Neyemiya 1:4 - Baibo Busansulushi Bwa Libuku Ili

⁴ Mpeeke ndindakanyumfwa boobo, ndakekala panshi akulila. Ndakalila akulikasha kulya kwanshiku shiinji kunembo lyakwe Lesa wa kwiculu.

Neyemiya 1:4 ပူးပေါင်းရင်းမြစ်များ

2 Samwelo 12:16

Defedi wakakombelela kuli Lesa ayi mwaana uyo abe kabotu. Wakalikasha kulya alimwi lyoonse mashiku wakalinga kunjila muŋanda yakwe akoona panshibo.

2 Baami 22:19

Wasanduka kuswa kushibiibi shako akulibombya pameenso angu kwiinda mukukwamoona shakufwala shako akulila ndiwakanyumfwa mbondakalinga kupinga kupa mulandu kundabala ya Jelusalemu abantu bekalaamo. Ndaakucita boobo ilaakunooyoosha kwiilanga. Ncakwiila ilaakuba musena uyo bantu ngweshi bakanoosebensesha pakushingana. Sombi ndanyuumfwa kusenga kwako.

2 Makani 6:13

Ono Solomoni wakalinga kupangite kale cakwiimikanawo ca bulonse cakalinga mamita ali 2.2 mumbasu shoonse alimwi amamita ali 1.3 kuya mwiculu. Wakacibika pakati napakati ka lubansa lwa Ŋanda yakwe Lesa. Lyalo wakatanta pacakwiimikanaawo ico, wafukama pameenso a bantu boonse akutambika maansaakwe kwiculu.

Esila 1:2

Wakalemba ayi, “Uku nkokwaamba kwangu nebo neSailasi mwaami wa bene Pesha. Mwaami Lesa, Lesa wa kwiculu, wampa nkusu shakulela cishi ca panshi coonse alimwi ashakuyaka Ŋanda yakwe muJelusalemu mucishi ca Juda.

Esila 10:1

Ono Esila ndyaakalinga kupaila akulyaambilila shibiibi, kaalila akuliwaala panshi kunembo lya Ŋanda yakwe Lesa, likoto linene lya bene Isilaeli, nkokwaamba ayi basankwa, banakashi alimwi abanike bakabungana kumushinguluka. Abalo bakalila abuumbi.

Esila 9:3

Ono ndindakanyumfwa boobo, ndakakwamoona shakufwala shangu akunonkola misusu alimwi andesu shangu mubukali. Lyalo ndakekala panshi mubuumba bunene abuumbi.

Esila 9:5

“Ono ciindi ca mulambu wa macolesha ndicakashikila, ndakanyamuka apo mpondakalinga kushiite, kaancifwete shakufwala shangu shikwamukite, ndakafukama akutambika maansaangu kwiculu kuMwaami Lesa, Lesa wangu.

Neyemiya 2:20

Mpomunyaawo ndakabakumbula ayi, “Lesa wa kwiculu ulaakutulengesha kuswitilila. Swebo sobasebenshi bakwe tutootalika kuyakulula alimwi, sombi mwebo tamucitewo nkusu pacipansha ca ndabala ya Jelusalemu nabi comwi alimwi taaku cintu nabi comwi nceenga mwaamba ayi ncanu.”

Neyemiya 2:4

Mpeeke mwaami wakanjipusha ayi, “Ino ulisuninshi?” Lyalo ndakapaila kuli Lesa wa kwiculu

Kulumbaisha 102:15

Mishobo yoonse ilaakuloonda liina lya Mwaami Lesa. Bamaami boonse ba pacishi ca panshi balaakumulemeka.

Kulumbaisha 136:26

Amulumbe Lesa wa kwiculu, ee, mukwiinga lusuno lwakwe ndwamuyayaya.

Kulumbaisha 137:1

Kunshaamilonga ya Babiloni, twakekala panshi akulila. Twakalila nditwakayeeya Siyoni.

Danyelo 10:2

Paciindi ico nebo neDanyelo ndakoongumana kwansondo shotatwe.

Danyelo 2:18

Wakabaambila kwaamba ayi basenge nkumbu kuli Lesa wa kwiculu ayi abasansulwite cintu ico cishisitwe. Wakacita boobo kwaamba ayi lakwe ababye batacaikwi pantu pomwi abeshikupandaako maano bamwi ba muBabiloni.

Danyelo 9:3

Mpeeke ndakapaila kuMwaami Lesa cakulyaaba, kumukombelela kwiinda mukulikasha kulya, kufwala masaka akwikala mumilota.

Jona 1:9

Jona wakakumbula ayi, “Ndi muEbulu. Ndalambila Mwaami Lesa, uli ngoLesa wa kwiculu uyo wakalenga inshi alweenge.”

Sefaniya 3:18

bweenka mbobacita bantu pakusekelela.” Mwaami Lesa waamba ayi, “Ndaakukusha mapensho kuli ndiwe Ncakwiila ndaakukusha musebaanyo wako.

Bene Loma 12:15

Amusangalale abaabo basangalete alimwi mulile abaabo batoolila.