Neyemiya 5:1 - Baibo Busansulushi Bwa Libuku Ili

¹ Ono ndipakeenda ciindi, bantu baanji, basankwa abanakashi, bakatalika kutongookela baJudanyinaabo.

Neyemiya 5:1 ပူးပေါင်းရင်းမြစ်များ

Neyemiya 4:23

Anu nebo, mbondalinga kusebensaabo, basebenshi bangu nabi beshikunindilila tetwakalinga kufuulaawo shakufwala shesu nabibo mashiku. Womwi awomwi pakati kesu wakalinga kwikala ashakulwanisha shakwe muliimfwa.

Jobo 34:28

Bakalengesha bakandu kulilila Lesa alakwe wakanyumfwa kulila lucafwo kwabo.

Kulonga 3:7

Lyalo Mwaami Lesa wakaamba ayi, “Ncakwiila ndaboona mbuli bantu bangu mbobatoopenshekwa mucishi ca Ijipiti. Ndanyuumfwa kulila kwabo ceebo ca beshikubasebensesha. Kupenshekwa kwabo koonse ndikubwene.

Isaya 5:7

Isilaeli ngomuunda wa minyansa wa Mwaami Lesa Shinkusu shoonse. Ncakwiila bene Juda njeminyansa njaakashanga. Wakalinga kulangila ayi batoocita shiluleme, sombi ncaakabonabo mbucayi. Wakalinga kulangila koombolosha cakutanyengelela, sombi cakapola kumatwi akwe nkulila kwa baabo bakalinga kulyatililwa.

Jelemiya 34:8

Mwaami Sedekiya abantu ba muJelusalemu bakasuminishanya kwaangulula

Esekelo 45:9

Mwaami Lesa Shinkusu shoonse wakaamba ayi, “Mwebo nobaleli bene Isilaeli, mweendilisha kubisha nobene Isilaeli! Amucileeke shalunkutwe alimwi akulyatilila bamwi. Amucite shintu shakutanyengelela alimwi shiluleme. Mutakatandi tubili bantu bangu kuswa mucishi cabo. Nebo neMwaami Lesa Shinkusu shoonse ndaamba.

Malaki 2:13

Cintu cimwi ncemucita nkutontosha cipaililo ca Mwaami Lesa aminsonshi. Mulalila buumpute amibila mukwiinga ono Lesa ulasuula milambu yanu alimwi taitambuli cakukondwa.

Luka 18:7

Ono sa Lesa teshi akabacitile shiluleme bantu bakwe basalitwe abo bamusenga malumwi amashiku? Sa ulaakucelwa kubacafwa?

Milimo ya Batumwi 7:26

Bushiku bwakaboolaawo, Mose wakacana bene Isilaeli bobilo kabalwana. Mpeeke wakeelesha kubalamwita. Wakabaambila ayi, ‘Mwebo namata, bana muli bamukowa, anu mutoolwaninanshi?’

Jemusi 5:4

Abo batebula mumyuunda yanu tamukwe kubafoleshawo kale. Ono amunyumfwe mbobatootongooka! Kulilishaanya kwa bantu abo, Mwaami Lesa Shinkusu shoonse wakunyumfwa.