Neyemiya 2:20 - Baibo Busansulushi Bwa Libuku Ili

²⁰ Mpomunyaawo ndakabakumbula ayi, “Lesa wa kwiculu ulaakutulengesha kuswitilila. Swebo sobasebenshi bakwe tutootalika kuyakulula alimwi, sombi mwebo tamucitewo nkusu pacipansha ca ndabala ya Jelusalemu nabi comwi alimwi taaku cintu nabi comwi nceenga mwaamba ayi ncanu.”

Neyemiya 2:20 ပူးပေါင်းရင်းမြစ်များ

2 Makani 26:5

Muciindi coonse ca buumi bwakwe Sekaliya uyo wakalinga kumwiishako makani akwe Lesa, wakalinga kusebensela Mwaami Lesa cakushomeka. Aboobo Lesa wakamulengesha kuswitilila.

Esila 4:3

Sombi Selubabelo, Jeshuwa abamwi boonse bamanene ba shipani sha mikowa ya bene Isilaeli bakabakumbula ayi, “Tamucitemo lubasu mukuyakila Lesa wesu Ŋanda. Tulaakuyakila Mwaami Lesa, Lesa wa bene Isilaeli sobene bweenka Sailasi mwaami wa kuPesha mbwaakatwaambila.”

Neyemiya 1:4

Mpeeke ndindakanyumfwa boobo, ndakekala panshi akulila. Ndakalila akulikasha kulya kwanshiku shiinji kunembo lyakwe Lesa wa kwiculu.

Neyemiya 2:4

Mpeeke mwaami wakanjipusha ayi, “Ino ulisuninshi?” Lyalo ndakapaila kuli Lesa wa kwiculu

Esita 4:11

“Bacinenenene boonse ba mwaami abantu bamwi boonse bekala mushipansha sha cishi, balishi kwaamba ayi musankwa uli woonse nabi mwanakashi uyo weenga wenjila mulubansa lwa mukati muŋanda ya mwaami kwakuteetwa, ulyeelete kucaikwa. Uyu ngomulawo uliiwo. Sombi na mwaami watondeka muntu uyo nkooli ya bwaami ya golodi, inga taacaikwi. Ono peenda nshiku makumi otatwe mwaami ndyaakaswa mukunjitaawo.”

Kulumbaisha 102:17

Ulaakunyumfwa kusenga kwa bantu bakwe abo mbwaakafutatila, alimwi ulaakukutika mipailo yabo.

Kulumbaisha 122:6

Amupailile luumuno muJelusalemu. Mupaile ayi, “OJelusalemu, bantu abo bakusuni baswitilile.

Kulumbaisha 20:5

Tulaakoolobesha cakukondwa bushiku mbweshi mukakome. Muliina lyakwe Lesa wesu tulaakutambika mbembela shesu mwiculu kusekelela kukoma. Mwaami Lesa aakumbule kusenga kwanu koonse.

Kulumbaisha 35:27

Sombi abo batoolilila kubona kubula mulandu kwangu abeembe cakusangalala akukondwa, Abaambe lyoonse ayi, “Ulicite nkusu Mwaami Lesa uyo ulengesha musebenshi wakwe kwikala muluumuno.”

Kulumbaisha 51:18

NobaLesa, amucite shibotu kuli Siyoni ceebo ca nkumbu shanu. Amuyake cipya lubumbu lwa Jelusalemu.

Kulonga 28:29

“Ono na Aloni weenjila muMusena Usalalite, ulaakunoofwala cakufwala ca pacaamba ico cilembetwewo meena a mikowa ya bene Isilaeli, ayi nebo neMwaami Lesa nkanokwiibaluka bantu bangu lyoonsebo.

Shikushimikila 7:18

Ncibotu kucata comwi cakutapusumusha cimwi. Muntu ulemeka Lesa ulakonsha kucita boobo.

Isaya 56:5

balaakunookwiibalukwa kwaciindi cilaamfu muŊanda yangu apakati ka bantu bangu kwiinda mbobalinga kweelete kwiibalukwa na kabacite baana. Ndaakubapa liina litakoonshi kulobeshekwa.”

Bene Lefi 2:2

lyalo nkokuleta kubana bakwe Aloni bapailishi. Mpeeke mupailishi ulaakutapula busu, mafuta a olifi alimwi atununkila kabotu toonse mulupaka, akushitenta pacipaililo ayi cibe cishibilo cakwaamba ayi shoonse shapekwa kuli ndime neMwaami Lesa. Bweema bwa cipo ico ca shakulya bulansangalasha neMwaami Lesa.

Bene Lefi 24:7

Mumindando yoonse yobilo, mubikewo tununkila kabotu ayi cibe anga ncipo ca cakulya kuli ndime neMwaami Lesa pamusena wa shimaande.

Sekaliya 6:14

Mushini uyo ulaakuba ncakwiibalushishaako muŊanda ya Mwaami Lesa mukulemeka Eludai, Tobija, Jedaya alimwi aJosiya.’

Shakubelenga 10:10

Amwalo muciindi cakusangalala mbuli pakusekelela sha Mweenshi Upya alimwi apakusekelela shakupaila kwanu kumwi koonse, mulyeelete kulisha mapeenga pakunoobenga milambu yanu yakutenta alimwi amilambu ya bwanabwankashi. Lyalo ndaakumucafwa. Nebo ndime Mwaami Lesa, Lesa wanu.”

Milimo ya Batumwi 10:31

Wakaamba ayi, ‘Konelyasi, Lesa wanyumfwa mipailo yako alimwi akuyeeya lucafwo lwako kubantu bapenshi.

Milimo ya Batumwi 10:4

Konelyasi wakalangilishisha munjelo uyo akwiipusha ayi, “Mbuyani nkambo?” Munjelo wakamukumbula ayi, “Lesa wakondwa amipailo yako alimwi alucafwo lwako kubantu bapenshi, aboobo ulilibambite kukukumbula.

Milimo ya Batumwi 8:21

Taaku lubasu ndoocite mumulimo wesu uyu mukwiinga tooluleme pameenso akwe Lesa.