Neyemiya 3:14 - Baibo Busansulushi Bwa Libuku Ili

¹⁴ Malukija mwanaakwe Lekabu, mweendeleshi wa cishi ca Beti Akelemu wakayakulula Mwinjililo wa Ntantaala. Wakabika shisamu sha nguwo, shisasa, shakupingilaamo ampingilo mumisena ya nshisho.

Neyemiya 3:14 ပူးပေါင်းရင်းမြစ်များ

2 Samwelo 4:2

Ishibosheti wakalinga kucite baana basankwa bobilo bakalinga bamatanjilili ba makoto abeshikuya cisaala. Pabaana abo, umwi wakalinga kwiitwa ayi Baana, umwi ayi Lekabu. Wakabashala nguLimoni mwine Biyaloti wa mumukowa wakwe Benjameni. Musena wa Biyaloti wakalinga kulangwa ayi ndubasu lumwi lwa cishi ca bene Benjameni,

2 Baami 10:15

Jewu wakanyamuka alimwi. Munshila wakakumanya Jonadabu mwanaakwe Lekabu. Jewu wakamwansha akwaamba ayi, “Webo anebo tutooyeeyabo cintu comwi, sa inga tooncafwiiko?” Jonadabu wakakumbula ayi, “Ee, ntoomucafwa.” Mpomunyaawo Jewu wakaamba ayi, “Na mboboobo, tambika lyaansa lyako.” Mpeeke bakacatana maansa, lyalo Jewu wakacafwa mubye akumutantika mucikoci.

1 Makani 6:40

Shimeya wakalinga mwanaakwe Mikaeli, Mikaeli wakalinga mwanaakwe Baaseiya, Baaseiya wakalinga mwanaakwe Malikija,

Neyemiya 12:31

Mpomunyaawo ndakabunganya bamatanjilili ba bene Juda peculu lya lubumbu ayi beendeleshe makoto obilo anene akalinga kuya bwiimba nyiimbo shakulumba. Likoto limwi lyakalulama kululyo lwa lubumbu kuya kuMwinjililo wa Ntantaala.

Neyemiya 2:13

Ono ciindi ca mashiku ndakaswita kuMwinjililo wa Cinyika akululama kuMukalo wa Shinshimwe akushika kuMwinjililo wa Ntantaala. Ndakalinga kuya cibona lubumbu lwa Jelusalemu ulo lwakamwayululwa aminjililo ya ndulo iyo yakanyonyoolwa amulilo.

Neyemiya 3:9

Lefaya mwanaakwe Uli, mweendeleshi wa cipansha ca musa wa Jelusalemu wakayakulula cipansha ca lubumbu cakakonkelaawo.

Jelemiya 6:1

“Amucice kwaamba ayi mupuluke mwebo nobene Benjameni! Amucice muswe muJelusalemu! Amulishe lupeenga muTekowa! Amushimpike mbembela ya nkondo muBeti Akelemu ceebo mapensho atooswita kumatwa, ee, kunyonyoolwa kunene abuumbi.