Osiya 1:4 - Baibo Busansulushi Bwa Libuku Ili

⁴ Lyalo Mwaami Lesa wakaŋambila ayi, “Mwaana uyo mutumbe ayi Jesiliilu mukwiinga coonoonobo ndaakupa mulandu bamulunyungu lwakwe Jeyu. Ndaakucita boobo ceebo bantu baanji mbwaakacaya kuJesiliilu. Munshila iyo ndaakumanisha bulelo bwa Isilaeli.

Osiya 1:4 ပူးပေါင်းရင်းမြစ်များ

2 Baami 10:1

Ciindi ico kwakalinga bamulunyungu lwakwe Aabu bali makumi osanwe aobilo bakalinga kwikala mundabala ya Samaliya. Jewu wakalemba makalata akwaatuma kubamatanjilili ba mundabala, bamaloba alimwi akubeshikulama bamulunyungu lwakwe Aabu. Makalata ayo akalembwa ayi,

2 Baami 10:17

Ndibakashika uko, Jewu wakacaya bamakwabo Aabu boonse bakalinga bacaalaawo, kutashiyaawo nabi womwi kweelana abwakaamba Mwaami Lesa kwiinda muli Elija.

2 Baami 15:29

Muciindi ca bwaami bwakwe Peka mwaami wa bene Isilaeli, Tigilati Pilesa mwaami wa bene Asilya wakesa wabwesa ndabala ya Ijoni, Abelo Beti Maaka, Janowa, Kedeshi alimwi aya Asoli, kubikaawo acishi ca Gilyadi, Galili alimwi aca Nafutali. Wakatola bantu busha kuAsilya.

2 Baami 15:8

Mumwaaka wa makumi otatwe aosanwe aotatwe wa bwaami bwakwe Asaliya mwaami wa bene Juda, Sekaliya mwanaakwe Jeloboamu wakaba mwaami wa bene Isilaeli. Wakalela muSamaliya kwamyeenshi yosanwe awomwi.

Isaya 7:14

Paceebo ceeco Mwaami Lesa mwiine ulaakukupa citondesho. Ncakwiila mwanakashi utana kukumanawo kale amusankwa ulaakumita akushala mwaana musankwa eshi akanokwiitwa ayi Imanuweli.

Isaya 8:3

Mukuya kwanshiku bakaangu bakamita akushala mwaana musankwa. Mpeeke Mwaami Lesa wakaamba ayi, “Mutumbe ayi Maa Shalali Ashi Basi.

Isaya 9:6

Ceebo mwaana washalwa pakati kesu, ee, twapekwa mwaana musankwa. Bweendeleshi boonse bulaakuba mumaansaakwe. Liina lyakwe unanokwiitwa ayi, “Shikupanda maano Mubotu,” “Lesa Shinkusu shoonse,” “Mushali musankwa wamuyayaya,” alimwi ayi, “Mwaami wa Luumuno.”

Jelemiya 20:3

Ono ndibwakaca Pasha ndyaakaŋangulula, ndakamwaambila ayi, “Teshi ndiwe Pasha, sombi ndiwe Mago Misabibu nkokwaamba ayi shiyoosha kumbasu shoonse.

Jelemiya 23:2

Paceebo ceeco Mwaami Lesa, Lesa wa bene Isilaeli utookwaambila beembeshi abo beembela bantu bakwe ayi, “Ceebo mwakapalanganya litanga lyangu akulitanda, tamukwe kulilama, ndaakumupa mulandu ceebo ca bubi ubo mbomwakacita.

Jelemiya 3:8

Lyalo Isilaeli ndakamupa nkalata yakumuleka akumutandaanya ceebo ca bufuule bwakwe. Sombi Juda mukwabo utashomeki ulya taakwe kuloondawo, sobwe. Ncakwiila alakwe wakacita bweenka ubo.

Esekelo 23:10

Bakamufuula akucaalabo matakosha. Bakatola bana bakwe basankwa abanakashi akumucaya kumupeeni. Wakaba kashimi pakati ka banakashinyina.

Esekelo 23:31

Wakakonkela nshila yeenka yakeendamo munene wako, aboobo ntookupa nkomeshi ya mulandu yeenka njendakapa nguwe.”

Osiya 1:6

Goma wakamita alimwi akushala mwaana mwanakashi. Lyalo Mwaami Lesa wakaŋambila ayi, “Mwaana uyo mutumbe ayi Lo Luyama mukwiinga teshi nkatondeshewo bene Isilaeli tubili lusuno nabi kulekelela shibiibi shabo.

Osiya 1:9

Lyalo Mwaami Lesa wakaŋambila ayi, “Mwaana uyo mutumbe ayi Lo Ami mukwiinga bene Isilaeli tabacibete bantu bangu alimwi nebo nshicibete Lesa wabo.

Osiya 2:13

Ndaakubapa mulandu ceebo ca shiindi nshebakatentela Baali tununkila kabotu. Bakalifwalika ninga abulungu bwamakwebo akuya cikonkela basunikwi babo, sombi nebo bakandubaako. Nebo neMwaami Lesa ndaamba.

Osiya 2:22

Cishi ca panshi cilaakukusha shili anga ngamaila, waini upya alimwi amafuta a olifi. Shintu shoonse ishi shilaakuboneka muJesiliilu.

Osiya 9:17

Lesa wangu ulaakubakaka ceebo tabakwe kumunyumfwila. Bene Isilaeli balaakuba beshikwiingooka pakati ka mishobo imwi.

Amosi 9:8

Nebo, neMwaami Lesa Shinkusu shoonse meenso angu ali pabulelo bushishibiibi bwa bene Isilaeli. Ndaakubunyonyoola kwaamba ayi bulobe pacishi ca panshi. Sombi teshi nkanyonyoole cakumaninina bamulunyungu lwakwe Jakobo. Nebo neMwaami Lesa ndaamba.

Mateyo 1:21

Ulaakushala mwaana musankwa, ukamutuumbe liina ayi Jesu, mukwiinga ngweshi akapulushe bantu bakwe kuswa kushibiibi shabo.”

Luka 1:13

Sombi munjelo uyo wakamwaambila ayi, “Utaloondi Sekaliya, Lesa wanyumfwa kupaila kwako, aboobo mukaako Lisabeti ulaakushala mwaana musankwa uyo ngweshi ukatumbe ayi Joni.

Luka 1:31

Ulaakumita akushala mwaana musankwa uyo ngweshi ukatumbe ayi Jesu.

Luka 1:63

Mpomunyaawo Sekaliya wakasenga cakulembelaawo akulemba ayi, “Liina lyakwe nguJoni.” Ici cakakankamika bantu boonse.

Joni 1:42

Kuswawaawo Andulu wakatola Simoni kuli Jesu. Jesu wakalangilisha Simoni akumwaambila ayi, “Webo liina lyako ndiwe Simoni mwanaakwe Jona. Sombi unanookwiitwa ayi Kefasi.” (Liina ili lilasansulula ayi “Pita” nkokwaamba ayi “Mwaandami.”)

Joshuwa 19:18

Mukati ka cishi cabo mwakalinga ndabala ya Jesiliilu, Kesuloti, Shunemu,