Osiya 10:4 - Baibo Busansulushi Bwa Libuku Ili

⁴ Balashomesha kucita shintu shiinji, kushomesha cakulumbila cakubeca akupanga shipangano shiinji shitaaku mboshibete. Mwasandula bululami kuba kutalulama alimwi kutookula anga ninsaku mumuunda wakashabwa.

Osiya 10:4 ပူးပေါင်းရင်းမြစ်များ

Isaya 5:7

Isilaeli ngomuunda wa minyansa wa Mwaami Lesa Shinkusu shoonse. Ncakwiila bene Juda njeminyansa njaakashanga. Wakalinga kulangila ayi batoocita shiluleme, sombi ncaakabonabo mbucayi. Wakalinga kulangila koombolosha cakutanyengelela, sombi cakapola kumatwi akwe nkulila kwa baabo bakalinga kulyatililwa.

Osiya 4:2

Mulibo kushingana, bubeshi alimwi abucayi, kwiipa alimwi abulale. Shibiibi shafula, kucayana kwaba ndolwiimbo.

Osiya 6:7

Ono mwebo mwapwaya cipangano bweenka bwakapwaya Adamu.

Amosi 5:7

Mwamana katyenke mwebo nomoombolosha cakunyengelela, ee, mwebo nomoombolosha kuteshi mubululami.

Amosi 6:12

Sa maaki alacica patulundu twa myaandami? Sa muntu inga walima aŋombe palweenge? Sombi mwebo mwasandula koombolosha kwakutanyengelela kuba shikola akusandula shabululami kuba kulula kwiine kwiine.

Milimo ya Batumwi 8:23

Mukwiinga ndaboona ayi uliswitebo munyono alimwi ulyaangitwe kucibiibi.”

Bene Loma 1:31

Mbantu bataliseendi, tabashomeki, tabacite nkumbu alimwi aluse.

Dutolonomi 29:18

Ono mucenjele ayi patakabi musankwa, mwanakashi, cipani nabi mukowa uli waano sunu weshi ukafutatile Mwaami Lesa, Lesa wesu akutalika kulambila balesa ba mishobo imwi. Ceebo ici inga caba anga ngumuyanda wasonsa akuba cisamu ca musuku mubi.

Dutolonomi 31:16

Mwaami Lesa wakaambila Mose ayi, “Webo utoofwa onoono, ono na ufwe, bene Isilaeli balaakucileka kushomeka kuli ndime akutalika kulambila balesa beensu ba mucishi ico ncebatooyaamo. Balaakunkaka akupwaya cipangano cili pakati pali mbabo anebo.

Dutolonomi 31:17

Pabushiku ubo ndaakubakalalila akubafutatila, mpeeke balaakunyonyooka. Balaakupolelwa mapensho aanji kushikila bakeshibe ayi shoonse shabacitikila ceebo nebo neMwaami Lesa nshibete ambabo.

2 Timoti 3:3

batacite lusuno, batalekelelani, beshikubekesha shikani, batalitibuki, bakali, batasuni shintu shibotu.

Bene Ebulu 12:15

Amucenjele kwaamba ayi kutabi muntu nabi womwi weshi aswe kuluse lwakwe Lesa, nabi abe anga nimbuto shamilunda isho shicita na shakula, shabisha shimwi shoonse.