Neyemiya 13:3 - Baibo Busansulushi Bwa Libuku Ili

³ Bene Isilaeli ndibakanyumfwa mulawo uyo, bakakusha baswamashi boonse pakati kabo.

Neyemiya 13:3 ပူးပေါင်းရင်းမြစ်များ

Esila 10:11

Anu amulyaambilile shibiibi kuMwaami Lesa, Lesa wa bamashali banu bakulukulu akucita shimusangalasha. Amulitalamushe kubantu mbomwikalaabo akubamakaanu baswamashi.”

Esila 9:2

Bakeeba baana banakashi ba baswamashi abo alimwi akweebesha kubana babo basankwa. Munshila iyo bakasenkanya mushobo usalalite kubantu mbobekalaabo. Bamatanjilili abacinenenene balo mbobali akunembo mukucita shibiibi isho.

Neyemiya 10:28

Swebo sotwacaalaawo, nkokwaamba ayi bapailishi, bene Lefi, beshikulindilila paminjililo, beshikwiimba, basebenshi ba kuŊanda yakwe Lesa aboonse abo bakalipatula kuswa kubaswamashi mukukonkela Milawo yakwe Lesa pantu pomwi abamakaabo, bana babo basankwa abanakashi abo bakalinga kukonsha kunyumfwa,

Neyemiya 9:2

Bamulunyungu lwa bene Isilaeli bakalipatula kuswa kubaswamashi. Mpeeke bakeemikana akulyaambilila shibiibi shabo abubi bwa bamashali babo bakulukulu.

Kulumbaisha 119:11

Ndalama maswi anu mumoyo wangu, kwaamba ayi ntanoomubishisha.

Kulumbaisha 119:9

Anu cikula bwangu inga wasalasha buyani nshila yakwe? Kwiindabo mukwikala kweelana amaswi anu.

Kulonga 12:38

Bantu bamwi baanji bateshi bene Isilaeli bakayaabo, pantu pomwi ambelele, mpongo alimwi aŋombe shiinji.

Tushimpi 6:23

Shitookufunda baiso, ndilampi. Shitookwiisha banyoko, ngumumuni, akwalo kululamika kwabo, ndwiiyo lwa buumi.

Shakubelenga 11:4

Pamulongo wa bene Isilaeli pakalinga abaswamashi bamwi abo bakanyumfwa nkosha abuumbi, alimwi abalo bene Isilaeli boonse bakatalika kutongooka ayi, “Kubota bulya kulyawo nyama!

Bene Loma 3:20

Ceebo taaku muntu ululamikwa pameenso akwe Lesa kwiinda mukucita bwaamba Milawo. Sombi Milawo ilalengeshabo bantu kwishiba ayi babisha.

Jemusi 1:27

Kupaila kwiine kwiine kutacite kampenda pameenso akwe Lesa Ishiwesu, nkwakulama bana banshiwa abamukalubinje banakashi mumapensho abo. Peculu lya waawo, nkuloonda shibiibi sha mucishi ca panshi ayi inga shamubisha.