Neyemiya 2:5 - Baibo Busansulushi Bwa Libuku Ili

⁵ akukumbula mwaami ayi, “NoBaami, na inga camusangalasha alimwi na mwamfwita nkumbu, nebo nemusebenshi wanu, ntoosenga kwaamba ayi muntume mucishi ca Juda, kundabala uko kulete bamashali bangu bakulukulu ayi nkeeyakulule.”

Neyemiya 2:5 ပူးပေါင်းရင်းမြစ်များ

2 Samwelo 14:22

Mpomunyaawo Joabu wakaliwaala panshi mukumupa bulemu akwaamba ayi, “Mwaami Lesa amupe coolwe nkambo! Ono nebo nemusebenshi wanu ndeshiiba ayi mulisangalete pali ndime mukwiinga kusenga kwangu mwakunyumfwa.”

Esila 5:17

“ ‘Ono nobaami tutoosenga ayi muyandoole makani alembetwe mulibuku lya bamaami ba mucishi ca Babiloni akubona na ncakwiila mwaami Sailasi wakapa mulawo wa kwaamba ayi Ŋanda yakwe Lesa iyi iyakwe alimwi muJelusalemu. Tutoosenga nkambo ayi mukatulwiite muyeeyo wanu pamakani aya.’ ”

Neyemiya 2:4

Mpeeke mwaami wakanjipusha ayi, “Ino ulisuninshi?” Lyalo ndakapaila kuli Lesa wa kwiculu

Neyemiya 2:6

Mpomunyaawo mwaami kaashiite lubamba amukaakwe wakanjipusha ayi, “Ino ulaakutola nshiku shongaye alimwi ulaakupiluka lili?” Mwaami wakakondwa kuntuma, aboobo ndakaamba ciindi.

Esita 1:19

Anu nobaami na mwasumina, amupe mulawo alimwi ulembwe mulibuku lya milawo ya bene Pesha abene Mediya, itakoonshi kusandulwa kwaamba ayi baFashiti tabeelete kwisa alimwi kunembo lyanu. Kuswawaawo mupe musena wabo wakuba muka mwaami kuli umwi wiindaawo kubota.

Esita 5:8

“Na nobaami inga mwakondwa kunyumfwila nkumbu akumpa nceshi nsenge, ndaseenga kwaamba ayi mwebo aAmani mukese ciilo kukusekelela akumwi uko nkweshi nkamubambile. Paciindi ico ndaakumulwiita nceensuni.”

Esita 7:3

Lyalo Esita wakakumbula ayi, “Na inga camukonda nobaami kutambula kusenga kwangu kwakulitola panshi, kusenga kwangu nkwakwaamba ayi nebo abene misheesu tutacaikwi.

Esita 8:5

Mpeeke wakaamba ayi, “Na inga camukonda nobaami, na mulambikako maano alimwi na muyeeyo uyu uliluleme kuli ndimwe, amulembe makalata akukasha mulawo wakwe Amani mwanaakwe Amedata wamulunyungu lwakwe Agagi ngwaakalemba ayi anyonyoole baJuda boonse mubwaami bwanu.

Tushimpi 3:4

Lyalo Lesa abantu balaakusangalala pali ndiwe alimwi ulaakuba ampuuwo ibotu.

Danyelo 9:25

Shiba akunyumfwishisha cikani ici. Kuswa bushiku ndyeshi kukapekwe mulasho wakuyakulula Jelusalemu kushikila Mutanjilili Usalitwe wakwe Lesa akese, palaakwiinda myaaka ili 7 kufushikwa mankanda ali 7. Ndabala ya Jelusalemu ilaakuyakululwa akuba amikwakwa alimwi amalinga ayumu. Ndabala iyo ilaakunooliiko kwamyaaka ili 7 kufushikwa mankanda ali 62, sombi ico cilaakuba ciindi ca mapensho.

Mateyo 23:27

“Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Muli anga nshuumbwe nshebakashingula, shiboneka kabotu pansengwe, sombi mukati kamuswitebo shifuwa sha bantu bakafwa ashimwi shibiibi shoonse.

Lute 2:13

Lute wakakumbula ayi, “Mulicite nkumbu abuumbi, nkambo. Mwanengesha kunyumfwa kabotu abuumbi kwiinda mukubandika anebo muliswi libombu, nakubi kwaamba ayi nsheeleneewo abasebenshi banu.”