buumba, nabi kulengesha bantu kupenga amyoyo.

Esekelo 33:11

Balwiite kwaamba ayi, ‘Ndushinisho kweelana ambocibete lushinisho ayi nebo neMwaami Lesa ndi muumi, nebo nshisangalali kubona mucita shibi kaafwa? Sombi ndasangalala kumubona kaasanduka kuswa kunshila shakwe shibiibi akuba abuumi. Amusanduke! Amusanduke kuswa kunshila shanu shibiibi! Ceebonshi mutooyanda kufwa mwebo nobene Isilaeli?’

Esekelo 6:9

Lyalo mumishobo iyo mweshi bakatolwe busha, balaakunjeeya akwishiba kwaamba ayi ndime ndabapa mulandu akubalensha nsoni. Ndaakucita boobo ceebo myoyo yabo itashomeki yamfutatila akusandukila kushibumbwabumbwa. Balaakulipata beene ceebo ca bubi bwabo ashintu shilensha bunya isho nshebacita.

Osiya 6:4

Sombi Mwaami Lesa waamba ayi, “Nobene Isilaeli anobene Juda anu mwebo inga ndamucitawo buyani? Lusuno lwanu lulibo anga ngushikunku wa macuunsa, ee, anga ngumume uyo ukupuka na lumwi lwabala.

Osiya 7:1

Na ndayanda kulengesha bantu kuswitilila alimwi, na ndayanda kushilika bene Isilaeli, shibiibi sha bene Efuleemu abo shilaletwa patuba. Ee, shibiibi sha bene Samaliya abo shilayubuluka. Bantu abo balabeca, balenjila mumaanda akwiipa, balapamba shintu mumashila.

Amosi 4:11

“Ndakanyonyoola bamwi pakati kanu bweenka mbondakanyonyoola bene Sodoma abene Gomola. Mwakalingabo anga ndukuni lwayokolwa mumulilo. Sombi mwebo tamukwe kusandukilawo kuli ndime. Nebo neMwaami Lesa ndaamba.

Amosi 7:3

Kuswawaawo Mwaami Lesa wakabooshamo moyo akwaamba ayi, “Isho nshewabona teshi shikacitike.”

Amosi 7:6

Paceebo ceeco Mwaami Lesa wakabooshamo moyo waamba ayi, “Anu acalo ici teshi cicitike.”

Mika 5:3

Mwaami Lesa ulaakusuula bene Isilaeli, kushikila muleli uyo akashalwe alimwi kushikila bamakwabo abo bali mubusha bakaboole pakati ka bene Isilaelinyinaabo.

Sefaniya 2:9

Bweenka mbocibete lushinisho ayi Nebo neMwaami Lesa Shinkusu shoonse, Lesa wa bene Isilaeli ndi muumi, ntooshomesha cakulumbila ayi bene Moabu balaakuba anga mbene Sodoma abalo bene Amoni balaakuba anga mbene Gomola. Shishi shabo shilaakuba musena wa nsaku alimwi ashikanda sha mwiinyo, ee, shilaakuba shishi umo mutekaali bantu kwalyoonse alyoonse. Bantu bangu beshi bakacaaleewo, balaakusaala akubwesa shishi shabo.”

Mateyo 23:37

“Webo Jelusalemu, Jelusalemu, noocaya balaluki akuuma mabwe bantu abo Lesa mbwaatuma kuli ndiwe! Liinji liinji ndalinga kusuni kubunganya bantu bako bweenka mbuli nkuku mboifukatila twaana twanjiyo mumapapaminwa, sombi webo wakakaka!

Dutolonomi 29:22

“Ono mumashalane ali kunembo, bamulunyungu lwanu alimwi abaswamashi baswa mushishi shili mulaale, balaakubona mapensho alimwi amalwashi ayo Mwaami Lesa ngweshi akalete mucishi canu.

Dutolonomi 29:23

Cishi canu coonse cilaakubabo luyanga, cilaakunoolibo ncikula. Taaku ceshi cikanoomenaawo nabi bwiisu boonse. Cilaakuba anga ngamandabala anene aSodoma aGomola, Adima alimwi aSeboyimu, ayo ngaakanyonyoola Mwaami Lesa ndyaakakalala abuumbi.

Dutolonomi 32:36

Mwaami Lesa ulaakufuna bantu bakwe, na akabone ayi nkusu shabo shamana. Ulaakubanyumfwila nkumbu basebenshi bakwe, na akabone ayi tabacite wakubacafwa.

2 Pita 2:6

Abalo bantu ba mumandabala anene a Sodoma aGomola Lesa wakaboombolosha akubapa mulandu. Wakabanyonyoola amulilo. Ici cakaba citondesho ca sheesho sheshi shikacitike kubantu beshi bakabule kumunyumfwila kunembo.

Judi 1:7

Amwiibaluke andabala ya Sodoma aGomola amandabala akalinga pafwaafwi. Bantu ba mumandabala aya abalo bakatalika kucita bufuule alimwi akucitana shintu shilensha nsoni. Lesa wakabapa mulandu wa mulilo utamaani kwaamba ayi cibe citondesho kubantu boonse.

Ciyubululo 11:8

Mpeeke mituntu yabo ilaakunoolibo munshila sha ndabala inene umo mwakapopelwa Mwaami wabo pamucilingano. Liina liimikanina ndabala iyo mumaamboolwa, nguSodoma nabi Ijipiti.

Ciyubululo 18:18

Ndibakabona bwiishi kabusunta ndabala inene iyo ndiyakalinga kupya, bakoolobesha ayi, “Takuna kubawo kale ndabala inene aimwi ili mbuli ndabala inene iyi!”

Boomboloshi 10:16

Kuswawaawo bakacileka kukonkela balesa bamwi akutalika kusebensela Mwaami Lesa alimwi. Aboobo wakabafwita nkumbu kumapensho ngobakalinga kucite.