Neyemiya 4:11 - Baibo Busansulushi Bwa Libuku Ili

¹¹ Balwani besu bakalinga kuyeeya kwaamba ayi teshi tubaboone nabi kwishiba nshebatoocita kushikila bakatucaaye soonse akucaya mulimo ngotutoocita.

Neyemiya 4:11 ပူးပေါင်းရင်းမြစ်များ

2 Samwelo 17:2

Inga ndaya ndamulwana paciindi ndyaalefukite. Mpomunyaawo inga waloonda abalo bashilumamba bakwe inga bacica. Lyalo inga ndacayabo Defedi

Neyemiya 4:10

Paciindi ico bene Juda bakeemba lwiimbo lwakwaamba ayi, “Twakopoka kunyamuna shilemu. Afulisha mabwe apwayookite akusowa. Ino inga twayakulula buyani lubumbu sunu?”

Neyemiya 4:12

BaJuda abo bakalinga kwikala pakati ka balwani besu bakesa mankanda maanji mukutulwiita balwani besu abo mbobakalinga kupinga kulwana ndiswe.

Neyemiya 4:9

Sombi twakapaila kuli Lesa wesu akubika beshikulindilila malumwi amashiku mukutabilila ndabala.

Kulumbaisha 56:6

Balabungana akunjubilila. Balalangilisha nyendelo shangu. Ncakwiila balafwima buumi bwangu.

Isaya 47:11

Ono mapensho alaakwisa pali ndiwe alimwi bwaanga bwako teshi bukaamaneewo. Ncakwiila shinkunka shilaakukulokela cakwaamba ayi kulaakubula weshi akakulubuleeko. Malwesa ayo webo ngootana kubonaawo alaakukupolela cakutaeengashila.

Milimo ya Batumwi 23:12

Ndibwakaca, baJuda bamwi bakabungana pantu pomwi akupangana bwakucita Paulo. Bakalumbila pameenso akwe Lesa ayi teshi bakalye nabi kunwa cintu naciceyi kushikila bakamucaaye.

Milimo ya Batumwi 23:21

Sombi mutakabanyumfwili mukwiinga kuli basankwa beendilila pamakumi one beshi bakanooyubite munshila kababelamina Paulo. Bakalumbila pameenso akwe Lesa ayi teshi bakalye nabi kunwa kabatana kumucaya. Bulya balilibambite kumucaya, batoolindilabo bukumbulo kuswa kuli ndimwe.”

1 Bene Tesalonika 5:2

Ceebo mwebo nobeene mulishi kale kabotu kwaamba ayi Bushiku bwakwisa kwa Mwaami Jesu, bulaakushikila cakutabwiingashila bweenka mwiipi mbweesa mashiku.