Neyemiya 1:5 - Baibo Busansulushi Bwa Libuku Ili

⁵ Ndakapaila ayi, “NoBaami baLesa, baLesa ba kwiculu, nobaLesa banene, nomulemekwa, mulalama cipangano ca lusuno kuli baabo bamusuni alimwi bakonkela milawo yanu.

Neyemiya 1:5 ပူးပေါင်းရင်းမြစ်များ

1 Baami 8:23

wapaila ayi, “NoBaami baLesa, baLesa ba bene Isilaeli, taaku lesa uli mbuli ndimwe mwiculu nabi pacishi ca panshi! Mwebo mulacita kweelana acipangano ncemwapanga abantu banu, akubabonesha lusuno lwanu na bekala mukunyumfwila ndimwe camoyo woonse.

1 Makani 17:21

Sa pacishi ca panshi paliwo mushobo uli mbuli wa bene Isilaeli uyo wa bantu mbomwakafuna kuswa mubusha ayi babe bantu banu? Taapuuwo. Mwakabacitila shintu shikankamika isho shakalengesha liina lyanu kuya mpuwo mucishi ca panshi coonse. Mwakatanda mishobo imwi kuswa kunembo lya bantu banu. Ee, bantu abo mbomwakafuna kuswa mucishi ca Ijipiti.

Esila 1:2

Wakalemba ayi, “Uku nkokwaamba kwangu nebo neSailasi mwaami wa bene Pesha. Mwaami Lesa, Lesa wa kwiculu, wampa nkusu shakulela cishi ca panshi coonse alimwi ashakuyaka Ŋanda yakwe muJelusalemu mucishi ca Juda.

Neyemiya 2:4

Mpeeke mwaami wakanjipusha ayi, “Ino ulisuninshi?” Lyalo ndakapaila kuli Lesa wa kwiculu

Neyemiya 4:14

Ono ndindakabona kwaamba ayi bantu bapenga mumyoyo, ndakabambila pantu pomwi abamatanjilili babo alimwi abacinenenene ayi, “Mutaloondi balwani besu. Amwiibaluke Mwaami Lesa munene uyoosha. Amulwanine bene mishaanu, bana banu, bamakaanu alimwi amaandaanu.”

Neyemiya 4:8

Lyalo bakapangana kulwana Jelusalemu alimwi akubusha shimfulunganya.

Neyemiya 9:32

“Ono nobaLesa besu, ncakwiila muli baLesa beshinkusu, mulalemekwa alimwi mulakankamika abuumbi! Mulacita kweelana acipangano canu ca lusuno. Twapeenga abuumbi kuswa kuciindi bamaami ba bene Asilya ndibakatulyatila kushikila asunu. Bamaami besu, bamatanjilili, bapailishi, balaluki, bamashali besu bakulukulu abantu besu bamwi boonse bapenga abuumbi. Ono amwiibaluke mbotwakapenshekwa!

Kulumbaisha 47:2

Mwaami Lesa wa kwiculu Wiindaawo ulayoosha. Lakwe nguMwaami wa nkusu ulela cishi coonse ca panshi.

Kulumbaisha 76:8

Mwakaambilisha boomboloshi bwanu kuswa kwiculu. Bamucishi ca panshi bakaloonda akuumunabo tontolo

Kulumbaisha 89:2

Ndaakwaamba ayi lusuno lwanu ndwalyoonse alyoonse, alimwi ayi kushomeka kwanu nkwamuyayaya anga bweenka bubete liculu.

Kulumbaisha 89:3

Mwebo mwakaamba ayi, “Ndacita cipangano amuntu ngondakasala. Ndakashomesha cakulumbila kuli Defedi musebenshi wangu ayi,

Kulumbaisha 89:8

NoBaami baLesa Beshinkusu shoonse, anu ngani uli anga ndimwe? Mwebo muli beshinkusu alimwi mulashomeka mushintu shoonse.

Kulonga 20:6

Sombi ndabonesha lusuno lwangu kushuulu ashuulu sha baabo bansuni akukonkela milawo yangu.

Dutolonomi 7:12

“Na munyumfwe akukukonkela milawo iyi cakushomeka, Mwaami Lesa wanu ulaakutolelela kulama cipangano cakwe amwebo alimwi ulaakumutondesha lusuno lwakwe ulo lubabo mushobo womwi lyoonse, bweenka mbwaakashomesha bamashali banu bakulukulu.

Dutolonomi 7:21

Aboobo mutabaloondi, Mwaami Lesa, Lesa wanu uli amwebo. NguLesa wiindaawo alimwi weelete kuloondwa.

Dutolonomi 7:9

Amwiibaluke kwaamba ayi Mwaami Lesa, Lesa wanu ngoLesa eenkabo alimwi ulashomeka. Ulaakubamba cipangano cakwe akutondesha lusuno lwakwe luli mushobo womwi lyoonse kushikila akumashalane ali cuulu abantu bamusuni alimwi bakonkela milawo yakwe.