Neyemiya 4:7 - Baibo Busansulushi Bwa Libuku Ili

⁷ Ono Sanibalati, Tobiya, bene Alabu, bene Amoni abene Ashidodi ndibakanyumfwa kwaamba ayi kuyakulula lubumbu lwa Jelusalemu kwatolelela alimwi ashipense shamana kushinkwa, bakakalala abuumbi.

Neyemiya 4:7 ပူးပေါင်းရင်းမြစ်များ

Matalikilo 3:15

Ono ntoolengesha webo amwanakashi kupatana. Lunyungu lwako alwa mwanakashi bananoolibo balwani lyoonse. Lakwe ulaakukulyata kumutwi awebo ulaakumuluma kukashindi.”

2 Baami 24:2

Kuswawaawo Mwaami Lesa wakatuma bashilumamba baanji bene Babiloni, Silya, Moabu alimwi abene Amoni mukulwana Jeoiyakimu. Wakacita boobo kwaamba ayi banyonyoole cishi ca Juda kweelana abwakaamba Mwaami Lesa kwiinda mubalaluki basebenshi bakwe.

2 Makani 20:1

Ndipakeenda ciindi bashilumamba bene Moabu alimwi abene Amoni pantu pomwi abene Meyunimu bamwi bakaya mukulwana bene Juda.

Esila 5:8

Nobaami mulyeelete kwishiba kwaamba ayi twakalinga twaya kucishi ca Juda kuŊanda yakwe Lesa wiindaawo. Twakacana ayi itooyakwa amabwe anene alimwi akubika mapulanga mulubumbu. Mulimo utoosebenswa cankusu alimwi utokweenda lubilo.

Neyemiya 2:10

Ono Sanibalati mwine Beti Oloni alimwi aTobiya wacinenenene mucishi ca Amoni ndibakanyumfwa kwaamba ayi kwesa muntu mukusumpula buumi bwa bene Isilaeli, bakakalala abuumbi.

Neyemiya 2:19

Sombi Sanibalati mwine Beti Oloni, Tobiya wacinenenene wa mucishi ca Amoni aGeshemu mwine Alabu, ndibakanyumfwa makani aya, bakatuseka akutuweluluka ayi, “Ono nciinshi ici ncemutoocita? Sa mulisuni kwaashukila mwaami?”

Neyemiya 4:1

Ono Sanibalati ndyaakanyumfwa ayi twatalika kuyakulula lubumbu, wakakalala abuumbi akutalika kutuseka.

Neyemiya 4:6

Aboobo twakayakulula lubumbu kushikila lweela pakati kuya mwiculu ceebo bantu bakalinga kusebensa camoyo womwi.

Neyemiya 4:8

Lyalo bakapangana kulwana Jelusalemu alimwi akubusha shimfulunganya.

Neyemiya 6:16

Balwani besu boonse abamumishobo itushingulukite ndibakanyumfwa cikani ici, bakatyongola abuumbi ceebo bakeshiba kwaamba ayi mulimo uyo wakacitwa kwiinda mukucafwikwa aLesa.

Jelemiya 25:20

pantu pomwi abaswamashi boonse bali kooko, bamaami boonse ba bene Usi, bamaami boonse ba bene Filisiti nkokwaamba ayi ba kuAshikeloni, Gasa, Ekiloni abantu bakacaala kuAshidodi,

Jelemiya 41:10

Kuswawaawo Ishimaeli wakacata busha bantu boonse abo bakalinga kuMisipa. Nkokwaamba ayi banaamwaami banakashi pantu pomwi aboonse abo bakalinga bacaala kooko abo Nebusaladani mutanjilili wa beshikulindilila mbwaakasalila Gedaliya mwanaakwe Aikamu ayi kaabeendelesha. Ishimaeli wakabacata busha akululama kucishi ca bene Amoni.

Amosi 1:13

Mwaami Lesa waamba ayi, “Bene Amoni bakalinga kubisha lyobilo lyobilo, aboobo ndushinisho ndaakubapa mulandu. Mukulwanina kukomenesha cishi cabo, bakalinga kupasula banakashi bakalinga kucite mafumo bene Gilyadi.

Amosi 1:8

Ndaakunyonyoola mwaami wa bene Ashidodi, ncakwiila uyo ulela mundabala ya Ashikeloni. Ndaakupa mulandu ndabala inene ya Ekiloni kushikila abene Filisiti bakamane kufwa. Nebo neMwaami Lesa Shinkusu shoonse ndaamba.”

Amosi 3:9

Amwaambilishe kumalinga a ndabala ya Ashidodi akumalinga akucishi ca Ijipiti ayi, “Amubungane patulundu twa Samaliya. Amubone mapensho ali muli ncico akulyatililana kuli pakati ka bantu ba ncico.”

Milimo ya Batumwi 5:33

Boomboloshi ndibakanyumfwa makani aya, bakakalala abuumbi cakwaamba ayi bakalinga kusuni kucaya batumwi.

Ciyubululo 12:17

Lyalo shinshimwe uyo wakakalala ceebo ca mwanakashi uyo. Mpeeke wakaya mukulwana abamulunyungu lwa mwanakashi bamwi boonse abo bakonkela milawo yakwe Lesa alimwi akushoma bukamboni bwakwe Jesu.

1 Samwelo 11:2

Naashi wakakumbula ayi, “Ee, ntoopanga cipangano amwebo na tusuminishanyebo pacikani comwi. Cikani ici ncakwaamba ayi womwi awomwi mutulule liinso lyalulyo kwaamba ayi nenshe nsoni bene Isilaeli boonse.”