Neyemiya 5:13 - Baibo Busansulushi Bwa Libuku Ili

¹³ Mpeeke ndakafutula nkomwe shangu akwaamba ayi, “Munshila yeenka iyi muntu uli woonse uyo weshi akabule kucita kweelana ambwaashomesha, Lesa mbweshi akacite kuli nguwe. Ulaakumunyaya maandaanu ashintu shoonse nshemucite alimwi ulaakumushiya maansaabo.” Bantu boonse bakakumbula ayi, “Ameni!” Mpeeke bakalumbaisha Mwaami Lesa akucita kweelana ambobakashomesha.

Neyemiya 5:13 ပူးပေါင်းရင်းမြစ်များ

2 Baami 23:3

Mpomunyaawo mwaami wakeemikana pafwaafwi alicinko lya bwaami akupanga cipangano aMwaami Lesa. Wakashomesha kumunyumfwila akukonkela milawo amilasho yakwe camoyo wakwe woonse abuumi bwakwe boonse. Wakashomesha akucita kweelana ashilembetwe mulibuku ilyo. Mpeeke bantu boonse bakashomesha kulama cipangano ici.

1 Makani 16:36

Aalumbaishikwe Mwaami Lesa, Lesa wa bene Isilaeli. Amumulumbaishe lyoonse alyoonse. Lyalo bantu boonse bakaamba ayi, “Ameni,” akulemeka Mwaami Lesa.

Neyemiya 8:6

Mpomunyaawo Esila wakaamba ayi, “Aalumbaishikwe Mwaami Lesa, Lesa munene!” Lyalo bantu boonse bakanyamuna maansaabo akukumbula ayi, “Ameni! Ameni!” Mpeeke bakafukama akulambila Mwaami Lesa cakushisha shiwa panshi.

Kulumbaisha 119:106

Ndakashomesha cakulumbila akushinisha ayi ndanookonkela milawo yanu iluleme.

Kulumbaisha 50:14

Amubenge milambu yakulumba kuli Lesa. Amupe shoonse nshemwakashomesha cakulumbila kuli Lesa wa kwiculu Wiindaawo.

Kulumbaisha 76:11

Amupe Mwaami Lesa, Lesa wanu isho nshemwakamushomesha cakulumbila. Mishobo ishingulukite ailete shipo kuwooyo weelete kuloondwa.

Tushimpi 28:4

Abo batakonkeli milawo, bali kulubasu lwa bamucita shibi. Sombi abo beekonkela tababete kulubasu lwabo.

Shikushimikila 5:5

Ncibotu kutashomesha cakulumbila kucita cimwi cintu kwiinda kushomesha, sombi wabula kucita ncewakashomesha.

Shakubelenga 5:22

Maanshi aya pakwinjila mulifumo lyako aalishimbishe akulengesha bwanakashi bwako kunyana.’ Alakwe mwanakashi ulaakukumbula ayi, ‘Ndasumina. Mwaami Lesa aacite mbomunya ubo.’

Mateyo 10:14

Na kwabula muntu nabi womwi weenga wamutambula nabi kukutika maswi anu, pakuswaamo mukalipaampe lusuko kushimpanta.

Milimo ya Batumwi 13:51

Mpeeke batumwi bobilo abo bakapampa lusuko kumyeendo yabo, kwaamba ayi cibe citondesho cakukaka kwabo. Lyalo bakaya kuIkoniyamu.

Milimo ya Batumwi 18:6

Sombi ndibakamupikisha akutalika kwaamba shibiibi kuli nguwe, Paulo wakabonesha kukaka kwabo kwiinda mukulipampa lusuko kushakufwala akubalwiita ayi, “Mwalicaya nobeene! Nebo nshicite mulandu, sobwe. Kuswa sunu ndanooshimikilabo baswamashi bakunsengwe.”

1 Bene Kolinto 14:16

Ono na walumbabo Lesa mumuuya, shikukutikabo utaaku mbwaabete uliimo mulibungano, inga waamba buyani ayi, “Ameni” pakukutika kulumba kwanu? Ceebo nshemutokwaamba taashishiiwo.

1 Samwelo 15:28

Lyalo Samwelo wakamwaambila ayi, “Mwaami Lesa wakwamuna buleelo bwa cishi ca Isilaeli kuswa kuli ndiwe sunu. Wabupa womwi pakati ka beshikamukobonyoko, weelete kwiinda ndiwe.