Neyemiya 8:3 - Baibo Busansulushi Bwa Libuku Ili

³ Mpeeke wakababelengela kuswa macuunsacuunsa kushikila lisuba ndilyakashika pakati ka mutwi palubansa ulo luli pafwaafwi aMwinjililo wa Maanshi. Bantu bakalinga kukutika cakubikaako maano.

Neyemiya 8:3 ပူးပေါင်းရင်းမြစ်များ

Neyemiya 10:29

twasuminishanya abamakwabesu bamatanjilili besu. Twashomesha cakulumbila kukonkela Milawo yakwe Lesa iyi njaakatupa kwiinda muli Mose musebenshi wakwe akunyumfwila. Tulaakukonkela milawo amilasho yoonse ya Mwaami Lesa, Lesa wesu. Na tukabule kucita boobo, mashingo aakese pamitwi yesu.

Neyemiya 13:1

Pabushiku ubo Milawo yakwe Mose ndiyakalinga kubelengwa kubantu cakoolobesha, bakashika pamakani akalembwa ayi taaku mwine Amoni nabi mwine Moabu weshi akasuminishikwe kwinjila mulikoto lya bantu bakwe Lesa.

Neyemiya 8:1

Ono mumweenshi wasanu ayobilo bene Isilaeli boonse bakakalikana mumandabalaabo. Bantu boonse bakabungana pabushiku butaanshi bwa mweenshi uyo mulubansa luli pafwaafwi aMwinjililo wa Maanshi. Bakaambila Esila mufundishi wa Milawo ayi alete libuku mulembetwe Milawo yakwe Mose iyo Mwaami Lesa njaakapa bene Isilaeli.

Neyemiya 8:18

Bushiku abushiku bwa kusekelela uko, nkokwaamba ayi kuswa pabushiku butaanshi kushikila kubwakweelaako, Esila wakalinga kubelenga muLibuku lya Milawo yakwe Lesa. Bakasekelela kwanshiku shosanwe ashobilo. Lyalo pabushiku bwasanu ashotatwe bakaba alibungano lyakucala kusekelela uko kweelana aMilawo.

Neyemiya 8:4

Esila mufundishi wa Milawo wakatanta pacintu cakwiimikanaawo pakwaamba ca shisamu ico ncebakapangila mubala uyo. Kulubasu lwakwe lwalulyo kwakeemikana Matitiya, Shema, Anaya, Uliya, Ilikiya alimwi aMaseiya. Kulubasu lwakwe lwa cipiko kwakeemikana Pedaya, Mishaelo, Malukija, Ashumu, Ashibadana, Sekaliya alimwi aMeshulamu.

Neyemiya 8:5

Esila wakacalula Libuku. Bantu boonse bakalinga kumubwene ceebo wakalinga pacintu cakwiimikanaawo. Ndyaakacalulabo libuku, bantu boonse bakeemikana.

Maako 12:37

Na Defedi mwiine wakamwiita ayi ‘Mwaami’, ino Usalitwe wakwe Lesa inga washalwa buyani mulunyungu lwakwe alimwi?” Bantu baanji baanji bakakondwa abuumbi ndibakanyumfwa kwiisha kwakwe.

Luka 19:48

Sombi tabakwe kwiicana mukwiinga bantu boonse bakalinga kusuni abuumbi kunyumfwa nshaakalinga kwaamba.

Luka 8:18

Aboobo amucenjele ambomunyumfwa maswi akwe Lesa. Mukwiinga uyo ucite kale ulaakubikilwaawo, sombi ucite kaniini ulaakunyaikwa nabi kaako koonse nkaacite.”

Milimo ya Batumwi 13:15

Ndyaakamana kubelengwa maswi amwi a muMilawo yakwe Mose, alimwi amumalembo a balaluki bakulukulu bamwi, beendeleshi ba coonde bakatuma maswi akwaamba ayi, “Nobamakwesu, na mulicite maswi akuyumya bantu kuno, twamusenga ayi mwaambe.”

