Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Neyemiya 9:5 - Baibo Busansulushi Bwa Libuku Ili

5 Bene Lefi nkokwaamba ayi Jeshuwa, Kadimyelo, Bani, Ashabineiya, Shelebiya, Odiya, Shebaniya alimwi aPetayiya bakaambila bantu ayi, “Amunyamuke mulumbaishe Mwaami Lesa, Lesa wanu. Amumulumbaishe kwalyoonse alyoonse. Bantu boonse abalumbaishe liina lyakwe lyabulemu, nakubi kwaamba ayi muntu taakoonshi kulilumbaisha cakulishishaawo.”

အခန်းကိုကြည့်ပါ။ ကော်ပီ




Neyemiya 9:5
36 ပူးပေါင်းရင်းမြစ်များ  

Bantu ndibakalinga kwiimfwi, mwaami Solomoni wakasanduluka walanga nkobakalinga kubete. Mpeeke wakabasengela shoolwe kuswa kuli Lesa.


Wakaamba ayi, “Aalumbaishikwe Mwaami Lesa, Lesa wa bene Isilaeli! Wacita kweelana ambwaakashomesha bata baDefedi ndyaakaamba ayi,


Mpeeke bantu boonse kababweneeko, Solomoni wakaya weemikana kunembo lya cipaililo akunyamuna maansa


“Ono sa cilaamba ayi mwebo nobaLesa ndushinisho inga mwekala mucishi ca panshi? Sobwe, nabibo liculu lyaceyabo kulaale kwaamba ayi mwebo mukonshe kwikalaamo. Ino ono ŋanda njendamuyakila yakomena cabuyani kwaamba ayi mwebo mwikaaleemo?


Aalumbaishikwe Mwaami Lesa, Lesa wa bene Isilaeli. Amumulumbaishe lyoonse alyoonse. Lyalo bantu boonse bakaamba ayi, “Ameni,” akulemeka Mwaami Lesa.


Nkusu, bulemu, bwaami abubotu, nshanu noBaami baLesa mukwiinga shintu shoonse shili kwiculu apacishi ca panshi nshanu. Ncakwiila bwaami mbwanu alimwi ndimwe mweendelesha shintu shoonse.


Ono nobaLesa besu, twamulumba abuumbi akulumbaisha liina lyanu lyabulemu.


Kuswawaawo Defedi wakaambila bantu boonse ayi, “Amulumbaishe Mwaami Lesa, Lesa wanu!” Mpomunyaawo bantu boonse bakalumbaisha Mwaami Lesa, Lesa wa bamashali babo bakulukulu akufukama cakushisha shiwa panshi kunembo lya Mwaami Lesa alimwi amwaami wabo Defedi.


Paciindi ico basankwa boonse bene Juda, bamakaabo abana babo bakalinga kwiimfwi kuŊanda yakwe Lesa.


Mpeeke bene Lefi bamucipani cakwe Koati alimwi acakwe Kola bakeemikana akulumbaisha Mwaami Lesa, Lesa wa bene Isilaeli cakoolobesha.


Lyalo bakeemba kabalumbaisha Mwaami Lesa ayi, “Mwaami Lesa ngumubotu, lusuno lwakwe pabene Isilaeli ndwamuyayaya.” Bantu boonse bakalumbaisha Mwaami Lesa cakoolobesha, mukwiinga mulimo wakuyaka alimwi Ŋanda yakwe Lesa wakatalika.


Bene Lefi bakatanta pacintu cakwiimikanaawo akupaila cakoolobesha kuMwaami Lesa, Lesa wabo. Meena a bene Lefi abo ngaaya: Jeshuwa, Bani, Kadimyelo, Shebaniya, Buni, Shelebiya, Bani alimwi aKenani.


Lyalo bene Isilaeli bakapaila ayi, “Mwebo noBaami baLesa, mwebo nweenka ndimwe Baami baLesa. Ndimwe mwakalenga liculu alimwi anyenyeenshi sha mwiculu. Ndimwe mwakalenga cishi ca panshi, lweenge ashoonse shiliimo. Ndimwe mupa buumi kushintu shoonse. Abaanjelo boonse balamulambila.


“Ndakaswa maansabo kuswa mumala muli bama alimwi ndaakuya maansabo ndaakufwa. Mwaami Lesa ngowakampa shoonse ono bulya wanyaya shoonse. Liina lya Mwaami Lesa alilumbaishikwe!”


Ngani weenga waambilisha milimo ya nkusu ya Mwaami Lesa? Ngani weenga wamulumbaisha mbwaaelete?


Amulumbaishe Mwaami Lesa, mwebo noonse nobasebenshi bakwe. Amumulumbaishe mwebo nomusebensa muŊanda yakwe mashiku.


Ndanoolumbaisha ndimwe bushiku abushiku. Ndanoolumbaisha liina lyanu lyoonse alyoonse.


Balaakunokwaamba pabulemu bwanu apabwaami bwanu, nebo ndaakunooyeeyabo shamilimo yanu ikankamika.


Ndaakulumbaisha Mwaami Lesa kwabuumi bwangu boonse. Ndaakwiimba nyimbo shakulumbaisha kuli Lesa wangu ndyeencili muumi.


Nebo ndakaambila Mwaami Lesa ayi, “Ndimwe Baami baLesa, baLesa bangu. Shibotu shoonse nsheencite shilaswa kuli ndimwe.”


Amwiimbe nyimbo shisumpula liina lyakwe lya bulemu. Amumupe bulemu akumulumbaisha.


Bantu boonse balaakulumbaisha liina lyakwe lyankusu alimwi liyoosha. Lakwe ulisalalite!


“NoBaami baLesa, ngani uli anga ndimwe pabalesa boonse? Ino ngani uli anga ndimwe nomusalalite abuumbi? Ino ngani uli anga ndimwe nomucite bulemu bukankamika? Ino ngani uli anga ndimwe nomucita shitondesho sha nkusu shakwiculu?


“NoBaami baLesa, lyaansa lyanu lyalulyo lilicite nkusu shiloondesha. NoBaami baLesa, lyaansa lyanu lyalulyo lilasansoola balwani.


mukwaamba ayi, “Aalumbaishikwe Lesa kwalyoonse alyoonse, Ncakwiila ulicite busongo ankusu shiinji.


Paciindi ceenka ico Jesu wakapaila ayi, “Ndamulumba Ta, noBaami ba kwiculu acishi ca panshi mukwiinga mwayubulwita bantu bateeite shintu nshemwakashisa kubantu basongo abeeite.


Ceebo Lesa wakaamba ayi, “Akube mumuni umunika kuswa mumunshinshe.” Lesa eenkabo uyo ngoolengesha mumuni kumunika mumyoyo yesu, kwaamba ayi twishibe bulemu bwakwe bumunika pameenso akwe Klistu.


“Na mubule kukonkela kabotu maswi a Milawo alembetwe mulibuku ili akutalemeka liina licite bulemu alimwi liyoosha lya Mwaami Lesa, Lesa wanu,


Atulumbe Lesa Ishi Mwaami wesu Jesu Klistu! Ceebo ca nkumbu shakwe shiindaawo, wakatupa buumi bupya ayi tube akulangila kwiine kwiine kwiinda mukubusha Jesu Klistu kuswa kubafu.


Munjelo uyo wakakumbula ayi, “Ino liina ndyanshi ndimusuni kwishiba? Liina lyangu lilakankamika.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