Neyemiya 8:9 - Baibo Busansulushi Bwa Libuku Ili

⁹ Kuswawaawo Neyemiya mweendeleshi, Esila mupailishi alimwi mufundishi wa Milawo abene Lefi abo bakalinga kusansulwita bantu, boonse bakaambila bantu abo ayi, “Bushiku bwasunu mbushiku busalalite bwa Mwaami Lesa, Lesa wanu. Aboobo tamweelete kulila bumpute nabi kulila cakoolobesha.” Bakabaambila boobo ceebo bakalinga kulila ndibakanyumfwa shakalinga kubelengwa muMilawo.

Neyemiya 8:9 ပူးပေါင်းရင်းမြစ်များ

2 Baami 22:11

Mpomunyaawo mwaami ndyaakanyumfwa maswi a muLibuku lya Milawo ilyo, wakakwamoona shakufwala shakwe mubuumba.

2 Baami 22:19

Wasanduka kuswa kushibiibi shako akulibombya pameenso angu kwiinda mukukwamoona shakufwala shako akulila ndiwakanyumfwa mbondakalinga kupinga kupa mulandu kundabala ya Jelusalemu abantu bekalaamo. Ndaakucita boobo ilaakunooyoosha kwiilanga. Ncakwiila ilaakuba musena uyo bantu ngweshi bakanoosebensesha pakushingana. Sombi ndanyuumfwa kusenga kwako.

2 Makani 15:3

Kwaciindi cilaamfu bene Isilaeli balinga kwikala kabateshi Lesa wancinencine alimwi kabatacitewo bapailishi beenga babeeisha nabi milawo.

2 Makani 30:22

Esekiya wakaamba maswi akuyumyayumya bene Lefi boonse abo bakaboneka ayi balicite lushibo lwiindaawo lwa mulimo wabo kuMwaami Lesa. Kwanshiku shosanwe ashobilo bakalinga kulya shipansha shabo akubenga milambu ya bwanabwankashi alimwi akulumbaisha Mwaami Lesa, Lesa wa bamashali babo bakulukulu.

2 Makani 34:19

Mpomunyaawo mwaami ndyaakanyumfwa maswi a muLibuku lya Milawo ilyo, wakakwamoona shakufwala shakwe mubuumba.

2 Makani 34:21

“Kamuya mukeepushileko ndime abene Juda boonse kuMwaami Lesa pasheesho shilembetwe mulibuku lya Milawo ili lyacanikwa. Mwaami Lesa ulikalalite abuumbi pali ndiswe mukwiinga bamashali besu bakulukulu tabakwe kukonkela maswi a Mwaami Lesa mukutacita kweelana asheesho shoonse shilembetwe mulibuku ili.”

2 Makani 35:3

Wakalwiita bene Lefi abo bakalinga kwiisha bene Isilaeli boonse abo bakasalashikwa ayi basebensele Mwaami Lesa ayi, “Mubike Libokoshi lya Cipangano muŊanda yakwe Lesa iyo mwaami Solomoni mwanaakwe Defedi njaakayaka. Tamweelete kwiilonshalonsha pashifushi shanu, sombi munanoosebensela Mwaami Lesa, Lesa wanu abantu bakwe bene Isilaeli.

Esila 2:63

Mweendeleshi wakabambila ayi tabeelete kulya shakulya shisalalite kushikila kukabe mupailishi ukonsha kusebensesha Ulimu aTumimu.

Esila 7:11

Iyi njenkalata yakalemba mwaami Atasakisesi akupa Esila mupailishi alimwi mufundishi, uyo ushi milawo amilasho ya Mwaami Lesa njaakapa bene Isilaeli.

Neyemiya 10:1

Anu meena a bantu bakabikawo kalamatila wa twishibilo twabo ngaaya: Neyemiya mwanaakwe Akaliya mweendeleshi, Sedekiya,

Neyemiya 12:26

Bantu aba bakalinga kusebensa munshiku shakwe Joiyakimu mwanaakwe Jeshuwa mwishikulu wakwe Josadaki, amunshiku shakwe Neyemiya mweendeleshi alimwi ashakwe Esila mupailishi alimwi mufundishi wa Milawo.

