Neyemiya 6:9 - Baibo Busansulushi Bwa Libuku Ili

⁹ Anu bakalinga kweelesha kutukonga ayi tucileeke mulimo wesu. Sombi ndakapaila ayi, “Ono nobaLesa, amumpe nkusu.”

Neyemiya 6:9 ပူးပေါင်းရင်းမြစ်များ

2 Makani 15:7

Sombi mwebo amuyume mutatyongoli. Mulaakulambulwa pancito iyi njemutoocita.”

2 Makani 32:18

Lyalo bamatanjilili bakwe Senakelibu bakoolobesha shintu isho muciEbulu kwaamba ayi baloondeshe akutyongwesha bene Jelusalemu abo bakalinga kushiite muya lubumbu lwa ndabala inene yeenka iyo. Bakacita boobo kwaamba ayi balwane ndabala iyo akwiikoma.

Esila 1:6

Beshikamukobonyinaabo boonse bakabacafwako akubapa shintu shiinji, nkokwaamba ayi mbale sha silifa, golodi, shakulya, shifubwa, shamakwebo shimwi pantu pomwi ashipo sha kuŊanda yakwe Lesa.

Neyemiya 6:14

Mpomunyaawo ndakapaila ayi, “NobaLesa bangu, amwiibaluke shakacita Tobiya aSanibalati akubapa mulandu. Amwiibaluke amulaluki mwanakashi Nowadiya pantu pomwi abalaluki bamwi abo bakalinga kusuni kunoondesha.”

Kulumbaisha 138:3

Ciindi ndindakamulilila, mwebo mwakankumbula. Mwakanjumya moyo akunkalika caamba.

Kulumbaisha 56:3

Na ndanyumfwa boowa, ndanoocinka manungo muli ndimwe.

Kulumbaisha 68:35

Lesa uyu, ee, Lesa wa bene Isilaeli ulaloondesha abuumbi ndyaaba muŋanda yakwe Isalalite. Ono ulapa nkusu abulemu kubantu bakwe. Aalumbaishikwe Lesa!

Kulumbaisha 71:1

NoBaami baLesa ndayuba muli ndimwe. Mutakandekeleshi ayi nenshekwe nsoni.

Isaya 40:29

Lakwe ngoopa nkusu kubabo bakopoka, alimwi ngoofushisha nkusu abo balefukite.

Isaya 41:10

Anu aboobo mutaloondi mukwiinga ndi amwebo. Mutoongumani ceebo ndime Lesa wanu. Ndaakumupa nkusu akumucafwa alimwi ndaakumufuna alyaansa lyalulyo liluleme.

Jelemiya 38:4

Mpomunyaawo bacinenenene bakaambila mwaami ayi, “Muntu uyu ulyeelete kucaikwa ceebo utootyongosha bashilumamba abantu abo bakacaala mundabala inene ino kumakani ngaatoobalwiita. Muntu uyu taasuni kucafwa bantu, sombi uliimfwibo pakunyonyoola.”

Esekelo 30:24

Lyalo ndaakupa nkusu maansa a mwaami wa bene Babiloni akubika mupeeni wangu mumaansaakwe, sombi lakwe Falawo mwaami wa bene Ijipiti ndaakumutyoloola maansa cakwaamba ayi ulaakunootongelabo kunembo lyakwe anga ngumuntu wacisikwa calufu.

Sekaliya 10:12

Ndaakulengesha bantu bangu kuba ankusu alimwi balaakunoonambila akunyumfwilabo ndime. Nebo neMwaami Lesa ndaamba.”

2 Bene Kolinto 12:9

Sombi wakankumbula ayi, “Luse lwangu lulikwene pali ndiwe, ceebo nkusu shangu shilaboneka bunene na koolefukite.” Ono nanoolilumbaisha cakukondwa ceebo cakulefuka kwangu kwaamba ayi nkusu shakwe Klistu shibe pali ndime.

Bene Efeso 3:16

Ntoosenga kuli Lesa, ayi kuswa mububile bwa bulemu bwakwe, amupe nkusu kwiinda muMushimu wakwe kwaamba ayi muyume mumyoyo yanu.

Bene Efeso 6:10

Cakweelaako ncakwaamba ayi, nobamakwesu amuyume muMwaami Lesa kwiinda munkusu shakwe shiindaawo.

Bene Filipi 4:13

Ndakonsha kucita shintu shoonse mukwiinga Klistu ngoompa nkusu.

Bene Ebulu 12:12

Paceebo ceeco, amuyumye shiso sha maansaanu alefukite, alimwi amumanungo anu mutoobukuma!

1 Pita 5:10

Pakumana kupenshekwa kwaciindi ciniini, Lesa shiluse loonse, uyo wakamwiita ayi kwiinda muli Klistu mukatambule bulemu bwakwe butamaani, ulaakumubotesha cakumaninina mumushimu. Ulaakumuyumya mulushomo, kumupa nkusu alimwi akumubika palwiimbi luyumu.

1 Samwelo 30:6

Defedi wakapenshekwa abuumbi mumoyo mukwiinga bashilumamba bakwe bakalinga kwaamba ayi batoomuuma mabwe. Womwi awomwi pakati kabo wakalinga kukalalite ceebo ca bana bakwe bakatolwa busha. Nakubi boobo Mwaami Lesa, Lesa wakwe wakamuyumyayumya.