Neyemiya 8:12 - Baibo Busansulushi Bwa Libuku Ili

¹² Mpomunyaawo bantu boonse bakaya mukulya akunwa akwaabilaako bamwi. Bakasekelela kabasangalete abuumbi mukwiinga maswi ayo ngobakabelengelwa bakaanyumfwisha.

Neyemiya 8:12 ပူးပေါင်းရင်းမြစ်များ

1 Makani 29:22

Pabushiku ubo bantu boonse bakasangalala abuumbi ndibakalinga kulya akunwa kunembo lya Mwaami Lesa. Bakabooshaawo kwaambilisha ayi Solomoni mwanaakwe Defedi ngumwaami wabo akumunanika mafuta a bwaami pameenso akwe Lesa. Mpeeke bakananika aSadoki kuba mupailishi.

Neyemiya 8:10

Lyalo Neyemiya wakabaambila ayi, “Kamuya mukalye shakulya shibotu, akunwa shakunwa shamise. Mutumineko shimwi kuli babo batacite shibambitwe kale. Bushiku bwasunu mbushiku busalalite kuMwaami Lesa. Mutoongumani ceebo kusangalala uko kumupa Mwaami Lesa, nkokumupa nkusu.”

Neyemiya 8:11

Bene Lefi bakoomusha bantu boonse ayi, “Amuumune, ceebo bushiku bwasunu mbushiku busalalite. Mutoongumani, sobwe.”

Neyemiya 8:13

Ono pabushiku bwabili mumweenshi uyo bamatanjilili ba bamumaandaabo, bapailishi alimwi abene Lefi bakabungana kuli Esila kwaamba ayi abeeishe maswi ali muMilawo.

Esita 9:22

mukwiinga nshenshiku baJuda nshebakalifuna kubalwani babo. Uyo ngomweenshi wakuungumana abuumba uyo wakasandamunwa kuba mweenshi wakusekelela akusangalala. Wakabalembela ayi nshiiku isho shibe shakusekelela akusangalala, kupaana shipo sha shakulya alimwi akupa bakandu shakulya.

Jobo 23:12

Nshina kusuulawo kale milawo yakwe. Ndakonkela maswi akwe kwiinda shintu shimwi shoonse mubuumi bwangu.

Kulumbaisha 119:111

Milasho yanu mbobuboni bwangu bwamuyayaya. Ncakwiila mooncana kusangalala kwa moyo wangu.

Kulumbaisha 119:127

Nebo milawo yanu ndiisuni kwiinda golodi, ee, ndiisuni kwiinda golodi wiine wiine.

Kulumbaisha 119:130

Kupandulula maswi anu kulapa mumuni, kulapa busongo kuli baabo batabucite.

Kulumbaisha 119:14

Ndasangalala mukwiisha kwanu, kwiinda kuba abubile buli boonse,

Kulumbaisha 119:16

Ndasangalalila mumilasho yanu, ee, teshi nkasuulewo maswi anu.

Kulumbaisha 119:171

Mulomo wangu aumulumbaishe ceebo mwebo mulanjiisha milasho yanu.

Kulumbaisha 119:174

Nobaami baLesa, ntoolangilabo lupulusho lwanu. Ncakwiila milawo yanu ilansangalasha.

Kulumbaisha 119:72

Mulawo ngomwakampa ngubotu kwiinda kupekwa shuulu sha golodi asilifa.

Kulumbaisha 119:97

Milawo yanu ndiisuni abuumbi! Ndayeeyabo pali njiyo lilaya mukwipila.

Jelemiya 15:16

Ndindakanyumfwa maswi anu, ndakaatambula camoyo woonse. Akansangalasha akulengesha moyo wangu kukondwa ceebo ndi muntu wanu, mwebo Nobaami baLesa, baLesa beShinkusu shoonse.

Luka 24:32

Mpeeke bakatalika kwiipushanya ayi, “Sa maswi akwe taalinga kuyasa mumyoyo ndyaalinga kutulwiita Malembo akwe Lesa munshila?”

Bene Loma 7:18

Ndishi kwaamba ayi moyo wangu tookoonshi kunengesha kucita cintu cibotu mubuumi bwa buntu. Nakubi kwaamba ayi ndisuni kucita cintu cibotu, sombi ndaalilwa kucicita.

Ciyubululo 11:10

Bantu ba mucishi ca panshi balaakusangalala ceebo ca lufu lwa bakamboni bobilo aba. Balaakusekelela akupaana shipo mukwiinga balaluki bobilo aba bakaleta mapensho anene abuumbi kubantu.