Naamu 2:8 - Baibo Busansulushi Bwa Libuku Ili

⁸ Bweenka bupoomoka maanshi kuswa mucishiba capasuka mbweeke ubo bantu mbobatooswa mundabala ya Ninife. Batokoolobesha ayi, “Amwiimikane! Amwiimikane!” Sombi taaku nabi womwi utokwiimikana.

Naamu 2:8 ပူးပေါင်းရင်းမြစ်များ

Matalikilo 10:11

Kuswa mumusena ulya wakaya kuAsilya akuyaka ndabala inene ya Ninife, Lewoboti Ili, Kala,

Isaya 13:14

“Baswamashi bekala muBabiloni balaakucicila kushishi shine mishaabo cakupalangana anga ninsefu shitooloonda bafwimi, nabi anga nimbelele shabula mweembeshi.

Isaya 38:14

Liswi lyangu lwakaceya ceebo cakushinka, alimwi ndakalinga kulila anga nimpolobe. Aalo meenso angu ashimba kukulanga kwiculu. Amumfuune noBaami baLesa, ndi mumapensho.”

Isaya 47:13

Maano ngoopandwaako akucaya mutwi! Anu basongo ba shintu shili mwiculu abese tubone, ee, beshikusonda mukusebensesha lushibo lwa panyenyeenshi, abo baamba sheshi shikacitike kunembo mweenshi amweenshi, abakupulushe kusheesho shitoosa pali ndiwe.

Isaya 48:20

Amuswe mundabala ya Babiloni, Amubashiiye bene Babiloni! Amwaambilishe cikani ici cakusangalala, ee, amucaambilishe. Amushibishe bantu boonse kuswa kweela cishi ankoceela ayi, “Mwaami Lesa wapulusha basebenshi bakwe bamulunyungu lwakwe Jakobo.”

Isaya 59:11

Ono soonse tutoobulumabo anga ngamabeya. Tutoolila cilensha nkumbu anga nimpolobe. Tulalangoola koombolosha kululeme, sombi tatukubooni. Tulalangila kupulushikwa kuswa mubusha, sombi kuli kulaale aswebo.

Jelemiya 46:5

“Ino ndabonanshi? Baloonda, batooboolela muunshi. Bashilumamba babo bakomwa. Bacica cakufwambaana kutacebuka amwisule. Shiyoosha shili kumbasu shoonse. Nebo neMwaami Lesa ndaamba.

Jelemiya 47:3

Balaakunyumfwa minkiti ya shoondo sha maaki, coongo ca shikoci sha balwani babo akuyobeka kwa mawilo a nshisho. Bamashali basankwa teshi bakaboole kwisule mukufuna bana babo. Maansaabo alaakunooloketebo.

Jelemiya 50:16

Amulengeshe ayi muBabiloni mubule shikushanga nabi shikutebula ashicekeshi. Ceebo ca mupeeni wa shikulyatilila bantu, muntu womwi awomwi aaboolele kubene mishaabo, ee, boonse abacicile kucishi cine mishaabo.”

Jelemiya 51:13

Mwebo nomushiite kufwaafwi amilonga iinji nomucite buboni buunji, ono bwamweela, cashikila ciindi canu cakufwa.

Jelemiya 51:30

Bashilumamba ba kuBabiloni bacileka kulwana, balishiitebo mushiyubilo shabo. Nkusu shabo shamana. Bababo mbuli banakashi. Maanda a mundabala iyo apya ampingilo sha kuminjililo ya njiyo, shamana kutyoloolwa.

Naamu 1:1

Aya ngamaswi akaswa kuMwaami Lesa kwaamba pandabala ya Ninife. Ili ndibuku lya cili anga nciloto cakabona Naamu mwine Ekiloshi.

Naamu 3:17

Bacinenenene banu bali anga cisoshi, ico ciba mulilinga na kuli mpewo. Sombi lisuba na lyaswa, shilooluka alimwi taaku ushiba nkoshaya.

Ciyubululo 17:1

Lyalo umwi munjelo pakati ka baabo bali bosanwe abobilo bakalinga kucite mbale shifongomene shosanwe ashobilo, wakesa mukundwiita ayi, “Kosa nkuboneshe mbuli mwanakashi mufuule uyo wakaya mpuwo mbweshi akapekwe mulandu, njendabala inene iyo ili pafwaafwi amilonga iinji.

Ciyubululo 17:15

Munjelo uyu alimwi wakaŋambila ayi, “Maanshi alya ngowalinga wabona kapashiite mwanakashi mufuule uyo aleemikanina mishobo, shishi, shikanda shipusenepusene alimwi amilaka.