Neyemiya 6:6 - Baibo Busansulushi Bwa Libuku Ili

⁶ umo mwakalinga kulembetwe ayi, “Canyumfwika pakati ka mishobo, alakwe Geshemu wakaamba ayi webo abaJudanyoko mutooyeeya kubukila mwaami wa kuPesha. Anu nceceeco ncootooyakulwita lubumbu. Twanyuumfwa alimwi ayi ndiwe utooyanda kuba mwaami wabo

Neyemiya 6:6 ပူးပေါင်းရင်းမြစ်များ

Esila 4:12

Nobaami besu tulisuni kumwishibisha ayi bene Juda abo bakaswa kulubasu loolo kwisa kokuno bakaya kuJelusalemu akutalika kuyaka alimwi ndabala ilya ibiibi itanyumfwili. Bulya batalika kale kuyaka lubumbu alimwi bali pafwaafwi akulumanisha.

Esila 4:15

kwaamba ayi makani ayandoolwe mulibuku lya bamashali banu bakulukulu. Mulibuku ili mulaakucana kwaamba ayi ndabala inene iyi nindabala itanyumfwili alimwi yakalinga kupensha bamaami abameendeleshi. Bantu bamundabala inene iyi mbaashu kweendeleshekwa kuswabo kukalekale. Ncecakalenga ayi inyonyoolwe.

Neyemiya 2:19

Sombi Sanibalati mwine Beti Oloni, Tobiya wacinenenene wa mucishi ca Amoni aGeshemu mwine Alabu, ndibakanyumfwa makani aya, bakatuseka akutuweluluka ayi, “Ono nciinshi ici ncemutoocita? Sa mulisuni kwaashukila mwaami?”

Neyemiya 6:13

Bakamulipila maali kwaamba ayi anoondeshe ayi mbishe mukucita ncaakaamba. Bakacita boobo kwaamba ayi babishe liina lyangu akunensha nsoni.

Neyemiya 6:5

Lyalo Sanibalati wakantumina nkombe yomwi linkanda lyasanu. Wakatuma musebenshi wakwe kaacite ankalata mulyaansa lyakwe italamatikitwe

Neyemiya 6:7

alimwi wakasala balaluki kwaamba ayi bakwaambilishe kubene Jelusalemu ayi ndiwe mwaami wa cishi ca Juda. Cikani ico cilaakunyumfwika kumwaami wa kuPesha, anu use tubandikile pantu pomwi.”

Jelemiya 20:10

Nebo ndanyumfwa maswi aanji kaatepeta ayi, “Kuli mapensho ayoosha kumbasu shoonse! Aaluulwe! Ee, atumuluule!” Beensuma boonse batoolindilila ayi ndubye akwaamba ayi, “Mpashi inga weendwa kumaano, lyalo inga twamucata akumubooshesha cishole.”

Mateyo 5:11

“Mulicite coolwe na bantu kabamutukana, kabamupensha alimwi akumubekesha shikani shibiibi ceebo ca ndime.

Luka 23:2

Lyalo bakatalika kumubekesha shikani ayi, “Twakacana muntu uyu kayungoola bantu ba mucishi cesu ayi babukile cishi cino. Wakalinga kubaambila ayi bacileeke kupeleka musonko kuli Sisa, muleli munene wa kuLoma. Peculu lya waawo wakalinga kwaamba ayi uyu mwiine ngoUsalitwe wakwe Lesa alimwi ayi ngumwaami.”

Joni 19:13

Pilato ndyaakanyumfwa makani aya, wakakusha Jesu pansengwe akwikala pacuuna ca boomboloshi pamusena wakalinga kwiitwa ayi, “Lubansa lwa mabwe.” (MuciEbulu balaamba ayi, “Gabata.”)

Bene Loma 3:8

Ino ceebonshi inga tatwaambi ayi, “Atucite shibiibi kwaamba ayi shibotu shiboneke?” Ncakwiila bantu bamwi balantukana kwiinda mukumbekesha ayi ndaamba cikani ceenka ici. Bantu abo Lesa ulaakubapa mulandu weelete.

2 Bene Kolinto 6:8

Bantu balatulemeka akutusebaanya, balatwaamba bubi abubotu, balatucita anga tuli babeshi, sombi tatubeci, sobwe.

1 Pita 3:16

Amube amiyeeyo iluleme kwaamba ayi na bantu bamucobola ceebo ca shintu shibotu nshemucita kwiinda muli Klistu, bafwe nsoni ceebo ca sheesho nshebaamba.