Milimo ya Batumwi 13:27

Bantu ba muJelusalemu alimwi abeendeleshi babo tabakwe kwishiba ayi Jesu ngoMupulushi, nabi kunyumfwishisha maswi a balaluki bakulukulu abelengwa lyoonse pabushiku bwakookesha bwa Cibelu. Sombi pakumoombolosha akupingula ayi acaikwe, bakacita kweelana abwakaamba balaluki bakulukulu.

Milimo ya Batumwi 15:21

Mukwiinga Milawo yakwe Mose yakatalikabo kale kale kubelengwa mushoonde sha baJuda. Aboobo bantu balashimikila maswi ngaakaamba lyoonse pabushiku bwakookesha bwa Cibelu mumandabala oonse.”

Milimo ya Batumwi 16:14

Pakati kabo pakalinga umwi mwanakashi wiitwa ayi Lidiya uswa kundabala ya Tiyatila. Wakalinga shimakwebo wa shisani shifubelafubela shamakwebo alimwi mwanakashi uyu wakalinga kulambila Lesa. Lyalo Lesa wakamucalula kalango ayi anyumfwishe nshakalinga kwaamba Paulo.

Milimo ya Batumwi 17:11

Bene Biliya bakalinga kucite myoyo yakunyumfwishisha kwiinda bene Tesalonika. Bakalinga kukutika maswi amyoyo yabo yoonse alimwi lyoonse bakalinga kwiindulukaamo muMalembo akwe Lesa kwaamba ayi babone na shakalinga kwaamba Paulo nshalushinisho.

Milimo ya Batumwi 20:11

Kuswawaawo, Paulo wakaboolela alimwi mucipinda ca peculu. Wakakomona shinkwa akulya abashomi boonse abo bakalingaawo. Wakabandikaabo ciindi cilaamfu. Wakaswaako lisuba kalili pafwaafwi kuswa.

Milimo ya Batumwi 20:7

Ono pabushiku butaanshi bwa nsondo, nditwakabungana akulya mulalilo wa Mwaami, Paulo wakatalika kubashimikila Makani Abotu. Wakatolelela kushimikila kushikila pakati ka mashiku mukwiinga wakalinga kusuni kuswaako macuunsa.

Milimo ya Batumwi 28:23

Mpomunyaawo bakabamba bushiku bumwi bwakwaamba ayi bakabandike aPaulo. Mpeeke kwakesa baJuda baanji pabushiku ubo kumusena uko kwakalinga kwikala Paulo. Kuswa macuunsa kushikila amashiku, Paulo wakalinga kubasansulwita makani aamba paBweene bwakwe Lesa. Wakeelesha kubasansulwita shapali Jesu kwaamba ayi bashome kwiinda mukubaambila shilembetwe muMilawo yakwe Mose alimwi amabuku akalemba balaluki bakulukulu.

Dutolonomi 31:9

Mpeeke Mose wakalemba Milawo yakwe Lesa akupa bene Lefi bapailishi abo bakalinga kulanga paLibokoshi lya Cipangano ca Mwaami Lesa, alimwi akupa bamatanjilili boonse ba bene Isilaeli.

1 Bene Tesalonika 2:13

Ono tulalumba Lesa cakutaboola pesule ceebo ndimwakatambula maswi akwe Lesa ayo ngomwakanyumfwa kuli ndiswe, tamukwe kwaatambula anga aswa kumuntu, sombi bweenka mbwaabete, ncakwiila ayi ngakwe Lesa. Ndushinisho, Maswi akwe Lesa aliciteeko kusandula buumi bwanu mwebo nobashomi.

Joshuwa 8:35

Milawo yoonse iyo Mose njaakalemba, Joshuwa wakeebelengela bantu abo bakalinga kubungene, kubikaawo abanakashi, banike alimwi abaswamashi abo mbobakalinga kwikalaabo.

Ciyubululo 2:29

“Uyo ucite matwi, aanyumfwe sheesho Mushimu Usalashi nshootokwaambila shoonde.

Ciyubululo 3:22

“Uyo ucite matwi, aanyumfwe sheesho Mushimu Usalashi nshootokwaambila shoonde!”