Neyemiya 2:8 - Baibo Busansulushi Bwa Libuku Ili

⁸ Ntoosenga ankalata yakutolela Asafu, shikulama musaansa wa mwaami kwaamba ayi akampe shisamu shakuyakisha minjililo ya kulilinga lya Ŋanda yakwe Lesa, lubumbu lwa ndabala inene iyo alimwi aŋanda njeshi nkanookalaamo.” Mwaami wakampa shoonse nshendakasenga ceebo Lesa wakalinga andime.

Neyemiya 2:8 ပူးပေါင်းရင်းမြစ်များ

Matalikilo 32:28

Mpomunyaawo musankwa uyo wakaamba ayi, “Liina ilyo sunu lyamana. Walwishanya aLesa alimwi abantu sombi wakooma. Paceebo ceeco liina lyako ono litooba Isilaeli.”

Esila 5:5

Sombi Lesa wabo wakalinga kulama bamaloba ba baJuda alimwi tabakwe kubeemika kusebensa kulindila ayi batume maswi kumwaami Dalyasi akunyumfwa mbweshi akumbule.

Esila 6:22

Lyalo bakaba akusekelela kwakulya cimaande. Bakacita boobo kabasangalete kwanshiku shosanwe ashobilo. Bakasangalala mukwiinga Mwaami Lesa wakasandula moyo wa mwaami wa kuAsilya ayi abacaafwe kuyaka alimwi Ŋanda yakwe Lesa, Lesa wa bene Isilaeli.

Esila 6:8

Ono ntoomupa mulawo mbomweelete kucita kubamaloba ba baJuda pamulimo wakuyaka Ŋanda yakwe Lesa iyi. Maali akusebensesha bantu abo, alaakunooswa kunkomwe yakubwalo, nkokwaamba ayi kumaali ngobasonkela bantu ba kwitala lya Mulonga wa Yufuletisi ayi mulimo utakeemikani.

Esila 7:6

Esila uyo wakaswa kuBabiloni alimwi wakalinga kwishi abuumbi Milawo yakwe Mose iyo Mwaami Lesa, Lesa wa bene Isilaeli njaakapa. Mwaami wa kuBabiloni wakamupa shoonse nshaakalinga kusenga mukwiinga Mwaami Lesa, Lesa wakwe wakalinga pali nguwe.

Esila 7:9

Wakanyamuka kuswa kuBabiloni pabushiku butaanshi bwa mweenshi wakutaanguna, akushika kuJelusalemu pabushiku butaanshi bwa mweenshi wasanu, mukwiinga Lesa wakwe wakalinga kumucafwa.

Neyemiya 7:2

Ndakabika mukwesu Anani kunokweendelesha Jelusalemu pantu pomwi aAnaniya mutanjilili wa ciyubilo ca bashilumamba. Ananiya wakalinga muntu ushomeka alimwi ulemeka Lesa kwiinda bantu bamwi boonse.

Tushimpi 21:1

Moyo wa mwaami uli mumaansa a Mwaami Lesa. Uloolulamikabo bweenka mbwaalulamika kweenda kwa maanshi a mumulonga.

Shikushimikila 2:5

Ndakalima myuunda imwi akupanga misena ibotu yakookesheshaako akushangaamo shisamu shashisepo sha mishobo yoonse.

Shikushimikila 2:6

Ndakapanga shishiba sha maanshi akutilila shisamu isho nshendakashanga.

Isaya 66:14

Ici mwaakucibona, myoyo yanu ilaakusangalala. Lyalo mulaakunoonemfumabo anga ngumweemfu mukuswitilila. Nkusu shangu nebo neMwaami Lesa, shilaakuboneka kubasebenshi bangu. Sombi balwani bangu ndaakubatondesha bukali bwangu.”

Danyelo 1:9

Lyalo Lesa wakalengesha Ashipenasi kunyumfwila Danyelo nkumbu alimwi aluse.

Milimo ya Batumwi 26:22

Sombi Lesa ngooncafwa kushikila asunu, aboobo ndiimfwi pano akupa bukamboni kubantu boonse, balemekwa abantubo. Ntokwaambabo ceenka cakaamba balaluki bakulukulu bamwi aMose. Bakaamba ayi

Milimo ya Batumwi 7:10

akumufuna mumapensho oonse ngaakalinga kubaawo. Josefu ndyaakaboneka kuli Falawo mwaami wa kuIjipiti, Lesa wakamupa busongo ubo bwakalengesha ayi Falawo amusuune. Paceebo ceeco Falawo wakamubika ayi abe mweendeleshi wa cishi cakwe alimwi aŋanda yakwe.

2 Bene Kolinto 8:16

Ono aalumbwe Lesa ulengesha Taitasi kulyaaba bweenka mbotulyaaba aswebo pali ndimwe.