Naamu 2:11 - Baibo Busansulushi Bwa Libuku Ili

¹¹ Anu ndabala ya Ninife ili kuli? Anu njili ndabala iyo yakalinga anga ncimfwengo mwikala nkalamu? Uli kuli musena uko bana ba nkalamu nkobakalinga kusanininwa ankalamu isankwa ayanakashi nkoshakalinga kuya abana ba nshisho kabatacite cakulisukama?

Naamu 2:11 ပူးပေါင်းရင်းမြစ်များ

Matalikilo 49:9

Juda uli anga mwanaankalamu, ucaya paya moyo akuboolela mucimfwengo cakwe. Mbuli nkalamu ulabwandama akoona panshi, nabi nkalamu yanakashi, anu ngani weenga wamusonkomona?

Isaya 13:7

Paceebo ceeco maansa oonse alaakuboolabo lempwete. Ncakwiila womwi awomwi ulaakunjilwa boowa.

Isaya 31:4

Mwaami Lesa wandwiita ayi, “Bweenka nkalamu mboibuluma, ee, bweenka nkalamu inene mboicemba pamunyama ngoyacata alimwi bweenka mboitaloondi beembeshi batooiyobelela nabi bafule buyani, mbweeke ubo taaku weshi akakonshe kukasha nebo neMwaami Lesa kufuna Kalundu ka Siyoni.

Isaya 5:29

Bashilumamba abo balalilabo anga ninkalamu, ee, anga mbaana ba nkalamu abo babuluma na bacata munyama. Balamutolaanya cakubulaawo aukonsha kumufuna.

Jelemiya 2:15

Bamubulumina anga ninkalamu kumubulumina cabukali. Cishi cakwe bacilengesha kuba matongo, aalo mandabala akwe anyonyoolwa akushiyikwabo cisuukila.

Jelemiya 4:7

Inkalamu yasokomoka kuswa mucisakasaka moikala. Ncakwiila shikunyonyoola mishobo wanyamuka. Wanyamuka kwisa mukunyonyoola cishi ca Juda. Ulaakunyonyoola mandabala anu cakubula amuntu wikalaamo.

Jelemiya 50:17

Mwaami Lesa waamba ayi, “Bene Isilaeli balipalangenebo anga nimbelele shatandaanishikwa kunkalamu. Mutaanshi kubanyonyoola ngumwaami wa bene Asilya. Pesule wakapwayoola mafuwa abo nguNebukadinesa mwaami wa bene Babiloni.

Jelemiya 50:44

“Bweenka mbuli nkalamu itooswa mumasaka a kuJoodani akuya kumafulo abotu, mbweshi nkatandaanye abene Babiloni kuswa kucishi cabo cakufwambaana. Lyalo mutanjilili uyo ngweshi nkasaale, ulaakweendelesha mushobo uyo. Ino ngani weelene andime uyo ukonsha kumpikisha? Anu ngumweembeshinshi uyo ukonsha kwiimikana kunembo lyangu?

Esekelo 32:2

“Webo omuntu, imba lwiimbo lwa buumba kulilila Falawo mwaami wa Ijipiti ayi, ‘Webo ulibo anga ninkalamu pakati ka mishobo imwi, ulibo anga ngushinshimwe mulweenge, shinshimwe usamfoola maanshi mutulonga twakwe. Ulafundaanya maanshi amyeendo yako akulengesha tulonga kuba matipa.’

Jowelo 2:6

Kucibonabo, bantu boonse baba aboowa. Ncakwiila ciwa ca muntu womwi awomwi caloka kuboowa.

Mika 5:6

Bamatanjilili abo balaakukoma cishi ca bene Asilya kumupeeni. Balaakukoma acishi ca Nimulodi kunkondo. Balaakutufuna kuswa kubene Asilya paciindi baakwisa mukulwana cishi cesu, ee, baakwinjila mumanyinsa esu.

Naamu 2:12

Nkalamu isankwa yakacaya banyama baanji bakwana bana ba njiyo ankalamu yanakashi. Ciyubilo ca njiyo cakalinga kuswitebo nyama. Ncakwiila yakalinga kususha cimfwengo ico abanyama mboyakalinga kucaya.

Naamu 3:1

Mapensho kundabala inene itila bulowa buunji. Ndabala iyo iswitebo bubeshi abuboni bwakusaala. Ndabala iyo teebuli bakupensha.

Sefaniya 3:3

Bacinenenene ba njiyo bali anga ninkalamu shitoobuluma. Boomboloshi ba njiyo bali anga mbaumpe balyabi abo batashiyiiko cifuwa nabi comwi ayi bakalye ciilo.

Shakubelenga 23:24

Bene Isilaeli balanyamuka anga ninkalamu yanakashi, balalibusha anga ninkalamu isankwa. Tayookeshi kushikila yacaya akulya, akunwa bulowa bwa ceeco nceyacaya.”