Naamu 2:2 - Baibo Busansulushi Bwa Libuku Ili

² Mwaami Lesa uli pafwaafwi kubooshesha bene Isilaeli bulemu bweenka mbobwakalinga kalekale ciindi balwani babo kabatana kubasaala akunyonyoola minyansa yabo.

Naamu 2:2 ပူးပေါင်းရင်းမြစ်များ

Kulumbaisha 47:4

Cishi cino ncetwikalaamo ngowakatusalila. Sobamulunyungu lwakwe Jakobo, wakatupa cishi ici ncetusuni ceebo ulitusuni.

Isaya 60:15

“Ndushinisho nakubi kwaamba ayi walinga wasuulwa akupatwa cakubula awiinda muli ndiwe, ndaakukulengesha kuba musena upa bulemu kwalyoonse alyoonse uyo weshi ukanoosangalasha bantu bamumashalane oonse.

Jelemiya 25:29

Amubone ntooyanda kutalika kuleta mapensho pandabala iyo iitwa liina lyangu. Sa ncakwiila mutooyeeya ayi nkamulekebo kutamupa mulandu? Sobwe, teshi nkamulangebo kwakutamupa mulandu ceebo ndaakuleta nkondo pali boonse abo bekala mucishi ca panshi. Nebo neMwaami Lesa Shinkusu shoonse ndaamba.’

Jelemiya 48:11

Mwaami Lesa waamba ayi, “Bene Moabu balishiite cakuliiba kuswabo kukale kale. Tabana kutolwaawo kale mubusha. Balibo anga nguwaini wabikwa ayi ukalile, kutalonshekwa kuswa munongo imwi akutilwa munongo imwi. Mise ya nguwo ilibo mushobo womwi, ee, kununkila kwa nguwo takukwe kusandulwaawo.

Jelemiya 49:9

Bantu ndibayapa minyansa balashiyaako iniini. Na beepi bamupolela mashiku balabwesabo nshebasuni.

Esekelo 37:21

akubaambila ayi nebo neMwaami Lesa Shinkusu shoonse ndaamba ayi, Ndaakukusha bene Isilaeli kuswa mumishobo iyo njebakaya mukwikalaako mumbasu shone shoonse sha cishi ca panshi akubaboosha mucishi cine mishaabo.

Esekelo 37:23

Teshi bakalibishewo tubili kushikoshanyo shabo, kushibumbwabumbwa shabo shilensha bunya nabi kushibiibi shabo shimwi shoonse. Ncakwiila ndaakubasalasha kuswa kushibiibi shabo shoonse. Balaakuba bantu bangu anebo ndaakuba Lesa wabo.

Osiya 10:1

Bene Isilaeli bakalingabo anga ncisamu ca minyansa citookula kabotu alimwi cicatite minyansa iinji abuumbi. Bweenka buboni bwabo mbobwalinga kuya ciindaawo kufula, mbweeke ubo ashipaililo mboshakalinga kuya bufula. Bweenka cishi mbocakalinga kuya ciindaawo kusumpuka, mbweeke ubo abalo mbobakalinga kwiindaawo kubotesha mabwe abo asalalite ayo ngobakalinga kulambila.

Naamu 2:10

Ndabala ya Ninife yanyonyoolwa, yacaala cisuukila alimwi yaba matongo. Myoyo yamanamobo kuboowa amwalo mumanungo mwaboolabo tontolo ceebo nkusu shoonse shamana. Shiwa shoonse shaloka kuboowa.

Naamu 3:14

Nobene Ninife amuteke maanshi akusebensesha na bamushinkile. Amuyumye malinga anu! Amukande bulongo kwaamba ayi muume ncelwa! Amubambe shikombole.

Sefaniya 3:11

Pabushiku bweenka ubo mwebo nobene Jelusalemu teshi mukalenshekwe nsoni pashintu isho nshemwakambishisha. Nebo ndaakukusha beshikulisumpula boonse mundabala yanu. Teshi mukambukilewo tubili pakalundu kangu kasalalite.