Osiya 11:4 - Baibo Busansulushi Bwa Libuku Ili

⁴ Ndakabatanjilila antaambo ya nkumbu, ee, kubatanjilila antaambo ya lusuno. Ndakabaangulula lijoko kuswa munshingo shabo akukotama ayi mbasanine.

Osiya 11:4 ပူးပေါင်းရင်းမြစ်များ

2 Samwelo 7:14

Ndaakuba baishi alakwe ulaakuba mwanaangu. Na walubisha, ndaakunoomukwipa bweenka mushali mbwaakwipa mwanaakwe.

Kulumbaisha 105:40

Bakasenga cakulya, lyalo Mwaami Lesa wakabapa bakancele, wakabapa cakulya cakaswa kwiculu kwaamba ayi bakute.

Kulonga 16:32

Mose wakaamba ayi, “Mwaami Lesa watulwiita ayi tubike malita obilo a mana palubasu kwaamba ayi bamulunyungu lwesu bakabone cakulya ico ncaakatupa muluyanga ndyaakatukusha mucishi ca Ijipiti.”

Lwiimbo lwakwe Solomoni 1:4

Ndoboshe cakufwambaana tunooya! Katiya ube mwaami wangu akuntola mucipinda cako. Tulaakunoosangalala akukondwa muli ndiwe. Tulaakulumbaisha lusuno lwako kwiinda waini. Anu nceceeco bamyooye ncebakusunini!

Isaya 63:9

Mapensho abo oonse alakwe wakapengaako. Ono munjelo uswa kuli nguwe nguwakabapulusha. Wakabapulusha ceebo ca lusuno lwakwe lutamaani. Wakabanyamuna akubayumuna mwiine kwa nshiku shoonse shikulukulu.

Osiya 2:8

“Tabakwe kwishiba kwaamba ayi ndime ndakabapa shili anga ngamaila, waini amafuta a olifi. Ncakwiila ndime ndakabapa silifa agolodi isho nshaakalinga kusebensesha kulambila Baali.

Bene Lefi 26:13

Nebo neMwaami Lesa, Lesa wanu ndakamukusha mucishi ca Ijipiti kwaamba ayi mutakabi basha alimwi. Ndakatyola lijoko lya busha bwanu akulengesha ayi munokweenda cakubula nsoni.”

Joni 12:32

Sombi nebo ndaakupopwa pamucilingano ndaakuyobolola bantu boonse kuli ndime.”

2 Bene Kolinto 5:14

Lusuno lwakwe Klistu ndolutweendelesha ceebo tulashoma kwaamba ayi muntu womwi wakafwita bantu boonse, paceebo ceeco boonse bakafwa kwiinda muli nguwe.

Dutolonomi 32:12

Mwaami Lesa eenkabo ngowakabatanjilila, taaku lesa umwi wakabacafwa.

Dutolonomi 32:14

Ŋombe ampongo shabo shakalinga kukamika abuumbi. Mbelele, mpongo aŋombe shabo shakalinga kwiinite. Mbelele shisankwa shakalinga shibotu anga nsha kuBashani, awalo witi alimwi awaini shakalinga kwiinditeewo kubota.