Neyemiya 5:11 - Baibo Busansulushi Bwa Libuku Ili

¹¹ Anu bulya bweenka amubaboosheshe myuunda yabo ya shishango shimwi, ya minyansa, ya maolifi alimwi amaandaabo. Mubaboosheshe ashinyona mucila nshimwakalinga kubwesa kuli mbabo.”

Neyemiya 5:11 ပူးပေါင်းရင်းမြစ်များ

2 Samwelo 12:6

Mukulipila ulyeelete kwiilikawo shone pamwanaambelele mwanakashi uyo ceebo cakucita cintu ca mushobo uyo akubula nkumbu.”

Neyemiya 5:10

Nebo, mbondakalinga kusebensaabo abasebenshi bangu, twakasumina kunoobakweletesha maali ashili anga ngamaila. Ono atucileeke kubasesa shikwelete isho.

Neyemiya 5:12

Lyalo bamatanjilili bakakumbula ayi, “Tulaakubabooshesha alimwi teshi tukabwese cintu cimwi cakwiilikaawo kuli mbabo. Tutoocita bweenka mbomwaamba.” Mpomunyaawo ndakeeta bapailishi kwaamba ayi bamatanjilili abacinenenene bashomeshe cakulumbila kunembo lyabo kucita bweenka mbuli mbobakashomesha.

Isaya 58:6

“Sa nshikwe kusuminisha kulikasha kulya kwakusutoola ncetani shakasalulushi akusowa bweendeleshi bwanu bwakulyatililana? Sa tamweelete kwaangulula baabo batoolyatililwa akucileka nshila shanu shoonse shalunkutwe?

Luka 3:8

Amucite ncito shibotu shitondesha ayi mwasanduka kuswa kushibiibi shanu. Mutanoolibeca mumyoyo yanu ayi, ‘Swebo tulicite Abulaamu ishiwesu.’ Ntoomulwiita calushinisho ayi Lesa ulakonsha kusandula mabwe kuba baana ba mulunyungu lwakwe Abulaamu.

Dutolonomi 6:11

Maanda alaakunooswitebo shintu shiinji shibotu nshemutakwe kubikaamo mwebo. Mulaakuba amikalo ikabitwe kale, myuunda ya minyansa aya maolifi mwebo njemutakwe kulima. Ono Mwaami Lesa aakumwinjisha mucishi ico, umo mweshi mukabe ashoonse nshemusuni kulya,

1 Samwelo 12:3

Ono mpoondi pano. Na kuli cilubo ncendakacita amunshinine pameenso aMwaami Lesa amwaami ngwaasala. Sa ndakabwesaawo kale ŋombe nabi mbongolo ya muntu umwi uli woonse? Sa kuli ngondakacenjeekawo kale nabi kupensha? Sa ndakatambulawo kale makulo kumuntu uli woonse? Na pasheeshi shoonse kuli ncendakacitaawo, ntoolipila ico ncendakabwesa.”