Osiya 10:11 - Baibo Busansulushi Bwa Libuku Ili

¹¹ Bene Efuleemu bakalinga anga nimpwishi itambite iyo isunishi kulupula shili anga ngamaila. Sombi bulya ndaakubakobeka lijoko munshingo shabo shibotu kwaamba ayi basebense ncito iyumu. Bene Juda balyeelete kushaba abalo bene Isilaeli balyeelete kulima.

Osiya 10:11 ပူးပေါင်းရင်းမြစ်များ

Isaya 28:24

Sa na mulimi walima, ulatolelela kunoolimabo kutashanga? Sa ulatolelelabo kunoopwaya mashinshiime akunooboteshaamo?

Jelemiya 28:14

Nebo neMwaami Lesa Shinkusu shoonse, Lesa wa bene Isilaeli ndaamba ayi, ‘Ndaakubika lijoko lya nshimbi munshingo sha mishobo ya bantu iyi mukwaamba ayi bakasebensele Nebukadinesa mwaami wa bene Babiloni. Ncakwiila abalo balaakunoomusebensela. Ndaakulengesha kwaamba ayi abanyama bamuluundu boonse akabaleele.’ ”

Jelemiya 46:20

“Cishi ca Ijipiti ncibotubo anga nimpwishi yaana, sombi mpobe shitoosa mukwiiluma kuswa kumatwa.

Jelemiya 50:11

Mwaami Lesa waamba ayi, “Nobene Babiloni mulikondetwe akusangalala, mwebo nomwakasaala mushobo wangu. Mwakatambala anga niŋombe itoolyatoola shili anga ngamaila akulila bweenka bulila maaki.

Osiya 11:4

Ndakabatanjilila antaambo ya nkumbu, ee, kubatanjilila antaambo ya lusuno. Ndakabaangulula lijoko kuswa munshingo shabo akukotama ayi mbasanine.

Osiya 2:5

Banyinawanu tebakalinga kushomeka alimwi bakalinga kuliletela musebaanyo. Balo bakaamba ayi, ‘Ntooya kubasunikwi bangu, abo beshi bakampe shakulya, shakunwa, shakufwala sha booya bwa mbelele, nsalu shiteshimite, mafuta a olifi alimwi awaini.’

Osiya 3:1

Mwaami Lesa wakandwiita ayi, “Koya ukatondeshe lusuno kumukaako alimwi, nabi utoocita bulale ausunikwi wakwe. Ulyeelete kumusuna bweenka nebo neMwaami Lesa mboonsuni bene Isilaeli nabi basandukila kubalesa bamwi akunootola shipo sha minyansa yakuyanika kushibumbwabumbwa.”

Osiya 4:16

Bene Isilaeli mbeshicimpamya anga ngumucongoshi, ino ono bantu ba mushobo uyo inga ndabasanina buyani anga mbana ba mbelele?

Osiya 9:1

Nobene Isilaeli, amucileeke kusangalala, ee, amucileeke kusamwa pakusekelela kwanu anga njimishobo imwi. Mwebo tamukwe kushomeka kuli Lesa wanu. Mwalyaaba kuli lesa Baali mumisena yoonse ya mucishi anga mbafuule akukondwa shili anga ngamaila amafuta a olifi isho nshemuyeeya ayi nguBaali umupa.

Mika 4:13

Mwaami Lesa waamba ayi, “Nobene Siyoni, amunyamuke akutalika kunyonyoola balwani banu! Ndaakumulengesha kuba ankusu anga ngumucende ucite meeca anshimbi ashoondo sha bulonse. Mulaakupwayoola mishobo ya bantu iinji. Bubile boonse mbobakasaala munkondo, mulaakububenga mumaansaangu, ee, mumaansaangu nebo neMwaami Lesa wa cishi ca panshi coonse.”

Bene Loma 16:18

Ceebo bantu bacita shintu sha mushobo wooyo tabasebenseli Klistu Mwaami wesu, sombi sheesho shiyanda mibili yabo beene. Kwiinda mumaswi abotu ngobaamba abubeshi balacenjeeka bantu batana kuyuma mulushomo.

Dutolonomi 25:4

“Mutafwaliki cinsangala musune utoomulyatweetaako maila kwaamba ayi alupuke.