Osiya 10:5 - Baibo Busansulushi Bwa Libuku Ili

⁵ Bantu bekala mundabala ya Samaliya baliloondete, alimwi balaakulila ceebo ca cibumbwabumbwa ca mucende mwaana kuBetelo. Bantu balaakulila pantu pomwi abapailishi abo basebensela cibumbwabumbwa ico. Balaakulila caakufuulwa bulemu bwa ncico bwa golodi.

Osiya 10:5 ပူးပေါင်းရင်းမြစ်များ

2 Baami 10:29

Sombi alakwe wakacita cibiibi ceenka cakacita mwaami Jeloboamu mwanaakwe Nebati uyo wakalengesha bene Isilaeli kubisha mukulambila bacende baana ba golodi abo mbwaakabika mundabala ya Betelo aya Dani.

2 Baami 17:16

Bakapwaya milawo yoonse ya Mwaami Lesa, Lesa wabo alimwi bakabumba bacende baana ba golodi ayi mbakulambila. Bakapanga acikoshanyo cakwe Ashela lesa mwanakashi, bakalinga kulambila nyenyeenshi akulambila Baali.

2 Baami 23:5

Wakakusha ncito bapailishi boonse abo bamaami ba bene Juda mbobakenjisha ayi banoobenga milambu mumisena yakulambililaako ya patulundu mumandabala a muJuda alimwi ayeeyo yakalinga kushingulukite Jelusalemu. Nkokwaamba ayi bapailishi boonse abo bakalinga kubenga milambu kuli Baali, kulisuba, kumweenshi, alimwi akunyenyeenshi.

2 Makani 11:15

Jeloboamu wakasala bapailishi bakwe mwiine ayi banoosebensela pamisena yakulambililaako ya patulundu apa shibumbwabumbwa sha mpongo asha mucende mwaana isho nshaakabumba.

2 Makani 13:8

“Ono bulya mulisuni kulwana bwaami bwa Mwaami Lesa ubo mbwaakabika mumaansaakwe Defedi abamulunyungu lwakwe. Mulicite bashilumamba baanji alimwi mulicite abacende baana ba golodi abo Jeloboamu mbwaakabumba kwaamba ayi babe balesa banu.

Isaya 46:2

Shibumbwabumbwa isho tashikoonshi kulipulusha shiine. Amubone ashalo shilacatwa akutolwa mubusha. Ncakwiila sunu ngameelelesho a balesa ba bene Babiloni.

Osiya 13:2

Ono batolelela kubisha kwiinda mukulipangila shibumbwabumbwa sha silifa. Shibumbwabumbwa isho shakabumbwa cabusongo alimwi shoonse shakabumbwa abacishi shakupangapanga. Bantu abo balaambwa ayi, “Balabenga bantu ayi njimilambu akunoofyonta shibumbwabumbwa sha bacende baana.”

Osiya 4:15

“Nakubi kwaamba ayi bene Isilaeli tabashomeki kuli ndime, bene Juda balo batakaciti mulandu wa mushobo uyo. Tabeelete kuya mukulambilila kuGilugala nabi kuBeti Afeni alimwi tamweelete kushomesha cakulumbila uko ayi, ‘Kweelana ambocibete lushinisho ayi Mwaami Lesa ngumuumi!’

Osiya 5:8

“Amulishe lupeenga lwa nkondo muGibiya. Ee, amulishe lupeenga lwa lwiica muLama Amucenjeshe bene Beti Afeni bacite ciyobeyobe ca nkondo. Amutanjile kunembo nobene Benjameni, tuye kunkondo.

Osiya 9:1

Nobene Isilaeli, amucileeke kusangalala, ee, amucileeke kusamwa pakusekelela kwanu anga njimishobo imwi. Mwebo tamukwe kushomeka kuli Lesa wanu. Mwalyaaba kuli lesa Baali mumisena yoonse ya mucishi anga mbafuule akukondwa shili anga ngamaila amafuta a olifi isho nshemuyeeya ayi nguBaali umupa.

Osiya 9:11

Bulemu bwa bene Isilaeli bulaakuluka anga nkayuni. Nkokwaamba ayi kutumbuka, kuba amafumo, ee, kumina mate shoonse shilaakumana.

Amosi 3:14

Waamba ayi, “Pabushiku ndaakupa mulandu bene Isilaeli ceebo ca shibiibi shabo, ndaakunyonyoola shipaililo sha bene Betelo. Meeca a mumakonko a cipaililo alaakutimbulwa akulokela panshi.

Sefaniya 1:4

“Ndaakufungulula lyaansa lyangu mukupa mulandu bene Jelusalemu ee, mukupa mulandu bene Juda boonse. Ndaakunyonyoola boonse beshibakacaaleewo balambila Baali mumusena uyo. Ncakwiila ndaakunyonyoola abapailishi bakwe Baali boonse cakwaamba ayi kukabule ubeebaluka tubili.

Milimo ya Batumwi 19:27

Nkokwaamba ayi mpashi bantu batootalika kwaamba shibiibi pancito yesu iyi. Teeshibo ncito yeenka, sombi ŋanda yakwe lesa wesu Atemisi taaku mbweshi ibeewo kubantu. Aboobo bulemu bwakwe lesa uyu butoonyonyooka, lesa uyo ngobalambila bantu ba muEsha acishi coonse!”

Joshuwa 7:2

Ono Joshuwa wakatuma basankwa bamwi kuswa muJeliko kuya kuAi, ndabala inene ili kwicwe lya Betelo pafwaafwi aBeti Afeni, ayi bakasense musena uyo. Aboobo basankwa abo bakaya mukusensa ndabala ya Ai.

Boomboloshi 18:24

Mika wakabakumbula ayi, “Mwantolela balesa bangu mbondakalipangila alimwi mwanyaya amupailishi wangu. Nebo taaku ancemwanshiilaawo. Mwamana mutoonjipusha ayi, ‘Ino cakupensha nciinshi?’ ”