Neyemiya 9:12 - Baibo Busansulushi Bwa Libuku Ili

¹² Malumwi mwakalinga kubatanjilila alikumbi, mashiku mwakalinga kubamunikila munshila amulilo.

Neyemiya 9:12 ပူးပေါင်းရင်းမြစ်များ

Neyemiya 9:19

Sombi tamukwe kubafutatila muluyanga umo ceebo nkumbu shanu shilakankamika abuumbi. Likumbi talikwe kucileka kubatanjilila munshila yabo malumwi nabi mulilo mashiku kucileka kumunikila nshila njebeelete kutola.

Kulumbaisha 105:39

Mwaami Lesa wakabika likumbi kwaamba ayi lifwekelele bantu bakwe. Wakabika mulilo kwaamba ayi unoobamunikila mashiku.

Kulumbaisha 107:7

Ee, wakabatanjilila mumukwakwa ululeme, kuya kundabala iyo njeenga bekalaamo.

Kulumbaisha 143:8

Amuntondeshe lusuno lwanu lutamaani kulila bwaca ceebo ndicinkite manungo muli ndimwe. Muntondeshe nshila njeenjelele kutola mukwiinga ndapaila kuli ndimwe.

Kulumbaisha 78:14

Malumwi wakalinga kubatanjilila alikumbi, mashiku wakabatanjilila amumuni wa mulilo.

Kulonga 15:13

Nomushomeka pacipangano canu, mwakatanjilila bantu mbomwakafuna. Kwiinda munkusu shanu mwakabatanjilila kuya kucishi canu cisalalite.

Esekelo 20:6

Pabushiku ubo ndakashomesha cakulumbila kuli mbabo ayi ndaakubakusha mucishi ca Ijipiti akubatola kucishi ico ncendakabasalila, cishi umo muli bubile abulongo bubotu ico ciinda cishi cimwi cili coonse kubota.

Shakubelenga 9:16

Lyakatolelela kunooboneka mbomunya ubo. Likumbi lyakafwekelesha Tente alimwi mashiku lyakalinga kuboneka anga ngumulilo.

Shakubelenga 9:21

Mushiindi shimwi likumbi lyakalinga kubawobo kuswa macolesha kushikila amacuunsa, mpeeke bakalinga kulonga macuunsa paciindi ceenka ico likumbi ndyeenga lyaswaawo. Ono malumwi nabi mashiku na likumbi lyaswaawobo, abalo nkulonga.

Dutolonomi 1:33

Wakamutanjilila mulweendo lwanu mulicincilo lya mulilo mashiku alimwi mulicincilo malumwi. Wakalinga kumuyandweeta misena yakuyakawo misumba akumutondesha nshila njemweelete kwiinda.