Neyemiya 9:6 - Baibo Busansulushi Bwa Libuku Ili

⁶ Lyalo bene Isilaeli bakapaila ayi, “Mwebo noBaami baLesa, mwebo nweenka ndimwe Baami baLesa. Ndimwe mwakalenga liculu alimwi anyenyeenshi sha mwiculu. Ndimwe mwakalenga cishi ca panshi, lweenge ashoonse shiliimo. Ndimwe mupa buumi kushintu shoonse. Abaanjelo boonse balamulambila.

Neyemiya 9:6 ပူးပေါင်းရင်းမြစ်များ

Matalikilo 1:1

Kumatalikilo Lesa wakalenga liculu acishi ca panshi.

Matalikilo 1:9

Kuswawaawo Lesa wakaamba ayi, “Maanshi ali panshi lya musena ufongomene uyo abungane mumusena womwi kwaamba ayi bulongo buyumu buboneke.” Mpeeke kwakaba bweenka ubo.

Matalikilo 2:1

Munshila iyo liculu acishi ca panshi alimwi ashintu shoonse shiliimo shakamana kulengwa.

Matalikilo 32:2

Ndyaakababona wakaamba ayi, “Iyi njimisumba yakwe Lesa.” Paceebo ceeco musena uyu wakautumba ayi Maanaimu.

1 Baami 22:19

Mpeeke Mikaya wakatolelela kwaamba ayi, “Ono amunyumfwe makani aya! Ndakabona Mwaami Lesa kaashiite pacuuna ca bwaami kwiculu abaanjelo bakwe boonse kabeemfwi kushinguluka nguwe.

1 Baami 8:27

“Ono sa cilaamba ayi mwebo nobaLesa ndushinisho inga mwekala mucishi ca panshi? Sobwe, nabibo liculu lyaceyabo kulaale kwaamba ayi mwebo mukonshe kwikalaamo. Ino ono ŋanda njendamuyakila yakomena cabuyani kwaamba ayi mwebo mwikaaleemo?

2 Baami 19:15

akupaila ayi, “NoBaami baLesa, baLesa ba bene Isilaeli, ee, nomucite cuuna ca bwaami pakati ka bakelebu, mwebo nweenka ndimwe baLesa abo balela malelo oonse a pacishi ca panshi. Mwakalenga liculu acishi ca panshi.

2 Baami 19:19

Ono noBaami baLesa, baLesa besu, amutufuune kuswa kubene Asilya, kwaamba ayi mishobo yoonse ya mucishi ca panshi ikeshibe ayi mwebo noBaami baLesa ndimwebo baLesa.”

Neyemiya 9:5

Bene Lefi nkokwaamba ayi Jeshuwa, Kadimyelo, Bani, Ashabineiya, Shelebiya, Odiya, Shebaniya alimwi aPetayiya bakaambila bantu ayi, “Amunyamuke mulumbaishe Mwaami Lesa, Lesa wanu. Amumulumbaishe kwalyoonse alyoonse. Bantu boonse abalumbaishe liina lyakwe lyabulemu, nakubi kwaamba ayi muntu taakoonshi kulilumbaisha cakulishishaawo.”

Kulumbaisha 102:25

Kumatalikilo mwakakaba lwiimbi lwa cishi ca panshi, alyalo liculu ngumulimo wa maansaanu.

Kulumbaisha 103:21

Amulumbaishe Mwaami Lesa nomakoto akwe a kwiculu. Ee, amumulumbaishe nobasebenshi bakwe bacita kuyanda kwakwe.

Kulumbaisha 115:15

Aamupe coolwe Mwaami Lesa uyo wakalenga liculu acishi ca panshi.

Kulumbaisha 124:8

Lucafwo lwesu lulaswa kuMwaami Lesa uyo wakalenga liculu acishi ca panshi.

Kulumbaisha 146:6

Ee, muntu uyo ushoma muli wooyo wakalenga liculu acishi ca panshi. Lesa uyo wakalenga lweenge ashoonse shili mushintu isho. Mwaami Lesa uyo ulashomeka kwalyoonse alyoonse.

Kulumbaisha 24:10

Anu Mwaami shibulemu ngani? NguMwaami Lesa Shinkusu shoonse. Lakwe ngoMwaami shibulemu.

Kulumbaisha 33:6

Maculu akalengwa kwiinda muliswi lya Mwaami Lesa. Shoonse shili kuli ndilyo shakalengwa kwiindabo mukwaamba kwakwe.

Kulumbaisha 36:6

Kululama kwanu kulabonekesha anga ntulundu tulaamfu. Bululami bwanu buli anga ndweenge lulaamfu abuumbi. NoBaami baLesa, bantu abanyama ndimwe mubalama.

Kulumbaisha 86:10

Mukwiinga mulicite nkusu alimwi mulacita shikankamika. Ncakwiila mwebo nweenka ndimwe baLesa.

