Naamu 2:3 - Baibo Busansulushi Bwa Libuku Ili

³ Bashilumamba bali mulikoto lya balwani baliyumwite mayawo asalala. Ashalo shakufwala shabo sha nkondo nshisalalabo pyu anga mbulowa. Ncakwiila batoolibambila kulwana. Sheela sha kushikoci shabo shitoobekookabo ee, kubeka anga ngumulilo. Aalo masumo ayo acite shisamu sha mapaini atoobekabekabo.

Naamu 2:3 ပူးပေါင်းရင်းမြစ်များ

Jobo 39:23

Shakulwanisha isho shinyamwite beshikwaatanta shilaya bukolonkonsha akuya bubekooka kulisuba.

Kulumbaisha 80:13

Bakunsengwe banyonyoola cishi cabo. Ncakwiila baswamashi basaala bubile bwabo.

Isaya 14:8

Ashalo shisamu sha mapaini asha sida sha kuLebanoni shitoosekelela ceebo ca kuwa kwako. Shitokwaamba ayi, ‘Ono bulya mbowabooshekwa panshi, taaku beshikutema beshi bakese mukututema.’

Esekelo 23:24

Balaakwisa mukukulwana kuswa kumatwa ashikoci sha nkondo, shikocibo alimwi amulongo wa bantu. Balaakwiimikana mumisena yabo ya nkondo kumbasu shoonse kabacite mayawo anene aaniini alimwi ashimpoompo. Ndaakukwaaba mumaansaabo kwaamba ayi bakupe mulandu kweelana amilawo yabo.

Esekelo 26:7

“Nebo neMwaami Lesa Shinkusu shoonse ndaamba ayi, ‘Kuswa kumatwa ndaakuleta Nebukadinesa mwaami wa bene Babiloni, mwaami wiinda bamaami boonse kwisa mukulwana Taya. Ulaakwisa amaaki ashikoci, bashilumamba beshikulwanina pamaaki alimwi alikoto linene lya bashilumamba.

Naamu 3:2

Amunyumfwe kulila kwa shiswepu, kulila kwa mawilo, kutambala kwa maaki, akuyobeka kwa shikoci.

Sekaliya 1:8

Mashiku mucili anga nciloto ndakabona musankwa kaatantite liaki lisalala. Wakesa weemikana mushisamu sha masompe mucinyika ca mulonga. Kwisule kwakalinga aamwi maaki asalala, acite shibala shisalala aatubabo tu.

Sekaliya 11:2

Amulile cakooloma mwebo noshisamu sha mapaini ceebo shisamu sha sida shamana, ee, shisamu shilemekwa shanyonyoolwa! Ncakwiila mulile cakooloma mwebo nomibanga ya kuBashani, mulile ceebo shisaka shatemwa!

Sekaliya 6:2

Cikoci citaanshi cakalinga kukwelwa amaaki asalala, cabili amaaki ashiya,

Ciyubululo 12:3

Kwakaboneka acimwi cintu cikankamika kwiculu. Kwakaboneka shinshimwe musalala pyu, kaacite mitwi yosanwe ayobilo, meeca likumi alimwi amishini pamutwi womwi awomwi.

Ciyubululo 6:4

Mpeeke mwakaswa liaki limwi, lyalo lyakalinga lisalala. Uyo wakalinga kutantiteewo wakapekwa nkusu shakubusha nkondo mucishi ca panshi kwaamba ayi bantu bacayane. Lakwe wakapekwa mupeeni unene.