Neyemiya 8:1 - Baibo Busansulushi Bwa Libuku Ili

¹ Ono mumweenshi wasanu ayobilo bene Isilaeli boonse bakakalikana mumandabalaabo. Bantu boonse bakabungana pabushiku butaanshi bwa mweenshi uyo mulubansa luli pafwaafwi aMwinjililo wa Maanshi. Bakaambila Esila mufundishi wa Milawo ayi alete libuku mulembetwe Milawo yakwe Mose iyo Mwaami Lesa njaakapa bene Isilaeli.

Neyemiya 8:1 ပူးပေါင်းရင်းမြစ်များ

2 Baami 23:2

Lyalo bakaya boonse muŊanda yakwe Lesa, kubikaawo bapailishi, balaluki alimwi abantu boonse babile abakandu. Mpeeke mwaami wakabelenga Libuku lyoonse lya Cipangano cakwe Lesa ilyo ndibakacana muŊanda yakwe Lesa kunembo lya bantu boonse abo.

2 Makani 34:15

Lyalo wakaambila Shafani mulembi ayi, “Libuku lya Milawo ndalicana muno muŊanda yakwe Lesa.” Mpeeke wakalipa Shafani.

2 Makani 34:30

Lyalo bakaya boonse muŊanda yakwe Lesa, kubikaawo bapailishi, bene Lefi alimwi abantu boonse babile abakandu. Mpeeke kunembo lya bantu boonse abo, mwaami wakabelenga libuku lyoonse lya cipangano ilyo ndibakacana muŊanda yakwe Lesa.

Esila 7:1

Ono ndikwaakeenda myaaka iinji, Atasakisesi kaali mwaami wa kuPesha, kwakalinga muntu wakalinga kwiitwa ayi Esila. Esila wakalinga wamulunyungu lwakwe Aloni mupailishi munene mukwiinga wakashalwa kuli Selaya, Selaya wakashalwa kuli Asaliya, Asaliya wakashalwa kuli Ilikiya,

Esila 7:10

Ono Esila wakalinga kwiiya Milawo ya Mwaami Lesa akwiicita mubuumi bwakwe boonse. Kuswawaawo wakalinga kwiisha milawo amilasho iyo kubene Isilaeli.

Esila 7:11

Iyi njenkalata yakalemba mwaami Atasakisesi akupa Esila mupailishi alimwi mufundishi, uyo ushi milawo amilasho ya Mwaami Lesa njaakapa bene Isilaeli.

Esila 7:6

Esila uyo wakaswa kuBabiloni alimwi wakalinga kwishi abuumbi Milawo yakwe Mose iyo Mwaami Lesa, Lesa wa bene Isilaeli njaakapa. Mwaami wa kuBabiloni wakamupa shoonse nshaakalinga kusenga mukwiinga Mwaami Lesa, Lesa wakwe wakalinga pali nguwe.

Neyemiya 12:26

Bantu aba bakalinga kusebensa munshiku shakwe Joiyakimu mwanaakwe Jeshuwa mwishikulu wakwe Josadaki, amunshiku shakwe Neyemiya mweendeleshi alimwi ashakwe Esila mupailishi alimwi mufundishi wa Milawo.

Neyemiya 12:37

Ono kuMwinjililo wa Kantupu bakalulama kuNdabala yakwe Defedi pamatantilo a njiyo, baya mukwiinda kuŋanda ya bwaami yakwe Defedi akuboola kulubumbu paMwinjililo wa Maanshi uli kwicwe lya ndabala.

Neyemiya 3:26

wakayakulula cipansha ca lubumbu cakakonkelaawo. Wakeela pafwaafwi aMwinjililo wa Maanshi kwicwe alimwi aŋanda ilaamfu yakulindilililaawo kuŊanda yakwe Lesa. Apo pakalinga kubambene acipansha ca ndabala inene ciitwa ayi Ofelo uko kwakalinga kwikala basebenshi ba kuŊanda yakwe Lesa.

Neyemiya 8:16

Mpomunyaawo bantu bakaya mukuleta misampi akwisa mukuyaka shimpaka peculu lya maandaabo, mumansa shabo, mulubansa lwa Ŋanda yakwe Lesa, mulubansa lwa kuMwinjililo wa Maanshi alwa kuMwinjililo wa Efuleemu.

Neyemiya 8:3

Mpeeke wakababelengela kuswa macuunsacuunsa kushikila lisuba ndilyakashika pakati ka mutwi palubansa ulo luli pafwaafwi aMwinjililo wa Maanshi. Bantu bakalinga kukutika cakubikaako maano.

Isaya 8:20

Mulyeelete kubakumbula ayi, “Amukutike shintu nshaamwiisha Mwaami Lesa! Mutakutiki beshikusonda. Nshebamulwiita teshi shikamucafweewo.”

Bene Lefi 9:5

Mpeeke shoonse Mose nshaakabaambila bakashileta kunembo lya Tente ya Cipangano, abalo bene Isilaeli boonse bakabungana peenka apo ayi balambile Mwaami Lesa.

Malaki 4:4

“Amwiingashile kwiisha kwa musebenshi wangu Mose, milasho amilawo iyo njendakamupa pakalundu ka Sinayi kwaamba ayi bene Isilaeli banookonkela.

Mateyo 13:52

Lyalo Jesu wakabakumbula ayi, “Paceebo ceeco mufundishi woonse wa Milawo uyo wakeeya maswi a Bweene bwa kwiculu, uli anga ngumwine ŋanda, uyo ukusha shintu shipya ashikulukulu muŋanda yakusungilaamo shintu.”

Mateyo 23:13

“Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Mulacalila bantu mulyango wa muBweene bwa kwiculu. Mwebo nobeene tamusuni kwinjila alimwi mulakasha baabo basuni. [

Mateyo 23:2

“Bafundishi ba Milawo abaFalisi mbobasansulula Milawo yakwe Mose.

Mateyo 23:34

Paceebo ceeco, ntoomulwiita ayi ndaakumutumina balaluki, bantu basongo alimwi abafundishi. Bamwi mulaakubacaya akubapopa pamicilingano, abalo bamwi mulaakubakwiipa mushoonde shanu akubapensha kuswa mundabala andabala.

Dutolonomi 31:11

Mukanoobelengela bene Isilaeli boonse na besa mukulambila Mwaami Lesa, Lesa wanu kumusena womwi wakulambililaako uyo Mwaami Lesa ngweshi akasaale.

Boomboloshi 20:1

Mpomunyaawo bene Isilaeli boonse bakabungana kuswa mushishi shoonse, nkokwaamba ayi kuswa kuDani kuya mukushika kuBiyasheba alimwi akucishi ca Gilyadi. Bakabungana mbuli muntu womwi kunembo lya Mwaami Lesa kuMisipa.

Boomboloshi 20:8

Mpomunyaawo bantu boonse bakanyamukila pomwi akwaamba ayi, “Taaku nabi womwi pakati kesu weshi aboolele kumishaabo.