Neyemiya 6:1 - Baibo Busansulushi Bwa Libuku Ili

¹ Ono Sanibalati, Tobiya, Geshemu mwine Alabu abalwani besu boonse bakanyumfwa ayi twamanisha kuyakulula lubumbu, alimwi ayi taaku musena wakacaala koomwayulukite muli ndulo. Nakubi boobo paciindi ico katutana kubika ashisasa kuminjililo.

Neyemiya 6:1 ပူးပေါင်းရင်းမြစ်များ

Neyemiya 13:4

Eliyashibu mupailishi wakapekwa mulimo wakweendelesha maanda akusungilamo shintu a kuŊanda yakwe Lesa. Eliyashibu wakalinga mubye Tobiya.

Neyemiya 2:10

Ono Sanibalati mwine Beti Oloni alimwi aTobiya wacinenenene mucishi ca Amoni ndibakanyumfwa kwaamba ayi kwesa muntu mukusumpula buumi bwa bene Isilaeli, bakakalala abuumbi.

Neyemiya 2:19

Sombi Sanibalati mwine Beti Oloni, Tobiya wacinenenene wa mucishi ca Amoni aGeshemu mwine Alabu, ndibakanyumfwa makani aya, bakatuseka akutuweluluka ayi, “Ono nciinshi ici ncemutoocita? Sa mulisuni kwaashukila mwaami?”

Neyemiya 3:1

Lyalo Eliyashibu mupailishi munene abapailishinyina bamwi bakatalika mulimo. Bakayakulula Mwinjililo wa Mbelele. Bakausalasha akwiimika shisasa mumisena yeelete. Bakayakulula akusalasha lubumbu kushikila akuŊanda ilaamfu ya Mwaanda alimwi aŊanda ilaamfu ya Ananelo.

Neyemiya 3:3

Bamucipani cakwe Asena bakayakulula Mwinjililo wa Nswi. Bakabika shisamu sha nguwo, shisasa, shakupingilaamo ampingilo mumisena ya nshisho.

Neyemiya 3:6

Joyada mwanaakwe Paseya aMeshulamu mwanaakwe Besodeya bakayakulula Mwinjililo wa Jeshana. Bakabika shisamu sha nguwo, shisasa, shakupingilaamo ampingilo mumisena ya nshisho.

Neyemiya 4:1

Ono Sanibalati ndyaakanyumfwa ayi twatalika kuyakulula lubumbu, wakakalala abuumbi akutalika kutuseka.

Neyemiya 7:1

Pesule lyakuyakulula lubumbu akubika shisasa kuminjililo ya ndulo, beshikulindilila paminjililo ya Ŋanda yakwe Lesa, beshikwiimba abene Lefi bamwi bakabikwa mumilimo yabo.

Danyelo 9:25

Shiba akunyumfwishisha cikani ici. Kuswa bushiku ndyeshi kukapekwe mulasho wakuyakulula Jelusalemu kushikila Mutanjilili Usalitwe wakwe Lesa akese, palaakwiinda myaaka ili 7 kufushikwa mankanda ali 7. Ndabala ya Jelusalemu ilaakuyakululwa akuba amikwakwa alimwi amalinga ayumu. Ndabala iyo ilaakunooliiko kwamyaaka ili 7 kufushikwa mankanda ali 62, sombi ico cilaakuba ciindi ca mapensho.