Isaya 37:16

“NoBaami baLesa beShinkusu shoonse, baLesa ba bene Isilaeli, ee, nomucite cuuna ca bwaami pakati ka bakelebu, mwebo nweenka ndimwe baLesa abo balela malelo oonse a pacishi ca panshi. Mwakalenga liculu acishi ca panshi.

Isaya 37:20

Ono noBaami baLesa, baLesa besu, amutufuune kuswa kubene Asilya, kwaamba ayi mishobo yoonse ya mucishi ca panshi ikeshibe ayi mwebo noBaami baLesa ndimwebo baLesa.”

Isaya 43:10

Mwaami Lesa waamba ayi, “Mwebo nobene Isilaeli ndimwe bakamboni bangu. Ndimwe basebenshi bangu abo mbondakasala kwaamba ayi munshiibe, munshoome alimwi akushinisha ayi ndimebo Lesa. Taaku aumwi Lesa wakabaawo kulekabo ndime alimwi taaku lesa umwi weshi akabeeko kunembo.

Isaya 44:6

Ono Mwaami Lesa, Mwaami wa bene Isilaeli, ee, Mupulushi wabo, ngweeke ngoMwaami Lesa Shinkusu shoonse, waamba ayi, “Ndime mutaanshi alimwi awakweelaako. Taaku Lesa aumwi kulekabo ndime.

Isaya 44:8

Mutatutumi alimwi mutaloondi. Sa cikani ici nshikwe kucaambilishila limwi kale kaleelyo? Mwebo muli bakamboni bangu. Sa kuliiwo Lesa umwi kulekabo ndime? Ndushinisho taaku Lesa nabi womwi uli mbuli Mwaandami umwi ngoonshi nebo.”

Isaya 45:12

Ndime ndakalenga cishi ca panshi akulenga bantu bekalaamo. Ngamaansaangu nemwiine akafungulula liculu alimwi ndime nyendelesha makoto makoto anyenyeenshi ashimwi shiliimo.

Jelemiya 32:17

“NoBaami baLesa, mwakalenga cishi ca panshi aliculu munkusu shanu shinene. Ncakwiila taaku cintu ciyumu kuli ndimwe.

Esekelo 20:11

Ndakabapa milasho yangu akubeeisha milawo yangu iyo ipa buumi kumuntu uyo wiinyumfwila.

Jona 1:9

Jona wakakumbula ayi, “Ndi muEbulu. Ndalambila Mwaami Lesa, uli ngoLesa wa kwiculu uyo wakalenga inshi alweenge.”

Joni 10:30

Nebo abaTa tulibo womwi.”

Milimo ya Batumwi 4:24

Ono bashomi ndibakanyumfwa makani aya, boonse bakapailila pantu pomwi amoyo womwi ayi, “Nkambo Lesa, mwebo nomwakalenga kwiculu, cishi amilonga alimwi ashintu shoonse shiliimo.

Dutolonomi 10:14

Liculu lili peculu pawoonse alyalo ndya Mwaami Lesa, cishi ca panshi acalo ncaakwe pantu pomwi ashintu shoonse shiliimo.

Dutolonomi 32:39

“ ‘Nebo neenka, ndime Lesa. Taaku Lesa aumwi kwiinda ndime. Ndacaya akupa buumi, ndacisa akushilika. Taaku weenga wakasha nceensuni kucita.

Dutolonomi 6:4

“Amunyumfwe mwebo nobene Isilaeli! Mwaami Lesa, Lesa wesu ngoMwaami eenkabo!

Bene Ebulu 1:3

Muli nguwe mulaboneka kumweka kwa bulemu bwakwe Lesa alimwi ncecikoshanyo ciine ca bube bucite Lesa. Ngoolengesha shintu shoonse mucishi ca panshi kuba bweenka mboshibete kwiinda mumaswi akwe a nkusu. Ndyaakamana kulengesha Lesa kulekelela shibiibi sha bantu, wakaya kwiculu mukwikala kululyo lwakwe Lesa Shinkusu shiindaawo.

Bene Ebulu 1:6

Sombi Lesa ndyaakalinga kutuma Mwanaakwe wakwiiya mucishi ca panshi, wakaamba ayi, “Baanjelo bakwe Lesa boonse balyeelete kunoomulambila.”

Ciyubululo 14:7

Wakoolobesha ayi, “Amulemeke akulumbaisha Lesa mukwiinga ciindi nceelete koombolosha bantu boonse cashikila! Amumulambile uyo wakalenga liculu, cishi ca panshi, lweenge alimwi atuntupu twa maanshi!”

Ciyubululo 4:11

“NoBaami baLesa, baLesa besu, mulyeelete kupekwa bulemu, mucinshi, alimwi ankusu mukwiinga ndimwe mwakalenga shintu shoonse. Ncakwiila kwiinda mukuyanda kwanu shoonse shakaba bweenka mboshibete alimwi shakaba abuumi.”