Neyemiya 2:18 - Baibo Busansulushi Bwa Libuku Ili

¹⁸ Lyalo ndakabalwiita Lesa wangu mbwaakalinga andime ambwaakalinga kuncafwa alimwi ashaakaŋambila mwaami Atasakisesi. Abalo bakankumbula ayi, “Anu atutalikekobo kwiiyakulula.” Aboobo bakatalika mulimo uyu ubotu.

Neyemiya 2:18 ပူးပေါင်းရင်းမြစ်များ

2 Samwelo 2:7

Ono amuyume akubula boowa mukwiinga Saulo mwaami wanu ulifwite. Paceebo ceeci bene Juda bananika ndime kuba mwaami wabo.”

1 Makani 11:10

Aya ngameena a bashilumamba bakwe Defedi bapukite, kubikaawo abene Isilaeli bamwi boonse abo bakamucafwa kuba mwaami bweenka bwakashomesha Mwaami Lesa. Ncakwiila mbomunya aba mbobakayumya bwaami bwakwe.

1 Makani 19:13

Uyume alimwi tulwane cakubula boowa kwiimikanina bene misheesu amandabala anene akwe Lesa wesu. Mwaami Lesa aacite kweelana akuyanda kwakwe.”

2 Makani 32:5

Lyalo wakasebensa cankusu kubamba lubumbu akuyaka maanda alaamfu kuli ndulo. Wakayakilaako lubumbu alumwi kunsengwe lya loolo. Wakashimpya musena uyo ngobakeelanya abulongo mbobakaleta kwicwe lya Ndabala yakwe Defedi. Wakapanga masumo aanji amayawo.

Esila 6:22

Lyalo bakaba akusekelela kwakulya cimaande. Bakacita boobo kabasangalete kwanshiku shosanwe ashobilo. Bakasangalala mukwiinga Mwaami Lesa wakasandula moyo wa mwaami wa kuAsilya ayi abacaafwe kuyaka alimwi Ŋanda yakwe Lesa, Lesa wa bene Isilaeli.

Neyemiya 2:8

Ntoosenga ankalata yakutolela Asafu, shikulama musaansa wa mwaami kwaamba ayi akampe shisamu shakuyakisha minjililo ya kulilinga lya Ŋanda yakwe Lesa, lubumbu lwa ndabala inene iyo alimwi aŋanda njeshi nkanookalaamo.” Mwaami wakampa shoonse nshendakasenga ceebo Lesa wakalinga andime.

Bene Efeso 6:10

Cakweelaako ncakwaamba ayi, nobamakwesu amuyume muMwaami Lesa kwiinda munkusu shakwe shiindaawo.

Bene Filipi 2:13

Mukwiinga Lesa ngoosebensa muli ndimwe ayi muyande akucita shintu kweelana amuyeeyo wakwe.

1 Samwelo 23:16

Sombi Jonasani mwanaakwe Saulo wakaya kuli Defedi kuOleshi uko mukumuyumyayumya ayi Lesa ulanoomufuna.