Osiya 1:7 - Baibo Busansulushi Bwa Libuku Ili

⁷ Nakubi boobo kubene Juda ndaakubatondesha lusuno. Nebo neMwaami Lesa, Lesa wabo ndaakubapulusha munkusu shangu, kuteshi kwiinda mumipeeni, mata, mifwi, maaki nabi kwiinda mubeshikulwanina pamaaki.”

Osiya 1:7 ပူးပေါင်းရင်းမြစ်များ

2 Baami 19:29

Mpomunyaawo Isaya wakaambila mwaami Esekiya ayi, “Citondesho ca ceeco ceshi cikacitike nceeci. Mwaaka uno mulaakulya shilimenena. Mwaaka utoosa mulaakulya sheshi shikalimenene kuswa kuli nshisho, sombi mumwaaka watatu mukashange akutebula, mukashange myuunda ya minyansa akulyaako shisepo.

2 Baami 19:34

Ndaakutabilila ndabala inene ino akwiipulusha, ceebo ca bulemu bwangu acakwe Defedi musebenshi wangu.’ ”

2 Baami 19:35

Mashiku ayo, munjelo wa Mwaami Lesa wakaya kumisumba ya bene Asilya akucaya bashilumamba bali 185,000. Kumuyamaca bantu ndibakabuka bakacanabo mituntu apa apapalya!

2 Baami 6:18

Bene Silya ndibakatalika kulwana, Elisha wakapaila ayi, “NoBaami baLesa amupofoshe meenso abo!” Mwaami Lesa wakakumbula kupaila kwakwe akubapofosha meenso.

Kulumbaisha 33:16

Mwaami taapulushikwi ceebo cakufula kwa bashilumamba bakwe. Taaku shilumamba ukoma kwiinda munkusu shakwe shiinji.

Kulumbaisha 44:7

Sombi ndimwe mutulengesha kukoma balwani besu. Ncakwiila ndimwe mulensha nsoni abo batupatite.

Kulonga 14:13

Mose wakabakumbula ayi, “Mutaloondi! Amuyumebo, mubone Mwaami Lesa nceshi acite sunu kwaamba ayi amupulushe. Aba bene Ijipiti teshi mukababoneewo alimwi.

Kulonga 14:30

Anu pabushiku ubo, Mwaami Lesa wakapulusha bene Isilaeli mumaansa abene Ijipiti, alimwi bene Isilaeli bakabona bene Ijipiti bafwite kabaseela muloombe lwa lweenge.

Isaya 12:2

Ncakwiila noBaami baLesa ndimwe bapulushi bangu. Nanooncinkite manungo muli ndimwe, lyalo teshi nkaloondeewo. NoBaami baLesa ndimwe mumpa nkusu abulemu, alimwi ndimwe lwiimbo lwangu. Ee, noBaami baLesa mwaba bapulushi bangu.”

Isaya 30:18

Nakubi boobo Mwaami Lesa ulisuni abuumbi kumunyumfwila luse. Ulilibambite kumunyumfwila nkumbu ceebo ulacita shintu shiluleme. Balicite coolwe bacinkite manungo muMwaami Lesa!

Isaya 49:6

Paceebo ceeco wakaŋambila ayi, “Ndicite mulimo unene ngoonsuni ayi webo ucite omusebenshi wangu. Teshi ukeelebo mukuboosha bulemu kubene Isilaeli abo bakacaalaawo. Sombi ndaakukubika ayi ube mumuni kubaswamashi bakunsengwe kwaamba ayi bantu boonse bakapulushikwe kwiinda muli ndiwe.”

Isaya 7:14

Paceebo ceeco Mwaami Lesa mwiine ulaakukupa citondesho. Ncakwiila mwanakashi utana kukumanawo kale amusankwa ulaakumita akushala mwaana musankwa eshi akanokwiitwa ayi Imanuweli.

Jelemiya 25:5

Balaluki abo bakalinga kumwaambila ayi, ‘Noonse amuswe kunshila shanu shibiibi amicito yanu ibiibi, ingaawo mukanookala mucishi ico Mwaami Lesa ncaakamupa mwebo abamashali banu bakulukulu ayi ncanu kwalyoonse alyoonse.

Jelemiya 25:6

Mutakonkeli balesa bamwi mukubasebensela akubalambila. Mutasonkomoni bukali bwakwe kwiinda mukulambila shibumbwabumbwa nshemwakabumba amaansaanu. Lyalo Mwaami Lesa teshi akamupe mulandu.’

Jelemiya 33:26

Ono mbocibete lushinisho ayi ndakacita boobo, mbweeke ubo mbweshi nkacite kweelana acipangano cangu abamulunyungu lwakwe Jakobo alimwi amusebenshi wangu Defedi. Ndaakusalawo muntu womwi pabamulunyungu lwakwe Defedi ayi alele bamulunyungu lwakwe Abulaamu, Isaki aJakobo. Ndaakufwita nkumbu bantu bangu akubalengesha kuswitilila alimwi.”

Osiya 1:8

Goma ndyaakalesha Lo Luyama, wakamita akuba amwaana musankwa umwi.

Osiya 11:12

Mwaami Lesa waamba ayi, “Bene Isilaeli banshingulusha bubeshi, ee, banshingulusha kucenjeeka. Bene Juda abalo bacingashukilabo nebo neLesa Usalalite alimwi ushomeka.

Sekaliya 4:6

Kuswawaawo wakaŋambila ayi, “Aya ngomaswi a Mwaami Lesa kuli Selubabelo. Waamba ayi, ‘Teshi ukakome ceebo ca nkusu sha bashilumamba nabi nkusu shako omwiine, sombi ulaakukoma ceebo ca Mushimu wangu. Nebo neMwaami Lesa Shinkusu shoonse ndaamba.

1 Samwelo 17:47

Boonse babungene waano batooshiba ayi Mwaami Lesa taapulushi bantu kwiinda mukusebensesha mipeeni amasumo. Nkoondo iyi nja Mwaami Lesa, aboobo utoomwaaba noonse mumaanseesu.”