Naamu 3:11 - Baibo Busansulushi Bwa Libuku Ili

¹¹ Awebo ondabala ya Ninife ulaakukolwa. Lyalo ulaakuya mukuyuba akweelesha kucicila balwani bako.

Naamu 3:11 ပူးပေါင်းရင်းမြစ်များ

Kulumbaisha 75:8

Mulyaansa lya Mwaami Lesa muli nkomeshi. Nkomeshi iyo iliswitebo waini wa bukali bwakwe. Ulootila alimwi bantu boonse babiibi ba mucishi balanwa. Balanwa kushikila woonse boomana.

Isaya 2:10

Nobantu, amuyube mushimfwengo mutulundu twa myaandami, nabi kukaba shilindi kwaamba ayi mucice bukali bwa Mwaami Lesa akuyuba nkusu abulemu bwakwe.

Isaya 2:19

Bantu balaakucicila mushimfwengo amutulundu twa myaandami akuyuba mushilindi. Balaakucita boobo ceebo cakuloonda bukali, nkusu abulemu bwa Mwaami Lesa, bushiku aakunyamuka ayi atenkaanye cishi ca panshi.

Isaya 29:9

Amutolelele kuba baluya! Amutolelele kuba boofu! Kamukoletwe, sombi kuteshi ceebo ca waini. Kamutalantanta, sombi kuteshi ceebo ca bwalwa.

Isaya 49:26

Ndaakulengesha baabo bamulyatilila kulya nyama ya mibili yabo beene. Ee, balaakubunwa bulowa bwabo beene akukolwa anga banwa waini. Lyalo bantu boonse balaakwishiba ayi ndime Mwaami Lesa, Mupulushi wanu, Shikumulubula, Lesa Shinkusu shoonse wa bamulunyungu lwakwe Jakobo.”

Isaya 63:6

Ndakabalyatoola paciindi ndindakalinga kukalalite. Ceebo cakufundililwa kwangu ndakabalengesha kukolwa akutila bulowa bwabo panshi.”

Jelemiya 4:5

“Amwaambilishe muJuda akoolobesha muJelusalemu ayi, ‘Amulishe mapeenga mucishi coonse.’ Amoolobeshe kamwaamba ayi, ‘Amubungane pantu pomwi, tucicile kumandabala anene acite malinga.’

Jelemiya 51:57

Ndaakulengesha bacinenenene abasongo bakwe kukolwa. Ndaakulengesha abeendeleshi, bamatanjilili ba bashilumamba abashilumamba babo kukolwa. Kuswawaawo balaakoona cakutabukaawo. Nebo neMwaami ndaamba. Nebo ndime Mwaami Lesa Shinkusu shoonse.

Jelemiya 8:14

Bantu bakwe Lesa bakeepusha ayi, “Ino nciinshi ncetushiitile waano? Atubungane pomwi, twamana tucicile kumandabala acite malinga, tuye tufwite nkuko. Atucite boobo ceebo Mwaami Lesa, Lesa wesu watupa mulandu ayi tufwe akutupa maanshi akola ayi tunwe mukwiinga twakamubishisha.

Osiya 10:8

Misena yakulambililaako ya patulundu ya kuAfeni, ilaakunyonyoolwa ceebo cakulengesha bene Isilaeli kubisha. Myuumfwa ashisonsoonya shilaakumena akufwekelesha shipaililo sha njiyo. Bantu balaakutalika kwaambila tulundu tunene ayi, “Amutuwiite,” alimwi atulundu tuniini ayi, “Amutufwekelele.”

Amosi 9:3

Nabi bakayube paKalundu ka Kamelo, ndaakubayandoola kushikila nkabacaate. Nabi bakayube panshi peene palweenge lulaamfu, ndaakwaambila shinshimwe ayi abaluume.

Mika 7:17

Balaakunoomyanguta bulongo anga ninsoka, ee, anga shilongolo shikalaba panshi. Balaakunoosa kabatutuma mushiyubilo shabo. Balaakusandukila kuli ndime neMwaami Lesa, Lesa wanu ceebo ca boowa alimwi balaakunooloonda ndimwe.”

Naamu 1:10

Balaakucatwa mumyuumfwa akukolwa waini wabo. Balaakutentwabo anga mbwiisu buyumu.

Naamu 2:1

Mwebo nobene Ninife balwani banu bashika. Amubike beshikulindilila kuciyubilo! Amubike beshikulindilila kumukwakwa! Amulibambile kulwana! Amwiimikane cankusu!

Luka 23:30

Lyalo balaakutalika kwaambila tulundu tunene ayi, ‘Amutuwiite’ alimwi atulundu tuniini ayi, ‘Amutufwekelele.’

1 Samwelo 13:6

Lyalo bene Isilaeli ndibakabona ayi bakalinga munkasaalo, bamwi bakalinga kuyuba mushimfwengo, mushilingo, pakati ka mabwe, mushilindi alimwi amumikalo.

1 Samwelo 14:11

Mpeeke bakalibonesha kashanga kubene Filisiti. Lyalo bene Filisiti bakaamba ayi, “Amubone! BaEbulu bamwi batooswa mushilindi mobalinga kuyubite!”