Neyemiya 13:10 - Baibo Busansulushi Bwa Libuku Ili

¹⁰ Ndakacana alimwi ayi shipansha sheelete kupekwa bene Lefi, teshakalinga kupekwa kuli mbabo. Aboobo beshikwiimba abene Lefi bamwi bakaboolela womwi awomwi kumuunda wakwe.

Neyemiya 13:10 ပူးပေါင်းရင်းမြစ်များ

2 Makani 31:4

Kuswawaawo Esekiya wakaambila bene Jelusalemu ayi kabaletela bapailishi abene Lefi shipo isho nshebakalinga kweelete kupekwa kwaamba ayi beelibalebo kucita shiyanda Milawo ya Mwaami Lesa.

Neyemiya 10:37

Tulaakunootola busu butaanshi, shipo sha shili anga ngamaila, shisepo shitaanshi sha kushisamu shesu shoonse, waini upya alimwi amafuta a maolifi kubapailishi ba muŊanda yakwe Lesa. Tulaakunooleta calikumi ca shishango shesu shoonse kubene Lefi, ceebo mbene Lefi beelete kubwesa shalikumi mumishi umo motusebensela.

Neyemiya 10:39

Ono bene Isilaeli abene Lefi balyeelete kutola shipo sha shili anga ngamaila, waini upya alimwi amafuta a maolifi kumaanda akusungilamo shisebensesho sha Ŋanda yakwe Lesa uko kwikala bapailishi bali pabulishi, beshikulindilila kuminjililo alimwi abeshikwiimba. Teshi tukalekeleshewo Ŋanda yakwe Lesa, Lesa wesu.

Neyemiya 12:47

Ono muciindi cakwe Selubabelo amuciindi cakwe Neyemiya, bene Isilaeli boonse bakalinga kuleta shipo sha bushiku abushiku sha beshikwiimba abeshikulindilila minjililo. Bakalinga kuleta cipansha ceelete kubene Lefi, abalo bene Lefi bakalinga kupa cipansha ceelete kubapailishi.

Isaya 43:23

Mwakacileka kundetela mbelele sha milambu yakutenta, nabi kundemeka kwiinda mukubenga milambu yanu imwi. Nebo nshikwe kumupawo mikuli ya shipo sha fulaulo, nabi kumulemya kukumusesa ayi mundetele tununkila kabotu pakutenta.

Malaki 3:8

Anebo ntoomwiipusha ayi, ‘Sa ncibotu muntu kupamba Lesa?’ Ncakwiila teshi cibotu! Nakubi boobo mwebo mulampamba. Sombi muleepusha ayi, ‘Munshilanshi?’ Mulampamba mushalikumi ashipo.

Shakubelenga 35:2

“Lwiita bene Isilaeli ayi kuswa mushishi isho nshebakapekwa, balyeelete kupawo bene Lefi mandabala anene amwi ayi bekaleemo, pantu pomwi amafulo a ngawo.

Dutolonomi 12:19

Mukabikeeko maano kutasuula bene Lefi mwaakunookala mucishi canu ico.