Naamu 3:6 - Baibo Busansulushi Bwa Libuku Ili

⁶ Ndaakukuwaala sha matombe alimwi ndaakukunaama. Ndaakukulengesha kuba cintu cakuseka.

Naamu 3:6 ပူးပေါင်းရင်းမြစ်များ

Jobo 30:19

Wansowela panshi mumatipa. Ndababo anga ndanana lusuko nabi milota.

Jobo 30:8

Lwakalinga ndusubo lutaaku mbolubete. Ndushinisho bakalinga bantu batanditwe mucishi.

Jobo 9:31

Lesa ulaakungwaala mucikanda ca matombe cakwaamba ayi ashakufwala shangu shilaakusaya pamubili.

Jelemiya 51:37

Cishi ca Babiloni cilaakuba matongo umo mweshi mukanookalabo bamwaaba. Cilaakuba cintu ceelete kuloondwa akusekwa. Taaku muntu nabi womwi weshi akekaleemo.

Malilo 3:16

Wakatyoloola meeno angu kumabwe alimwi akundyatoola mulusuko.

Esekelo 16:37

Paceebo ceeco, ntoobunganya mbowakalinga kweendaabo boonse abo mbowakalinga kusangalalilaamo, mbowakalinga kusuni abaabo mbowakalinga kupatite. Ndaakubabunganya ayi bese bakulwaane kuswa kumisena yoonse ikushingulukite akwisa mukukufuula kunembo lyabo ayi bakubonene.

Naamu 1:14

Mwebo nobene Asilya, Mwaami Lesa wapa mulasho pali ndimwe ayi, “Teshi mukabeewo abamulunyungu abo beshi bakanokwiitwa meena anu. Ndaakunyonyoola shikoshanyo shakubesa ashibumbwabumbwa isho shili mumaanda akulambililaamo balesa banu. Ndaakubamba cuumbwe canu mukwiinga tamweelete kunoocili boomi.”

Abakuku 2:16

Ono mwebo nweenka mulaakulenshekwa nsoni mumusena wa bulemu. Ncakwiila mwebo nobeene mulaakukolwa akutalantanta. Mwaami Lesa ulaakumulengesha kunwa nkomeshi ya bukali bwakwe, lyalo bulemu bwanu bulaakusandulwa kuba musebaanyo.

Sefaniya 2:15

Iyi njendabala ilisumpula iyo ikala muluumuno. Yakalinga kulyaamboosha ayi, “Ncakwiila taaku ndabala ili mbuli ndime, sobwe.” Bulya yababo matongo mwakuyuba banyama ba muluundu! Abo boonse beendaamo balaakwiiseka akunooitondeka maansaabo.

Malaki 2:2

mulyeelete kunoolemeka liina lyangu mumicito yanu. Na munoobula kunyumfwila, ndaakumushingana pantu pomwi ashintu isho nshemutambula ayi shinoomucafwa. Ncakwiila ndashishingana kale mukwiinga tamukonkeli mulawo wangu amoyo woonse.

Malaki 2:3

Ono ceebo ca ndimwe, ndaakupa mulandu bamulunyungu lwanu. Ndaakumunanika bufumba bwa milambu yanu pameenso, akumutola nkobabusowela.

Malaki 2:9

Aboobo, ndalengesha kwaamba ayi bantu boonse banoomunyansha akumuceesha mukwiinga tamukwe kukonkela kuyanda kwangu alimwi mukwiisha kwanu mulasalulula.”

1 Bene Kolinto 4:13

Ciindi ndibatubekesha tulabakumbulabo mumaswi abombu. Ono kushikila cino ciindi twaba anga ngamatombe a cishi ca panshi nabi shintu shisuulitwe kubantu boonse.

1 Bene Kolinto 4:9

Ceebo ndabona kwaamba ayi swebo sobatumwi Lesa wakatubika kwisule kwiine anga mbantu bapingulwa kucaikwa. Twaba anga ncintu cakweebela kushilengwa shoonse, kuteeshibo kubantu, sombi abaanjelo boonse.

Bene Ebulu 10:33

Cimwi ciindi mwakalinga kucobolwa alimwi akupenshekwa pameenso abantu. Ciindi cimwi alimwi mwakalinga kupenga pantu pomwi abaabo bakalinga kupenshekwa munshila iyi.

Judi 1:7

Amwiibaluke andabala ya Sodoma aGomola amandabala akalinga pafwaafwi. Bantu ba mumandabala aya abalo bakatalika kucita bufuule alimwi akucitana shintu shilensha nsoni. Lesa wakabapa mulandu wa mulilo utamaani kwaamba ayi cibe citondesho kubantu boonse.