Osiya 10:14 - Baibo Busansulushi Bwa Libuku Ili

¹⁴ nkondo ilaakwisa pali ndimwe shiyubilo shanu shoonse shilaakunyonyoolwa. Cilaakubabo anga mbushiku mwaami Shalimani ndyaakanyonyoola ndabala inene ya Beti Abelo muciindi ca nkondo akupwayoola baana abamanyinawabo ayi bafwe.

Osiya 10:14 ပူးပေါင်းရင်းမြစ်များ

Matalikilo 32:11

Ndapaila ayi mumpulushe kuswa kumukwesu Esau. Ndaloonda kwaamba ayi utoosa mukundwana akutunyonyoola soonse pantu pomwi abanakashi alimwi abaana.

2 Baami 17:16

Bakapwaya milawo yoonse ya Mwaami Lesa, Lesa wabo alimwi bakabumba bacende baana ba golodi ayi mbakulambila. Bakapanga acikoshanyo cakwe Ashela lesa mwanakashi, bakalinga kulambila nyenyeenshi akulambila Baali.

2 Baami 17:3

Ono Shalimanesa mwaami wa bene Asilya wakesa mukulwana Osheya. Mpeeke Osheya wakalyaaba mumaansaakwe akutalika kumupa misonko pamwaaka amwaaka.

2 Baami 18:33

“Sa balesa ba mishobo imwi bakafunawo kale shishi shabo kuswa kumwaami wa bene Asilya?

Isaya 17:3

Mucishi ca bene Efuleemu teshi munoocili ndabala inene icite lilinga lya mabwe. KuDamasikasi teshi kukabewo tubili bwaami. Abalo ba kuSilya beshi bakacaaleewo balaakunyaikwa bulemu anga mbantu bene Isilaeli. Ubo mbondaamba nebo neMwaami Lesa Shinkusu shoonse.

Isaya 33:14

Bamucita shibi muSiyoni baloonda, ee, batalemeki Lesa batootutumabo kuboowa. Batokwaamba ayi, “Anu ngani pakati kesu weenga wapuluka mumulilo ulya unyonyoola? Anu ngani pakati kesu weenga kaacili muumi mumulilo utamaani?”

Jelemiya 13:14

Kuswawaawo ndaakumana kubapwayoola anga ninongo mukuboomanya, bamanene abanike bweenka. Teshi nkabafwitewo nkumbu nabi paniini shakunkasha kubanyonyoola. Nebo neMwaami Lesa ndaamba.’ ”

Jelemiya 48:41

Mandabala anene amandabala acite malinga alaakukomwa. Bushiku ubo myoyo ya bashilumamba bene Moabu ilaakubabo anga ngumoyo wa mwanakashi uli pankata.

Osiya 10:15

Ico nceshi cikacitike kuli ndimwe nobene Betelo mukwiinga bubi bwanu mbunene abuumbi. Nkondo yaakutalikabo, mwaami wa bene Isilaeli ulaakunyonyoolwa cakumaninina.”

Osiya 13:16

Cishi ca Samaliya cilyeelete kupekwa mulandu ceebo cakwaashukila ndime neLesa wabo. Bantu ba ncico balaakufwita munkondo. Bakateta balaakupwaikwa panshi banakashi beshi bakanoomitite balaakupasulwa mafumo.”

Amosi 3:14

Waamba ayi, “Pabushiku ndaakupa mulandu bene Isilaeli ceebo ca shibiibi shabo, ndaakunyonyoola shipaililo sha bene Betelo. Meeca a mumakonko a cipaililo alaakutimbulwa akulokela panshi.

Amosi 3:8

Na nkalamu yalila, ngani utakoonshi kuloonda? Na Mwaami Lesa Shinkusu shoonse waamba, ngani weenga wakaka kwaambilisha maswi akwe?

Amosi 9:5

Mwaami Lesa, Lesa Shinkusu shoonse, na wakumya cishi, ncakwiila cilatenkaana alimwi boonse bekalaamo baloongumana. Cishi coonse cilaakuyalookabo anga ngamaanshi a muMulonga wa Nailo akuboola panshi anga ngamaanshi a mumulonga wine Ijipiti.

Mika 5:11

Ndaakunyonyoola mandabala oonse a mucishi canu akupwayoola malinga anu oonse.

Naamu 3:10

Nakubi boobo bantu ba njiyo bakacatwa busha. Bakateta babo bakoomwa kushikila bafwa moonse mupetukila mikwakwa ya mundabala inene. Cisolo cakoomwa kubaana bamaloba ba njiyo abalo bacinenenene bakaangwa muncetani.

Naamu 3:12

Shiyubilo shako shoonse shili anga nshisamu sha nkuyu ashisepo sha nshisho shitaanguna kupya. Na mwashitenkaanya, inkuyu shilalokela mumulomo wa muntu uyo ushilya.

Abakuku 1:10

Balanyansha bamaami akuseka bacinenenene babo. Taaku ndabala icite lilinga ndyeenga baalilwa kwiinda. Balayakabo shitunta shakutantaawo pakulwana sha bulongo akukoma ndabala iyo icite lilinga.