Neyemiya 9:2 - Baibo Busansulushi Bwa Libuku Ili

² Bamulunyungu lwa bene Isilaeli bakalipatula kuswa kubaswamashi. Mpeeke bakeemikana akulyaambilila shibiibi shabo abubi bwa bamashali babo bakulukulu.

Neyemiya 9:2 ပူးပေါင်းရင်းမြစ်များ

1 Baami 8:47

amukutike mipailo ya bantu banu. Na kucishi uko kweenka nkweenga kababete basanduka kuswa kushibiibi shabo akupaila kuli ndimwe, kabalyaambilila shibiibi shabo shoonse, noBaami baLesa amukutike mipailo yabo.

Esila 10:11

Anu amulyaambilile shibiibi kuMwaami Lesa, Lesa wa bamashali banu bakulukulu akucita shimusangalasha. Amulitalamushe kubantu mbomwikalaabo akubamakaanu baswamashi.”

Esila 6:21

Bene Isilaeli abo bakaswa mucishi ca busha mbobakabalya pantu pomwi abaabo boonse bakacileka kukonkela shintu shibiibi shalinga kucita bantu abo bakalinga kwikala mucishi cilya, akutalika kulambila Mwaami Lesa, Lesa wa bene Isilaeli.

Esila 9:1

Ono shintu ishi ndishakamana kucitwa, bamatanjilili bakesa kuli ndime akwaamba ayi, “Bene Isilaeli, kubikaawo abapailishi alimwi abene Lefi tabakwe kulipatula kubantu mbobekalaabo. Balakonkela micito yabo ibiibi, mbuli ya bene Kenani, bene Iti, bene Pelisi, bene Jebusi, bene Amoni, bene Moabu, bene Ijipiti alimwi abene Amoli.

Esila 9:15

NoBaami baLesa, baLesa ba bene Isilaeli ndimwe mululeme! Nakubi boobo mwatusuminisha kunoocili boomi. Ono twalyaambilila shibiibi shesu panembo lyanu, nakubi kwaamba ayi tatweelete kwiimikana pameenso anu ceebo ca nshisho.’ ”

Esila 9:2

Bakeeba baana banakashi ba baswamashi abo alimwi akweebesha kubana babo basankwa. Munshila iyo bakasenkanya mushobo usalalite kubantu mbobekalaabo. Bamatanjilili abacinenenene balo mbobali akunembo mukucita shibiibi isho.

Neyemiya 1:6

Amumboone noBaami baLesa akuteya matwi anu kwaamba ayi munyumfwe mupailo wangu nemusebenshi wanu uyo ngoontoopaila kunembo lyanu malumwi amashiku pabasebenshi banu bene Isilaeli. Ndalyaambilila shibiibi shesu sobene Isilaeli, nebo abamuŋanda ya bata, nshetwakamubishisha.

Neyemiya 10:28

Swebo sotwacaalaawo, nkokwaamba ayi bapailishi, bene Lefi, beshikulindilila paminjililo, beshikwiimba, basebenshi ba kuŊanda yakwe Lesa aboonse abo bakalipatula kuswa kubaswamashi mukukonkela Milawo yakwe Lesa pantu pomwi abamakaabo, bana babo basankwa abanakashi abo bakalinga kukonsha kunyumfwa,

Neyemiya 10:29

twasuminishanya abamakwabesu bamatanjilili besu. Twashomesha cakulumbila kukonkela Milawo yakwe Lesa iyi njaakatupa kwiinda muli Mose musebenshi wakwe akunyumfwila. Tulaakukonkela milawo amilasho yoonse ya Mwaami Lesa, Lesa wesu. Na tukabule kucita boobo, mashingo aakese pamitwi yesu.

Neyemiya 13:3

Bene Isilaeli ndibakanyumfwa mulawo uyo, bakakusha baswamashi boonse pakati kabo.

Neyemiya 13:30

Mpomunyaawo ndakasalasha bantu boonse mukukusha shintu shoonse sha baswamashi akupa mupailishi amwine Lefi womwi awomwi mulimo wakwe.

Kulumbaisha 144:11

Amumfuune kuswa munkusu sha baswamashi ayi mpuluke, bantu abo baamba shakubeca akushomesha cakutashinisha.

Kulumbaisha 144:7

Amutambike lyaansa lyanu kuswa kwiculu akuncata. Amunsubule mulweenge lwa mapensho angu ayi mpuluke. Amumfuune kuswa munkusu sha baswamashi,

Tushimpi 28:13

Uyo ushisa shibiibi shakwe tabiiwo acoolwe, sombi uyo ulyaambilila shibiibi shakwe akushileka, ulaakulekelelwa.

Isaya 2:6

NobaLesa mwafutatila bantu banu bamulunyungu lwakwe Jakobo! Amubone cishi cabo cesulabo kwishibila kwa bakwicwe abuŋanga anga mbene Filisiti. Bantu banu balanyumfwana abaswamashi.

Jelemiya 14:20

Nobaami baLesa, twalyaambilila shibiibi shesu ashibiibi sha bamashali besu bakulukulu. Ncakwiila twakamubishisha.

Jelemiya 3:13

Citooyandikabo nkusumina mulandu wako. Webo wakaashukila ndime neMwaami Lesa, Lesa wako. Wakalinga kubikila maano balesa beensu munshaashisamu shoonse shicite shimfule shibotu. Mukucita boobo tewakalinga kunyumfwila. Nebo neMwaami Lesa ndaamba.’ ”

Danyelo 9:20

Ndakatolelela kupaila, kaandyaambilila shibiibi shangu ashibiibi sha bene misheesu bene Isilaeli akukombelela Mwaami Lesa, Lesa wangu kwaamba ayi alengeshe Ŋanda yakwe kutalika kusebenseshekwa alimwi.

Osiya 5:7

Bantu abo tabashomeki kuli ndime neMwaami Lesa abalo bana babo teshi baangu. Aboobo balo balaakunyonyoolwa pantu pomwi amyuunda yabo pakusekelela kwa Mweenshi Upya.