Neyemiya 8:18 - Baibo Busansulushi Bwa Libuku Ili

¹⁸ Bushiku abushiku bwa kusekelela uko, nkokwaamba ayi kuswa pabushiku butaanshi kushikila kubwakweelaako, Esila wakalinga kubelenga muLibuku lya Milawo yakwe Lesa. Bakasekelela kwanshiku shosanwe ashobilo. Lyalo pabushiku bwasanu ashotatwe bakaba alibungano lyakucala kusekelela uko kweelana aMilawo.

Neyemiya 8:18 ပူးပေါင်းရင်းမြစ်များ

Neyemiya 8:2

Lyalo Esila mupailishi wakaleta Libuku lya Milawo pameenso a bantu. Libungano ili lyakalinga lya basankwa, banakashi abanike boonse abo bakonsha kunyumfwa.

Neyemiya 8:3

Mpeeke wakababelengela kuswa macuunsacuunsa kushikila lisuba ndilyakashika pakati ka mutwi palubansa ulo luli pafwaafwi aMwinjililo wa Maanshi. Bantu bakalinga kukutika cakubikaako maano.

Bene Lefi 23:36

Panshiku shosanwe ashobilo shoonse ishi, lyoonse pabushiku mulaakunoopa cipo ca cakulya. Ono pabushiku bwasanu ashotatwe, mukabungane pantu pomwi alimwi, ayi munambile akumpa cipo ca cakulya. Ubu mbushiku bwakulambila, aboobo tamweelete kusebensa milimo yanu.

Bene Lefi 23:41

Mwaaka amwaaka mulyeelete kutola nshiku shosanwe ashobilo kamusekelelabo. Boonse bamulunyungu lwanu balyeelete kunookonkela mulawo uyu lyoonsebo mumashalane anu oonse acisa.

Shakubelenga 29:35

“Pabushiku bwasanu ashotatwe, bakabungane ayi balambile alimwi tabeelete kucita mulimo umwi uli woonse.

Joni 7:37

Pabushiku bwakweelaako, bushiku bunene kwiinda nshiku shoonse shamukusekelela uko, Jesu wakanyamuka woolobesha ayi, “Na kuli muntu unyumfwite nyotwa ese kuli ndime anwe.