Neyemiya 7:65

Mweendeleshi wakabaambila ayi tabeelete kulya shakulya shisalalite kushikila kukabe mupailishi ukonsha kusebensesha Ulimu aTumimu.

Neyemiya 7:70

Bamatanjilili bamwi ba bamumaandaabo bakapa maali kucafwa kumulimo wakuyakulula Ŋanda yakwe Lesa. Mweendeleshi wakapa makilogilamu a golodi ali 8, mbale shifongomene shili 50 amingaanjo ya bapailishi ili 530.

Neyemiya 8:2

Lyalo Esila mupailishi wakaleta Libuku lya Milawo pameenso a bantu. Libungano ili lyakalinga lya basankwa, banakashi abanike boonse abo bakonsha kunyumfwa.

Shikushimikila 3:4

Kuli ciindi cakulila aciindi cakuseka. Kuli ciindi cakuungumana aciindi cakushana.

Isaya 61:3

Wakantuma kucafwa baabo balila muSiyoni, kubafwalika ngala yakukondwa kuteshi milota ya buumba. Kubapa mafuta atondesha kusangalala kuteshi mapensho aleta minsonshi. Kubalengesha kwiimba nyimbo shakulumbaisha kuteshi buumba. Balaakunokwiitwa ayi mibanga yabululami iyo Mwaami Lesa njaakashanga kwaamba ayi atondeshe bulemu bwakwe.

Osiya 4:6

Bantu bangu bamana kunyonyoolwa ceebo cakubula kwishiba ndime. Mwebo nobapailishi mwakaaka kwinshiba, aboobo ndamukaka kuba bapailishi bangu Ono ceebo cakwaamba ayi mwaluba milawo yangu anebo ndaakukaka bana banu basankwa kuba bapailishi.

Bene Lefi 23:24

“Lwiita bene Isilaeli ayi pabushiku butaanshi mumweenshi wasanu ayobilo, balyeelete kookesha kumilimo yoonse akubungana ayi banambile na mapeenga alila.

Malaki 2:13

Cintu cimwi ncemucita nkutontosha cipaililo ca Mwaami Lesa aminsonshi. Mulalila buumpute amibila mukwiinga ono Lesa ulasuula milambu yanu alimwi taitambuli cakukondwa.

Bene Loma 3:20

Ceebo taaku muntu ululamikwa pameenso akwe Lesa kwiinda mukucita bwaamba Milawo. Sombi Milawo ilalengeshabo bantu kwishiba ayi babisha.

Bene Loma 7:9

Kaantana kwishiba bwaamba Milawo ndakalinga muumi, sombi ndindakeshiba shaMilawo kuyandishisha kubisha kwakakomena, kweelana ambocibete ndakafwa.

Dutolonomi 12:12

Mukanoosangalala pameenso a Mwaami Lesa, pantu pomwi abana banu, basebenshi banu alimwi abene Lefi bekala mumandabalaanu. Sombi mulyeelete kwishiba ayi bene Lefi teshi bakabe acishi cinebo beene, sobwe.

Dutolonomi 12:7

Lyalo mwebo abamumaandaanu, mulaakunoolya akusangalala mushintu shibotu isho nsheshi mukanoosebensela pameenso a Mwaami Lesa, Lesa wanu mukwiinga wamupa coolwe.

Dutolonomi 16:11

Mwebo pantu pomwi abana banu, basebenshi banu, bene Lefi, baswamashi, bana banshiwa alimwi abamukalubinje banakashi abo bekala mumandabalaanu, mulyeelete kusangalala kunembo lya Mwaami Lesa, Lesa wanu kumusena womwi uyo wakulambililaako.

Dutolonomi 26:14

Taaku cipansha ca likumi nabi comwi ncendakalya ndindakalinga kucite cililo, taaku nabi comwi ncendakakusha muŋanda ndindakalinga kutasalalite kweelana aMilawo, alimwi taaku nabi comwi ncendakapa ayi ncipo kubafu. Anu ndakamunyumfwila noBaami baLesa, baLesa bangu akucita shoonse nshemwakandwiita.

Jemusi 4:9

Amuungumane, mulile buumpute amibila, kuseka kwanu mukwaalule kulila akwalo kusangalala kwanu mukwaalule buumba!